အောင်လူဆီးတမ်းကစပ်နည်းရေရခိုင်ရိုးရာကစပ်နည်း တစ်ခုဖြစ်ရေ။
ဒေကစပ်နည်းမှာ ဒိုးကစပ် နည်းကဲ့သို့ပင် မမ အပျိုအရွယ်တိ အုပ်စုနှစ်စုဖွဲ့ပနာ ကစပ်ရရေနည်းဖြစ်ရေ။
တစ်အုပ်စုလျှင် အနည်းဆုံး (၃)ဦးမှ အထက် ကစပ်နိုင်ရေ။ ကစပ်ခြင်းကို လသာရေညည့်တိမာ လမ်းမထက်မာ လည်းကောင်း၊ မြေညီရေ တလင်းပြင် မြေကွက်လပ်တိမာလည်းကောင်း ကစပ်လေ့ဟိရေ။
ကစပ်ဖို့ စည်းတန်းတိကို ရေဖြင့်ဖြစ်စေ၊ ထုံးဖြင့်ဖြစ်စေ စည်းတားရရေ။
ဥပမာ- တစ်ဘက်မာ ငါးယောက်ကစပ်ဆိုပါက စည်းငါးကြောင်း တားရရေ။
ဘောင် စည်းနှစ်ခုကိုလည်း ထိပ်မှအဆုံးအထိ အူကြောင်းထားရရေ။
ပထမဆုံးစည်းကို "ထိပ်စည်း"ဟုခေါ်ပနာ ဒုတိယစည်းကို "ဂုတ်စည်း"ဟုခေါ် ရေ။
ရှေ့ဆုံးစည်းနန့် ဂုတ်စည်းကြားမာ ကြက်လျှာသဏ္ဌာန်ပုံဖော်ပနာ ထိပ်စည်းမှတားရေ လူလိုက်နိုင် ရန် ပြုလုပ်ထားရရေ။
အုပ်စုတစ်ဘက်စီမာ ခေါင်းဆောင် တစ်ဦးစီထားပနာ "ဂေါင်ကြီး"ဟု ခေါ်ရေ။ မိမိဧ့ အုပ်စုအနိုင်ရရေးအတွက် ဂေါင်သူကြီးမာ တာဝန်အဟိဆုံးဖြစ်ရေ။
ကစပ်ရေအုပ်စု (၂)စုမာ အုပ်စုတစ်စုက ဆီးလှည့်ကျလျှင် ကျန်တစ်အုပ်စုက တာဝင်လှည့်ကျရေ။
ဆီးလှည့်ကျရေ အုပ်စုကစည်းမာ စောင့်ပနာ ဝင်လှည့်ကျသူတိ စည်းသို့ ကျော်ဝင်လျှင် ဖမ်းရရေ။ ဆီးလှည့်ကျရေ အဖွဲ့၌ ဂေါင်သူကြီးရေထိပ်စည်း၌ စောင့်ကာ ကြက်လျှာသဏ္ဌာန် စည်းလည်းကောင်း၊ အူကြောင်းတလျောက် စည်းလည်းကောင်း စောင့်ပနာ ဖမ်းရရေ။
ကျန်လူတိက မိမိတာဝန်ကျရေစည်း မာ စောင့်ပနာ ဝင်လာသူတို့ကိုဖမ်းရရေ။
ဆီးသူက ဝင်လာသူကို မိမိဧ့စည်းမှနီပနာ လှမ်းပြီး ဖမ်းနိုင်-မဖမ်းနိုင်ကို မကစာမီကပင် အုပ်စုနှစ်ခုကို သဘောတူညီမှု ယူထားရရေ။
ယင်းသဘောတူညီမှုအရ လက်လှမ်းပနာ ဖမ်းနိုင်လျှင် လက်လှမ်းပနာ ဖမ်းပြီး၊ လက်လှမ်းပနာ မဖမ်းနိုင်လျှင် မိမိစောင့်ရေ စည်းကိုကျော်နီရေ အချိန်၌ ဖမ်းရရေ။
အကယ်ပနာ စည်းတစ်ခုခုမာ ဝင်သူတစ်ဦးဦးကို ဆီးသူက ဖမ်းမိလျှင် ဝင်ရေသူအဖွဲ့သေပနာ ယင်းတို့ကတပြန် ဆီးပြီး ကျန်အဖွဲ့က ဝင်ရရေ။
အောင်လူဆီးတမ်းကစပ်ရာ၌ စည်းကမ်း သတ်မှတ်ချက်ဟိရေ။
ဘေးနှစ်ဘက်မာထားရေ စည်းကိုကျော်လွန်ပနာ မဝင်ရ။
ယကေလဲ ဘေးစည်းတိကိုကျော်ကေ"ထမင်းရေပူလောင်ရေ"ဟု ခေါ်ပနာ ယင်းအဖွဲ့တစ်ဖွဲ့လုံး ဆီးသူအဖြစ် ပြန်လုပ်ရရေ။
ဝင်သူတစ်ဦးဦးရေစည်းတစ်ခုကို ကျော်ဝင်ပနာ ပြန်မထွက်ရ။
ထိပ်စည်းမှ ပိတ်စည်းအ ထိ ကျော်အောင်ဝင်ပြီးမှ ပြန်လှည့်ပနာ ပိတ်စည်းမှ ထိပ်စည်းကို ကျော်အောင် ဝင်ရရေ။
ယေလဲ့သင့် ထိပ်စည်းကို ကျော်ဝင်ပြီးနောက် ဂုတ်စည်းကို မကျော်ခဘဲ ထိပ်စည်းမှ နောက်သို့ ပြန်ထွက်ပါမူ "အူပြန်လည်ရေ" ခေါ်ပနာ တစ်ဖွဲ့လုံးသေရေ။
နောက်ဆုံးစည်းကို အောင်မြင်ခပြီး ပြန်ထွက်လာရေသူကို "ပြန်လူ"ခေါ်ရေ။
ကစပ်မာ မိမိအုပ်စုဝင်လှည့်မာ တစ်ဦးဦးကို ဖမ်းမိကေ ဝင်သူ တစ်ဖွဲ့လုံးသေရေ ယူဆပနာ ဆီးလှည့်ပြန်လုပ်ရရေ။
ဝင်သူတစ်ဦးဦးရေထိပ်စည်းမှ ပိတ်စည်းအထိ တောက်လျှောက် အဖမ်း မခံရဘဲ ဝင်သွားနိုင်ပြီး ပြန်လှည့်လာလျှင် "ပြန်လူလာဗျာ"ဟု အော်ပနာ ပြန်လူကို မလွတ်အောင် ဖမ်းတတ်ကြ ရေ။
ယင်းပြန်လူရေထိပ်စည်းကို ပြန်လည်ပနာ ကျော်လွန်အောင်မြင်လျှင် "အောင်လူ"ဟု ဟောပနာ ထွက်ရရေ။ အောင်ကေ တစ်ပွဲနိုင်စာ ဖြစ်ရေ။
ယင်းပိုင် ကစပ်ကပ်ပနာ အုပ်စုတစ်ဖွဲ့က အနိုင်ရကေ နိုင်သူကရှုံးသူကို လှောင်ပြောင်ပနာ စကားစစ်ထိုးကြ ရေ။
"တစ်ပွဲတင် ကြောင်မလင်၊ ပတ်စာထိုး ဂြိုးမလင်" စရေဖြင့် တစ်ဘက်သား မခံချင်အောင် ကစပ်,တတ်ကြရေ။
အောင်လူဆီးတမ်းကစပ်ပွဲနန့် ဒိုးကစပ်ပွဲတိရေလူအတိ စည်ကားစွာ လာရောက် ကြည့်ရှု အားပေးကြသည့် ဒေသလိုက်၊ ကျေးလက်ကစပ်ပွဲတိ ဖြစ်ကြပါရေ။
ကိုးကား edit
ရခိုင်သမိုင်းအလင်းပြကျမ်း