အန်ချင်း edit
ရခိုင်လူမျိုးရို့ဧ့ ကဗျာ လင်္ကာ အဖွဲ့အနွဲ့တိတွင် အန်ခြင်းရေ တစ်ခု အပါအဝင်ဖြစ်ရေ။ စပ်ဆိုဖွဲ့နွဲ့ပုံအလားတစ်မျိုးဖြင့် ဖွဲ့ဆိုထားခြင်း ဖြစ်ရေ။ အကြောင်းအရာ ပုံသဏ္ဌာန်အရ ဖွဲ့နွဲ့စပ်ဆိုမှုကို အမည်တစ်မျိုး မှည့်ခေါ်ခြင်းလည်း ဖြစ်လီရေ။
အန်ခြင်းကို လေးလုံးတစ်ပိုဒ် လင်္ကာစပ်အရ စပ်ဆိုထားသဖြင့် ပုံသဏ္ဌာန်အရ လင်္ကာအခြင်းမျိုးတွင် ပါဝင်နိုင်လီရေ။ ယကေလည်းသော ပုံသဏ္ဌာန်အမျိုးအစားအရ စပ်ဆိုမှုအလားတစ်မျိုးဖြစ်ရေအတွက်နန့် အခြင်းအရာအလိုက် အမည်မှည့်ခေါ်မှု သီးခြားပြုခရရေ။ ယင်းချင့်ကြောင့် လင်္ကာအခြင်းပုံသဏ္ဌာန် အမျိုးမျိုးအနက် အန်ခြင်းလည်း တစ်ခုအပါအဝင်ဖြစ်ကြောင်း သိအပ်လီရေ။
အန်ချင်း ဆိုစော်ကား -- အန်ချင်းမှာ လှေလှော်သံဟန်မျိုးနန့် စပ်ဆိုထားရေ ကဗျာဖြစ်လီရေ။ အချို့ရေကား ရြီပင်သမုဒ္ဒရာ အဏ္ဏဝါနန့် သက်ဆိုင်ရေ အကြောင်းကိုဖွဲ့ဆို ထားခြင်းဖြစ်ရေလို့ ယူဆကတ်လီရေ။ ယင်းချင့်ကြောင့် အဏ္ဏဝါခြင်း၊ အဏ်ခြင်း ဆိုပနာ ဖြစ်လာရရေ သဘောကို ပြဆိုကတ်ရေ။ ယင်းသဘောတိုင်း ဆရာတိုင်း ဧ့ မဟာမြတ်မုနိသမိုင်း ပျို့အချီတွင် အန် အကြောင်းကို ပြဆိုထားစော်ကား-
အန်သော်တခြား၊ သဒ ́ါသွားလည်း၊ ပုဒ်ထားမဂဓ၊ အဏ္ဏဝတည့်၊
နရထိပ်မှူး၊ စောရန်ငူးတို့၊ လန့်မြူးရောင်လျှံ၊ ရောင်ဘောင်စံသော်၊ လှေသံ
ညှင်းညှင်း၊ အန်သီချင်းဖြင့်၊ ရေတွင်းကျော်ကျော်၊ ကျူသီလှော်ခဲ့ ဟူ၏။
ရေဘောင်တွင် တညံညံ လှေလှော်သီချင်းကိုပင် အန်ခြင်းဟု ဆိုလိုပါရေ။[1]
ကိုးကား edit
- ↑ အသျှင်စက္ကိန္ဒ(ရခိုင်ပြည်နယ်) -ရခိုင်ယဉ်ကျေးမှုများ (၂) -p170