ဂရိ အတွေးအခေါ် ပညာသျှင် (Aristotle) အရစ္စတိုတေက သက်ဟိတိကို အပင်တိနန့် တိရစ္ဆာန်တိ ဟူ နှစ်မျိုး ခွဲခြားခပါရေ။ တိရစ္ဆာန်တိက ရွေ့လျားနိုင်ရေ သက်ဟိတိဖြစ်ပြီး အပင်တိကတော့ မရွေ့ရှားနိုင်ရေ သက်ဟိတိ ဟု သတ်မှတ်ခပါရေ။ အပင်တိကို သစ်ပင် ၊ ချုံပုတ် ၊ နွယ်ပင် ဆေးဘက်ဝင်အပင်တိနန့် ကပ်ပါးပင်တိ ဆိုပြီး အမျိုးအစား သတ်မှတ် ခွဲခြားထားပါရေ။ အပင်တိ အမျိုးအစား မတူညီကတ်သလို သူရို့ရဲ့ သဘာဝလက္ခဏာတိကလည်း ကွဲပြားခြားနားပါရေ။
ကြီးထွားဖြစ်စဉ်နန့် ထူးခြားတဲ့ ဝိသေသတိအပေါ် အခြေခံပြီးတော့ အပင်တိကို တစ်နှစ်ပတ်လုံး ပန်းပွင့်ရေ အပင်တိ ၊ ၆ လ ပန်းပွင့်ရေ အပင်တိ ၊ရာသီအလိုက် ပွင့်ရေ ပန်းပင်တိ ဆိုပြီး ထပ်မံ ခွဲခြား ထားပါ သိမ်းရေ။
shrub ဆိုတာ ချုံပုတ်လို အပင်မျိုးပဲ ဖြစ်ပြီး သစ်ပင် အမျိုးအစားအဖြစ် သတ်မှတ်ထားပါရေ။ အပင် ဖြစ်ပြီး သစ်ပင်ကြီးနန့် မတူဘဲ ကွဲပြားပါရေ။ ၅ မီတာမှ ၆ မီတာအထိ မြင့်ပြီး နှင်းဆီ ၊ လာဗင်ဒါ စရေရို့ဟာ shrub အပင်အမျိုးအစားတိ ဖြစ်ကတ်ပါရေ။ shrub အပင်မျိုးကို အမြဲစိမ်း shrub နန့် ပန်းပွင့်ရေ shrub ဆိုပြီး အမျိုးအစား ထပ်မံခွဲခြားပြန်ပါရေ။
ဥယျာဉ် ၊ ခြံ အတွင်းမှာ စိုက်ပျိုးကတ်တဲ့ shrub ပင်တိဟာ အရွက်တိ ကျယ်ပြန့်အုပ်ဆိုင်းတဲ့အပင်တိ ၊ ထင်းရူးပင်ပု အပင်တိ ဖြစ်ကတ်ပြီး ဥပမာအားဖြင့်ပြောရရင် Common Juniper နန့် Mountain Pine ရို့ဖြစ်ကတ်ပါရေ။ shrub ပင်တိဟာ အမြဲစိမ်းပင်တိ ဖြစ်နိုင်သလို အရွက်ကြွေ အပင်တိလည်း ဖြစ်နိုင်ပါရေ။ greenhouse မှာ စိုက်ပျိုး သျှင်သန်နိုင်တဲ့ shrubပင်တိ အတိအပြားဟိပါရေ။
shrub အမျိုးအစားတိထဲမှာ ပန်းပွင့်ရေ shrub လည်းပါဝင်ပါရေ။ ပန်းပွင့်ရေ shrub ပင်တိရဲ့ တောက်ပရေ အရောင်ဟိတဲ့ အရွက်နန့် ပန်းပွင့်တိက ငှက်တိ ၊ ပျား ၊ ပိတုန်းတိ နန့် လိပ်ပြာ တိကို ဆွဲဆောင်ပါရေ။ ပန်းပွင့်ရေ shrub တိဟာ များရေအားဖြင့် အရွက်ကြွေ အပင်တိ ဖြစ်ကတ်ပြီး ရာသီအကုန်မှာ အရွက်ကြွေကတ်ပါရေ။ ပန်းပွင့်တဲ့ shrub တိကို များရေအားဖြင့် ပန်းအိုးထဲမှာ ထည့်စိုက်ပျိုးလို့ရပါရေ။ တစ်နှစ်မှာ တစ်ခါ အကိုင်းခုတ်ပီးခြင်းအားဖြင့် ပင်စည်ကြီးထွားစေဖို့ ပြုလုပ်ပီးနိုင်ပါရေ။ အကိုင်းဖြတ်ပီးခြင်းဟာ အပင်ကို ကြီးထွားမြန်စေဖို့ အထောက်အကူ ပြုသလို အဖူးတိ ထပ်မံထွက်ဟိပြီး ပန်းတိ ပိုမို ပွင့်စေပါရေ။ ပန်းပွင့်တိရဲ့ မွှေးရနံ့ နန့် ဝတ်ရည်ရို့ကြောင့် ဥယျာဉ်ခြံဝင်းအတွင်းမှာအရောင်အသွေး စုံလင်လှရေ လိပ်ပြာတိ ပျံဝဲနီခြင်းဟာ ပန်းပွင့်ရေ shrub တိဧ ကျေးဇူးပင်ဖြစ် ပါရေ။
အမြဲစိမ်း shrub ပင်တိဆိုတာ တစ်နှစ်ပတ်လုံး အရွက်စိမ်းတိဖြင့် လှပဝေဆာနီရေ ပင်တိပင်ဖြစ်ပါရေ။ အမြဲစိမ်း shrub တိကို မိမိရဲ့ ခြံဝင်းအတွင်းမှာ စိုက်ပျိုးတော့မယ်ဆိုကေ မြေဆီလွှာနန့် တည်နီရာကိုသေချာ ဂရုတစိုက်ရွေးချယ်ဖို့ လိုအပ်ပါရေ။ အပင်တိကြီးထွားလာတာနန့်အမျှ အရိပ် ကောင်းလာပြီးနောက် တစ်ပင်နန့်တစ်ပင် ကြပ်ညပ်နီပြီး ဥယျာဉ်ခြံဝင်းအတွင်း မလှမပ ဟိနီတတ်တာမျိုး မဖြစ်ရလီအောင် shrub ပင် နှစ်ပင်ကြား အကွာအဝီးကို သေချာ တွက်ချက်ပြီးမှ စိုက်ပျိုး သင့်ပါရေ။ အပင်ရဲ့ကြီးထွားမှုအတွက် မြေဆီလွှာ ၊ မြေဩဇာကိုလည်း သေချာ စစ်ဆေး သင့်ပါရေ။ အမြဲစိမ်း shrub တိဟာ မိမိဧ ဥယျာဉ်ခြံကို တစ်နှစ်ပတ်လုံး လှပစိမ်းစိုနီစေမှာ ဖြစ်ပါရေ။
ဘွန်ဆိုင်းပင်တိရဲ့ မူလဇာတိနီရာကတော့ တရုတ်နိုင်ငံဖြစ်ပါရေ။ ဘွန်ဆိုင်းဆိုတာကြီးထွားမှုကို အနုပညာမြောက်စွာ လက်ရာဖော်ကာ သေးငယ်စေထားခြင်း ဖြစ်ပါရေ။ ဘွန်ဆိုင်းပင်တိကို ပန်းအိုးငယ်တိ ၊ လင်ပန်းပုံ ပန်းအိုးတိမှာ စိုက်ပျိုးကတ်ပါရေ။ တရုတ်နိုင်ငံမှာတော့ ဘွန်ဆိုင်းပင်တိကို ဒဏ္ဍာရီထဲက တိရစ္ဆာန်အကောင်တိပုံတိ ရဟိအောင် အနုပညာလက်ရာမြောက်စွာ ပြုပြင်စိုက်ပျိုးကတ်ပါရေ။ ဘွန်ဆိုင်းပင်ဟာ အမြဲစိမ်း shrub ပင်ဖြစ်ပါရေ။
အမြဲစိမ်း shrub နန့် ပန်းပွင့်ရေ shrubပင်တိကို အိမ်တွင်း ဥယျာဉ် အဖြစ်လည်း စိုက်ပျိုးထားဟိနိုင်ပါရေ။ နီအိမ်ခန်းအတွင်းမှာ အေးချမ်း ကြည်လင်ရေ စိတ်ကိုဖြစ်ပေါ်စေပြီး မျက်စိကိုကြည်လင်စေနိုင်ပါရေ။
ဆေးဘက်ဝင်ရေ အပင်အတိစုဟာလည်း shrub ပင်တိဖြစ်တဲ့အတွက်shrub ပင်တိဟာ အပင်တိထဲတွင် အရီးပါရေ အခန်း ကဏ္ဍ ကနီ ပါဝင်နီပါတော့ရေ။
ကိုးကား edit