ဦးအေးသာအောင်ရေ ရခိုင်ပြည်နယ် မြေပုံမြို့နယ်ဇာတိဖြစ်ပြီး ၁၉၄၅ ခုနှစ် ဒီဇင်ဘာလ ၁၀ ရက်နိမှာမွေးဖွားရေ။ ပဉ္စမတန်းထိ (မြေပုံမြို့) အ.ထ.ကကျောင်း၊ ဆဋ္ဌမတန်းမှ High School Final(အောင်)ထိ ဗဟိုစံပြ အထက်တန်းကျောင်း၊ လသာ အမှတ်(၁) ရန်ကုန် ရို့မှာပညာသင်ကြားခရေ။
၁၉၆၉ ခုနှစ်မှာနိုင်ငံရေးလောကထဲသို့ စတင်ဝင်ရောက်ပြီး UNLD ခေါ် ပြည်ထောင်စုတိုင်းရင်းသားလူမျိုးတိအဖွဲ့ချုပ်မှာအတွင်းရေးမှူးတာဝန်၊ ၁၉၉၀ မှာရခိုင်ဒီမိုကရေစီအဖွဲ့ချုပ် (ALD) ပါတီဧ အထွေထွေအတွင်းရေးမှူး၊ ၁၉၉၈ ခုနှစ်မှာCRPP ပြည်သူ့လွှတ်တော် ကိုယ်စားပြုကော်မတီမှာအတွင်းရေးမှူးတာဝန်၊ ၂၀၁၂ ခုနှစ်မှာရခိုင်ဒီမိုကရေစီ အဖွဲ့ချုပ်မှာဥက္ကဋ္ဌအဖြစ်နန့် ၂၀၁၂ ခုနှစ်မှာUNA ပြည်ထောင်စု တိုင်းရင်းသားမဟာမိတ်အဖွဲ့မှာသဘာပတိ၊ ရခိုင်အမျိုးသားပါတီမှာဗဟိုအလုပ်အမှုဆောင်တာဝန်တိကို ထမ်းဆောင်ခရေ။
၁၉၇၅ မှာအကျဉ်းကျ။ ၂၀၀၀ ပြည့်နှစ်မှာထောင်ဒဏ် ၂၁ နှစ် ချမှတ်ခံရရေ။ ထောင်တွင်း၌ပင် အဆုတ်ကင်ဆာရောဂါ ပိုမိုဆိုးဝါးလာရေကြောင့် ၂ နှစ်ခွဲခန့်အကြာမှာပြန်လွတ်လာခရေ။ အဆုတ်ကင်ဆာရောဂါကို ခွဲစိတ်ကုသမှု ခံယူလိုက်ရေအခါ အသံရေ ပြောမရရေအဆင့်သို့ ရောက်လားရေ။ အဆင်ပြေပြေ စကားပြောနိုင်ရေအဆင့် ရောက်အောင် ကာလရှည်ကြာ ကြိုးစားလိ့ကျင့်ခရရေ။
ရေးသားထုတ်ဝေထားရေ စာအုပ်တိ edit
- ရခိုင်အမျိုးသားရေးနန့် ပြည်ထောင်စုပြဿနာ (၂၀၁၄)
- ပြည်ထောင်စုအရေးနန့်အတွေးတိ (၂၀၁၉) [1]
ကိုးကား edit
- ↑ ရခိုင်သုတအဘိဓာန် - အောင်လှသိန်း (၂၀၁၅)