ဟင်ဒီ-အူရဒူဘာသာရေ အင်ဒို-အာရိယန်ဘာသာစကား တစ်မျိုးဖြစ်ပြီး အိန္ဒိယနိုင်ငံမြောက်ပိုင်းနန့် ပါကစ္စတန်နိုင်ငံရို့တွင် သုံးရေ ဘာသာစကား ဖြစ်ရေ။ ဟိန္ဒူစတန်နီ ဟုလည်း ခေါ်ကတ်ရေ။ ယခင်က ဟင်ဒါဗီ သို့မဟုတ် ရက္ခတာ ဟုလည်း ခေါ်လေ့ဟိရေ။ ထိုဘာသာစကားရေ ဒေလီတွင်သုံးရေ ခါရီဘိုလီ ဒေသိယစကားမှ ပြောင်းလဲဆင်းသက်လာပြီး ပါရှန်းဘာသာ၊ အာရပ်ဘာသာ၊ သင်္သကရိုက်ဘာသာ နန့် တူရကီဘာသာရို့မှ ဝေါဟာရ အများအပြားကို ယူငင် အသုံးပြုထားရေ။ ၎င်းရေ စံနှုန်း တစ်မျိုးမက ဟိရေ ဘာသာစကားဖြစ်ပြီး ဟင်ဒီစံ နန့် အူရဒူစံဟူ၍ တရားဝင် စံသတ်မှတ်ချက် နှစ်မျိုးဟိရေ။ ရပ်ရွာသုံး ဟင်ဒီနန့် အူရဒူဘာသာမှာ ခွဲခြားရန် ခက်ခဲပြီး တရားဝင် စံသတ်မှတ်ချက်တွင်ပင် စာကြောင်းတည်ဆောက်ပုံအားဖြင့် တတူတူ နီးပါးဟိရေ။ ယကေလည်းလည်း စာပေသုံး အသုံးအနှုန်းတိနန့် ပညာရပ်ဆိုင်ရာ ဝေါဟာရတိတွင် ကွဲပြားခြားနားချက်တိ ဟိရေ။ အူရဒူ ဘာသာမှ ပါရှားဘာသာ၊ အလယ်အာရှ နန့် အာရပ်ဘာသာ လွှမ်းမိုးမှုတိ အဓိကပါဝင်ပြီး ဟင်ဒီတွင်မူ သင်္သကရိုက်ဘာသာဧ လွှမ်းမိုးမှုတိ အဓိက ပါဝင်ရေ။ ဗြိတိသျှထံမှ အိန္ဒိယ လွတ်လပ်ရီးမရမီ အချိန်က ဟိန္ဒူစတန်နီ၊ အူရဒူနန့် ဟင်ဒီဆိုရေ စကားလုံးတိကို အလဲလဲ အလှယ်လှယ် သုံးစွဲကြလေ့ဟိပြီး ဂနိခေတ် အူရဒူနန့် ဟင်ဒီဟု ခေါ်ဝေါ်ကတ်ရေ စကားအားလုံးကို ကိုယ်စားပြုရေ။ ဟိန္ဒူစတန်နီ ဆိုရေ စကားကို အခြားရေ တိုက်ကြီးတိတွင် သုံးစွဲကတ်ရေ ဟင်ဒီဘာသာစကား မျိုးကွဲတိကိုလည်း ရည်ညွှန်းလေ့ ဟိကတ်ပြီး ဖီဂျီ ဟိန္ဒူစတန်နီ နန့် ဆူရာနမ်နိုင်ငံ နန့် ထရီနီဒတ်နန့် တိုဘက်ဂိုနိုင်ငံ ရို့တွင် သုံးစွဲလေ့ ဟိကတ်ရေ ကာရစ်ဘီယံ ဟိန္ဒူစတန်နီရို့ ဖြစ်ကတ်ရေ။