এই গাওঁখানেৰ উপৰদিয়া
ধেনুভাঁজীয়াকৰিয়া চলিয়া গেইল সূৰ্য্য
ধোআ কোআ ধোঁঙাদিয়া
উঠিয়া আসিল
শংকাৰ জয়াল ছাঁয়া
মেঘাছন্ন ৰাত্তি
নল খাগৰাৰ মধ্যত
টেপেৰী দিদিয়ে শেষবাৰেৰ জন্যে লাৰছিল মাটি
হাছমৎ ভাইৰ বাড়ীত
আগুন জ্বলছিল
মাইহাং বাটিত হিংসাৰ আপং আকবাটি খায়া
খাম্ফা কাকায় আগেয়া গেছিল
চেৰজাৰ তাঁৰেৰ নখত ধৰিয়া
ফেনে ফোটোকাৰে বাঢ়ছিল
চিতাৰ আগুনেৰ নদী
পৰিস্কাৰ সকালেৰ পোসাক পিন্ধিয়া
ছাইৰেণ বাজেয়া ৰাজা আসছিল
দুইচোঁখত ঘঁৰিয়ালৰ চশমা আকযোৰা পিন্দিছিল
নদীখানে যাওয়াৰ সমায়ত
খুলিয়া থোয়া গেইল
শেঁতা পোসাকেৰ মতো মৰুভূমি
আত্মাগুলানে মৰুভূমিত চিল্লিয়া বেড়াইতে
গাওঁখানত ভাঁসিয়া থাকিল
অৰ্ধদগ্ধ একতাৰ এনাজৰীৰ আখান
বিবৰ্ণ সূতা ।
• মূল: কিশোৰ বড়ো
• ৰাওবদল: কন্দর্পজিৎ কল্লোল