အန်တီမိုနီ (ခေါ်) ခအောက်စိမ်း စစ်စစ်ရေ သာမန်အားဖြင့် ငွေကဲ့သို့ ဖြူပြာပြာအဆင်းဟိပြီးကေ မာပနာကြွပ်ဆပ်ရေ သတ္တုတစ်မျိုးဖြစ်ရေ။ ခအောက်စိမ်း သတ္တုသန့်သန့်မှာ တိစွာအသုံးမဝင်လှပေ။ ယကေလည်းအခြားပစ္စည်းတိနန့် ရောစပ်ပနာသတ္တုစပ်ဖြစ်လာရေအခါ စက်မှုလုပ်ငန်းတိတွင် အလွန် အသုံးဝင်လာရေ။
ဒေသတ္တုဧ ထူးခြားချက်တစ်ရပ်မှာ အရည်ကျိုပနာအအီးခံလိုက်ရေအခါ ပြန့်ကားလာတတ်ခြင်း ဖြစ်ဧ။ ဒေသတ္တိဟိခြင်းကြောင့် ခအောက်စိမ်း သတ္တုစပ်ရေ ပုံနှိပ်ခဲစာလုံးတိ ပုံသွန်းရာတွင် ထင်ရှားပီသရေစာလုံးတိကို ရဟိလီရေ။ ပုံနှိပ်စာလုံးတိကို တိရေအားဖြင့် ခဲနန့် ခအောက်စိမ်း စပ်ထားရေ သတ္တုစပ်ဖြင့် ပြုလုပ်ကတ်ရေ။ တစ်ခါတစ်ရံ အထက်ပါသတ္တုစပ်တွင် သံဖြူနန့် ကြွပ်(ဘစ်စမတ်)ရို့ကိုပါ ဇကေ့ချေထည့်ပနာရောစပ်တတ်ရေ။ ထိုသတ္တုစပ်မှာ မာသည့်အတွက် ထိုသတ္တုစပ်ဖြင့် ပြုလုပ်ထားရေ ခဲစာလုံးတိကို ကြာရှည်စွာ အသုံးပြုနိုင်ဧ။
တစ်ကမ္ဘာလုံးမှ ထွက်သမျှခအောက်စိမ်း သတ္တုရိုင်းတိ အနက် ရာခိုင်နှုန်း ၈ဝ ခန့်ကို တရုတ်နိုင်ငံ ဟူနန်နယ်မှ တူးဖော်ရဟိရေ။ ပြင်သစ်၊ အာရှမိုင်းနား၊ ချက်၊ ဆလို ဗားကီးယား၊ ဘိုလီးဗီးယားနန့် မက္ကဆီကိုနိုင်ငံမှလည်း ထို သတ္တုရိုင်းကို တူးဖော်ရဟိရေ။ ခအောက်စိမ်းကို အထူးရေအတွက်နန့် စတစ်ဗနိုက်(ကန့်ဝင် ခအောက်စိမ်း)ခေါ် သတ္တုရိုင်းဖြစ်ရေ အန်တီမိုနီ ဆာလဖိုက်(ဒ)မှ ထုတ်ယူရဟိဧ။ ဒေ စတစ်ဗနိုက် ခေါ် အန်တီမိုနီ သတ္တုရိုင်းအမဲကို ရှေးအခါက အမျိုးသမီးတိစွာမျက်ခုံးနန့် မျက်တောင်ဆိုးဆီး ပြုလုပ်ရာ၌ အသုံးပြုခလီရေ။ အန်တီမိုနီအနီကို နီလွင်ရေ ဆီဆီးနန့် အရောင် ဆီးတိအပြင် မီးခြစ်နန့် မီးရှူး မီးပန်းတိပြုလုပ်ရာတွင် အသုံးပြုလျက် ဟိကတ်ရေ။ စတစ်ဗနိုက်ကို ဥရောပအလယ်ပိုင်း၊ တရုတ်နန့် ဂျပန်နိုင်ငံရို့တွင် အတိအပြား တူးဖော်ရဟိ၍၊ အမေရိကန်ပြည်ထောင်စုတွင် ပါဝင်ရေ အလာစကာ၊ နီးဗားဒါး နန့် ကယ်လီဖိုးနီးယား ပြည်နယ်တိတွင်လည်း ထပ်မံတွိ့ဟိရေ။ ခအောက်စိမ်း ဓာတ်ဆားတိစွာအလွန်အဆိပ်ပြင်းထန်၍၊ ထိုအဆိပ်တိစွာစိန်သတ္တု (Arsenic) ပါဝင်ရေ ဓာတ်ဆားတိဟိ အဆိပ်နန့် ဆင်တူလီရေ။
ခအောက်စိမ်းကို ကျိုက္ခမီခရိုင်၊ မော်လမြိုင် တောင်ဘက်၊ ကလယ်ကြောင်ရွာအနီး၊ သံဖြူဇရပ် အရှေ့မြောက် ဖောင်းစိန်ရွာအနီး၊ ဇင်းကျိုက်အရှေ့ ကဒိုက်အနီး၊ သာစည်ရွှေညောင် မီးရထားလမ်း လယ်ပြင်ဒေသတစ်ဝိုက်နန့် ကယားပြည်နယ်ရို့တွင် တွိ့ဟိနိုင်ရေ။[1]
ကိုးကား edit
- ↑ လှသမိန်. "ခအောက်စိမ်း" (pdf). In စာပေစိစစ်ရေးကော်မတီ (ed.). ဗဟုသုတ စွယ်စုံ (ပထမအကြိမ် ed.). တောက်တောက်ဝင်း ပုံနှိပ်တိုက်၊ ရန်ကုန်မြို့။: ဇော်မော် စာပေ.