মাধ্যৰাত্তি গাওঁখানেৰ আকাশত
চানহোয়া জ্বলে আকটা গুজব
(যিই গুজবটাকে চান বুলিয়া ভাবে)
মানুষগুলাৰ মুখে মুখে
গড্ডিয়া আইসে গুজবটা
হয় গগন ফালেয়া যাওয়া
আৰ্তনাদ
যাৰ মন্ত্ৰেৰ শব্দত ভাৰিহোয়া পৰা বুলিয়া ভাবে
গাওঁৰ বুকেৰ বতাস,
গাওঁৰ শ্বাসৰুদ্ধতা
যায় উৰিয়া উৰিয়া
ঝাঁপেয়া ঝাঁপেয়া যায়
চুল মেলিয়া
কুনোবেলা খালি মাথাটা
ঘূৰিয়া বেৰায় আন্ধাৰেৰ ঢাকন ফাঁলেয়া
(সন্দেসবশতঃ )
গভীৰ ৰাত্তিটা বেছি জয়াল কৰিয়া মেলিয়া দিয়
অচিন বেমাৰেৰ ভয়ংকৰ সুঁতি
অন্ধবিশ্বাসেৰ হাতত ধৰিয়া
চলিয়া যায়
অচিন আন্ধাৰেৰ ঘাটা
বাটে ঘাটে বাজে
ৰক্তেৰ কৰুণ বাঁসী
আৰ্তনাদত জলক-তবক বিজ্ঞানেৰ সূৰ্য্যমূখী হাঁসী ।
• মূল: কিশোৰ বড়ো
• ৰাওবদল:
কন্দর্পজিৎ কল্লোল