Wp/rki/Arduino

Arduino ဆိုရေမှာ အလွယ်တကူ အသုံးပြု၍ရရေ ဟတ်ဒ်ဝဲလ် နန့် ဆော့ဖ်ဝဲလ်တိကို အခြေခံ၍ တည်ဆောက်ထားရေ open-source prototyping platform တစ်ခုဖြစ်ရေ။ Open-source ဆိုရေမှာ အဆိုပါ hardware တိ တည်ဆောက်ထားပုံနန့် software တိ ရီးသားထားသည့် နည်းစနစ်တိ အားလုံးကို အတိပြည်သူမှ အလွယ်တကူ အခမဲ့ ရယူပြင်ဆင်နိုင်သည့် သဘောတရား ဖြစ်ရေ။

Arduino board တိကို အလွယ်ကူဆုံး ရှင်းပြရလျှင် ၎င်းနန့် ချိတ်ဆက်ထားရေ input device တိနန့် sensors တိမှ အချက်အလက်တိကို ဖတ်ရှုခြင်း၊ မော်တာတိကို လည်ပတ်မောင်းနှင်ခြင်း၊ LED မီးလုံးတိ ဖွင့်ပိတ်ခြင်း၊ အင်တာနက်နန့် ချိတ်ဆက်လုပ်ဆောင်ခြင်းတိ ပြုလုပ်နိုင်ရေ။ ထိုသို့ ပြုလုပ်နိုင်ရန် (Wiring ကို အခြေခံထားရေ) Arduino programming language နန့် (Processing ကို အခြေခံထားရေ) Arduino Software (IDE) ကို အသုံးပြု၍ မိမိရို့ အလိုဟိသည့် ညွှန်ကြားချက်တိကို ရီးသားကာ USB ကြိုးဖြင့် serial port မှ တဆင့် Arduino bord တွင် တပ်ဆင်ထားသည့် microcontroller အတွင်းသို့ ထည့်သွင်း၍ အလုပ်လုပ်စေခြင်း ဖြစ်ရေ။ Arduino ရေ အီလက်ထရောနစ် ပစ္စည်းတိကို လွယ်ကူစွာ ထိန်းချုပ်ခိုင်းစေနိုင်အောင် စီမံထားသည့် comtroller board တစ်ခုပင်ဖြစ်ရေ။

သမိုင်း

Arduino ကို ၂၀၀၅ ခုနှစ်က အီတလီဟိ Ivrea Institute ဟိ ဆရာအချို့က ကျောင်းသားတိ အလွယ်တကူ အသုံးချနိုင်ရန် ရည်ရွယ်၍ ရိုးရှင်း၊ ခေတ်မီ၍ ဈေးနှုန်းသက်သာသည့် microcontroller board အဖြစ် ဒီဇိုင်းထုတ်ခခြင်း ဖြစ်ရေ။ Arduino ဆိုရေ နာမည်ကိုမူ ၎င်းရို့ ထိုင်နီကျ ကော်ဖီဆိုင်ဧ နာမည်မှ ရယူထားခြင်းဖြစ်ပြီး ဘုရင် Arduino ဧ အမည်တော် ဖြစ်ရေ။

Arduino ဧ ပထမဆုံး ဒီဇိုင်းရေ အရွယ်အစား ကြီးမားပြီး ရှုပ်ထွေးသည့် ချိတ်ဆက်နည်းတိ အသုံးပြုရရေ။ ထို့ပြင် ဂနိခေတ် ၌ စံအဖြစ်သုံးနီပြီဖြစ်ရေ USB port လည်း မပါဝင်သိမ်းပေ။ သို့ရာတွင် အလားအလာတိစွာ ဟိခရေ။ ယခုအခါတွင်မူ ၎င်းဧ ရိုးရှင်းမှုနန့် အသုံးပြုရ လွယ်ကူမှုကြောင့် နာမည်ကျော်ကြားလာခပြီး လွန်ခသည့် ဆယ်စုနှစ်တိက အင်ဂျင်နီယာတိမှသာ လုပ်ဆောင်နိုင်သည့် ပရောဂျက်တိကို ချေတိက တည်ဆောက်အသုံးပြုနီနိုင်ကတ်ပြီ ဖြစ်ရေ။

အသုံးချခြင်း

Arduino ဧ ဒီဇိုင်းတစ်ခုလုံးအား open source ပြုလုပ်ထားခြင်းကြောင့် ၎င်းကို ရယူကာ clone ပြုလုပ်ထားရေ controller board အတိအပြားကို ကမ္ဘာအနှံ့တွင် တွိ့မြင်ဝယ်ယူနိုင်ပြီ ဖြစ်ရေ။ Arduino ကို တီထွင်ခမှုကြောင့် open source နန့် 3D printing လှုပ်ရှားမှုတိဖြစ်ရေ maker အစဟိသည့် နည်းပညာ တော်လှန်ရီးတိစွာကို ဖြစ်ပေါ်လာစေရန် တွန်းအားပီးနိုင်ခရေ။ ကျွန်ပ်ရို့ အနီဖြင့် Arduino အတွင်း code တိ ရီးသားထည့်သွင်းကာ ပတ်ဝန်းကျင်မှ အချက်အလက်တိကို sensors တိမှတဆင့် ရယူနိုင်ပြီး အဆိုပါ အချက်အလက်တိကို အခြေခံ၍ သက်ဆိုင်ရာ လုပ်ဆောင်မှုတိ ဆုံးဖြတ် ပြုလုပ်နိုင်ပေရေ။ စက်ရုပ်တိ၊ 3D printer တိ၊ အရုပ်တိ သာမက ပေါင်မုန့်မီးကင်စက်တိအတွင်းတွင် Arduino ထည့်သွင်း၍ ပိုမိုစမတ်ကျ၍ အသိဉာဏ်ဟိရေ လုပ်ဆောင်မှုတိ ဖန်တီးနိုင်ပြီ ဖြစ်ရေ။ LED မီးသီးတိနန့် ကစားသည့် အဆင့်မှ စ၍ GPS တိ အသုံးပြုခြင်း၊ သီချင်းတိဖန်တီးခြင်း၊ အင်တာနက်နန့် ချိတ်ဆက်ခြင်းတိအထိ ပါဝင်ရေ။

ဥပမာအနီဖြင့် Arduino နဲ့ ပြုလုပ်နိုင်ရေ ပရောဂျက်အချို့မှာ Humidity sensor မှရရေ စိုထိုင်းဆတန်ဖိုးကို ဖတ်ယူ တွက်ချက်ကာ ပန်းပင်နန့် စားပင်၊ သီးပင်တိကို အလိုအလျောက် ရေလောင်းရေ စနစ်တိ၊ အင်တာနက် လွှင့်ထားသည့် router နန့်ချိတ်ဆက်ကာ stand-alone chat server တစ်ခု တည်ဆောက်နိုင်သလို သင့်အိမ်မွေးတိရစ္ဆာန်တိ အိမ်ထဲသို့ ဝင်ထွက်တိုင်း tweeter ကို message ပို့ပီးရေ စနစ်တိ၊ Home automation system တိ၊ မနက်အိပ်ရာထရန် ပီးထားရေ alarm မြည်လို့ သင်ပိတ်လိုက်ရေနန့် ကော်ဖီစတည်ပီးမည့် စနစ်တိ စသဖြင့် စိတ်ကူးဟိသမျှ တည်ဆောက်နိုင်ရေ။ စိတ်ကူးဟိလျှင် ဟိသလောက် အချို့ရေ တန်ဖိုးကြီးမားသည့် အလိုအလျှေက် ထိမ်းချုပ်စနစ်တိ (ဉပမာ ။ စက်မှုကုန်ထုတ်လုပ်ငန်းတိ ၊မော်တော်ယဉ်အင်ဂျင် အထိမ်းစနစ် စရေရို့ ) တွင် Arduino ကိုအစားထိုးအသုံးပြုနိုင်ရေ။

Arduino ကို အသုံးပြုဖို့ လိုအပ်ချက်တိ

ပထမဆုံး ပရိုဂရမ်းမင်း အခြေခံကို သိဟိထားရန် လိုအပ်ရေ။ အခြေခံ သိထားရုံဖြင့် အလွယ်တကူ အသုံးပြုရီးသားနိုင်ပြီး အသုံးပြုထားရေ ပရိုဂရမ်းမင်း ဘာသာစကားမှာ C/C++ ဖြစ်ရေကြောင့် ထိုဘာသာစကား ရီးသားနည်း အခြေခံတိကို သင်ယူလိ့လာထားပါက အခက်အခဲမဟိ ရီးသားနိုင်မည် ဖြစ်ရေ။ ထိုသို့ ရီးသားရန်အတွက် Arduino IDE ကို အသုံးပြုရမည် ဖြစ်ရေ။

ကိုးကား

https://web.archive.org/web/20170829015201/https://www.arduino.cc/en/Guide/Introduction

https://web.archive.org/web/20170829015201/

https://web.archive.org/web/20170829015201/https://www.arduino.cc/en/Guide/Introduction 29 August 2017