အသျှင်စက္ကိန္ဒ (ရခိုင်ပြည်နယ်)ရေ ရခိုင်လူမျိုးရဟန်းတော်တစ်ပါး ဖြစ်
ရေ။ ၁၂၉၈တွင် ခမည်းတော် ဦးအောင်ထွန်းရှီ၊ မယ်တော် ဒေါ်ချင်းမေရို့မှ
မွေးဖွားသန့်စင်ပီးခရေ။ ငယ်မည်မှာ ညိုဇံမောင်ဖြစ်ပြီးကေ သာသနာ့ဘောင်သို့ ငယ်စဉ်ကတည်းက ဝင်ရောက်ကာ အစိုးရဓမ္မာစရိယတန်း အောင်မြင်ခရေ။
သာသနာပြုရင်း ၁၉၅၅ခုနှစ်မှစပြီးကေ အမျိုးဘာသာ၊ သာသနာအတွက် အကျိုးပြုစာပေယဉ်ကျေးမှုတိကို ရှာဖွီလေ့လာသုတေသနပြုလုပ်လာခစော်မှာ
ဂနိထိအောင်ဖြစ်ရေ။ စာပေသက်တမ်းအားဖြင့် ၃၈နှစ်၊ သက်တော်အားဖြင့် ၅၆နှစ် ဟိရာဖြစ်တေ။
နတ်မြစ်စန်းအောင်၊ နတ်မြစ်ညိုဇံမောင်ကျော်ရှီ၊ နတ်မြစ်မာဃအမည်ခံပနာ ၁၉၅၅ခုနှစ်မှ အစပြုပြီးကေ စာပေလေ့လာလိုက်စားခရေ။ တခြားကလောင်အမည်
ခွဲတိလည်း အများကြီးဟိပါသိမ်းရေ။ စာပီသက်တမ်း ၃၈နှစ်အတွင်း အမျိုးသားအဖွဲ့အစည်းတိ၊ အစိုးရဌာနတိ၊
ပုဂ္ဂလိကတိကို စာပီထုတ်ဝေမှုတိ ကူညီလာခရေ။
| အသျှင်စက္ကိန္ဒ | |
 | |
| ကိုယ်ရီးအကျဉ်းချုပ် | |
| မွီးသက္ကရာဇ် | ၁၂၉၈ |
| နာမည်ရင်း | ညိုဇံမောင် |
| မိဘနာမည် | ဦးအောင်ထွန်းရှီ-ဒေါ်ချင်းမေ |
| မွီးဖွားရာနီရာ | ရခိုင်ပြည် |
| နိုင်ငံသား | မြန်မာနိုင်ငံ |
| လူမျိုး | ရခိုင် |
| ကိုးကွယ်ရေဘာသာ | ဗုဒ္ဓဘာသာ |
| ပညာအရည်အချင်း | အစိုးရဓမ္မာစရိယ |
| အလုပ်အကိုင် | ကျောင်းထိုင်ဆရာတော် |
| အိမ်ထောင်ဖက် | |
| သားသမီး | |
| ထင်ပေါ်ကျော်ကြားမှု | စာရီးဆရာ |
| ထင်ယှားရေလက်ရာတိ | ရခိုင်ယဉ်ကျေးမှုများ |
| ရယှိခရေဆုတိ | အမျိုးသားစာပေဆု |
| လက်မှတ် | |
| ကွန်ယက် | |
ရခိုင်ပုံဝတ္ထုတိ၊ ရခိုင်တေးသံတိကို ထုတ်ဝေခပြီးဖြစ်ရေ။ အမျိုးသားစာပေဆုလည်း ရဟိပြီးဖြစ်ရေ။ စာပေဝန်ထမ်းတိ၊ တက္ကသိုလ်ဆရာ
တိလည်း ဖြစ်ခရေ။ ပြည်နယ်သမိုင်းမှတ်တမ်း၊ ရခိုင်ဝေါဟာရ အဘိဓာန်အထိ တက်လှမ်းပါဝင်ခရေ။ အဖွဲ့အစည်းတိ၌လည်း နာယကအဖြစ် ပါဝင်လုပ်ကိုင်ပီးခဖူးရေ။
ရခိုင်အလင်းသတင်းစာတွင် ၁၉၅၇ ခုနှစ်ကပင် ရခိုင်ယဉ်ကျေးမှု ငစည်(ငစွေ) အကသဘင်ဆောင်းပါးကို စတင်ဖော်ပြခဖူးရေ။ ယင်းခါကပင်စကာ ၁၉၅၉-၆၀ နှစ်လည် ရခိုင်တန်းဆောင်မဂ္ဂဇင်း၊ ပြည်သူ့ဂျာနယ်(၁၉၅၈)၊ ရခိုင်ဇာနည်ဂျာနယ်(၁၉၆၁)၊ ရခိုင်ပြည်နယ်စာစောင်၊ ရခိုင်မဂ္ဂဇင်းရို့မှာ စဉ်ဆက်မပြတ်ရီးသားလာခရေ။
ရီးသားခဖူးရေ မဂ္ဂဇင်း၊ ဂျာနယ်၊ စာစောင်တိ ဆိုကေ- edit
၁။ ရခိုင်ညွန့်ဖူး ဆောင်းပါးပေါင်းချုပ် (၁၉၆၈)
၂။ ရခိုင်မဂ္ဂဇင်း (၁၉၇၃ ခုနှစ်မှစ၍)
၃။ ရခိုင်ပြည်နယ်စာစောင် (၁၉၇၇ ခုနှစ်မှ စ၍)
၄။ ရက္ခပူရ ဗုဒ ̈သာသနာ့ရောင်ခြည် (၁၉၇၇)
၅။ ရက္ခပူရ ဗုဒ ̈သာသနာ့ရောင်ခြည် (၁၉၇၈)
၆။ ဒွါရာဝတီမဂ္ဂဇင်း (၁၉၇၉)
၇။ မေဃဝတီမဂ္ဂဇင်း (၁၉၇၉)
၈။ စစ်တွေဒေသကောလိပ်မဂ္ဂဇင်း (၁၉၈၀-၈၁)
၉။ စစ်တွေဒေသကောလိပ်မဂ္ဂဇင်း (၁၉၈၁-၈၂)
၁၀။ စစ်တွေဒီဂရီကောလိပ်မဂ္ဂဇင်း (၁၉၈၅-၈၆)
၁၁။ ဦးရာဇ်မြေမဂ္ဂဇင်း (၁၉၈၄)
၁၂။ စစ်တွေရှေ့နေမဂ္ဂဇင်း (၁၉၈၅)
၁၃။ ရခိုင်သဟာယစာစောင် (၁၉၈၆)
၁၄။ ရမ္မာဝတီမဂ္ဂဇင်း (၁၉၈၇)
၁၅။ မြဝတီမဂ္ဂဇင်း (၁၉၆၈ခု၊ အောက်တိုဘာလ)
၁၆။ ငွေတာရီမဂ္ဂဇင်း (၁၉၆၈ခု၊ အောက်တိုဘာလ)
သီခြား လုံးချင်းစာအုပ်တိမှာ ဆိုကေ- edit
၁။ ရခိုင်သဘာဝ တေးကဗျာများ (၁၉၆၁)
၂။ ရခိုင်လက်ရွေးစင်ပုံပြင်များ (၁၉၆၆)
၃။ ရခိုင်ပုံပြင်ဆန်းများ (၁၉၆၇)
၄။ ရခိုင်ယဉ်ကျေးမှုများ (၁) (၁၉၆၉)
၅။ ငစင်ရိုင်းချောင်းကျွန်းသမိုင်းနှင့် ထေရာမော်ကွန်း (၁၉၇၅)
၆။ ရခိုင်ပြည်ခွင်ပုံပြင်များ (၁၉၉၀)
၇။ ပြည်တွင်မကိုဋ် ဓာတ်ဦးရာဇ်သမိုင်း (၁၉၉၃)
ထိုအသျှင်ဧ့ ဆောင်းပါးတိကို စုစည်းပြီးကေ ရခိုင်ယဉ်ကျေးမှုများ(ဆောင်းပါးပေါင်းချုပ်) နာမည်နန့် ၁၉၆၉ ခုနှစ်က တိုင်းလင်းစာပေတိုက်မှ
ဆရာတော်ရေ ၁၉၆၃ ခုနှစ်ကပင် ရခိုင်ပြည်နယ်သို့ရောက်လာပြီးကေ လေ့လာမှုပြု ဟိနီလီရေ။ ဂုခါ မောင်တောမြို့ မြို့ဦးကျောင်း၌ သီတင်းသုံးကျောင်းထိုင်ရင်း ရခိုင်ယဉ်ကျေးမှုစာပီတိကို ဆက်လက်ရှာဖွီလိလာ သုတေသနပြုလျက်ဟိရေ။
၁၉၈၀ခုနှစ်မှစပြီးကေ ဝါးကျောင်းယာယီဆောက်လုပ် နီလာခလီရေ။ မြို့ဦးကျောင်းဆိုပနာ နာမည်ပီးထားပါရေ။ အမှတ်(၃) ရပ်ကွက် (ဝိမလ ရပ်ကွက်)တွင် ပါဝင်လီရေ။ ဆရာတော်ဧ့ အနှစ်နှစ်အလလ စုစည်းရှာဖွီ လိလာပြီးသမျှတိဆိုကေ ယဉ်ကျေးမှု မြတ်နိုးသူတိုင်းအဖို့ အဆင်သင့် နှစ်ချင်ဖွယ် ခံစားကတ်ရုံသာဖြစ်ရေ။[1]
ကိုးကား edit
- ↑ အသျှင်စက္ကိန္ဒ(ရခိုင်ပြည်နယ်) -ရခိုင်ယဉ်ကျေးမှုများ (၂) -p7-10