အနည်ကျကျောက် (Sedimentary rock) ဆိုစွာမှာ ကမ္ဘာ့မြေမျက်နှာပြင်ပေါ်တွင် သို့မဟုတ် ရေထုထဲတွင် အရာဝတ္ထုပစ္စည်းတိ အနည်ကျရာမှ ဖြစ်ပေါ်လာရေကျောက်အမျိုးအစား ဖြစ်ရေ။ အနည်ကျခြင်း ဆိုစွာမှာ ပျော်ရည်တစ်ခုအတွင်းမှ အော်ဂင်းနစ် ဒြပ်ပေါင်းတိနန့်သတ္တုဓာတ်တိ အစိုင်အခဲအဖြစ် ပြောင်းလဲလားခြင်းကို ဆိုလိုခြင်းပင် ဖြစ်ရေ။ အနည်ကျခြင်းတွင် ပါဝင်ရေအနည်တိရေ မူလနီရာတွင် ရာသီဥတု နန့်ရေတိုက်စားခြင်းကြောင့် ပေါ်ပေါက်လာပြီး ၎င်းရို့ကို ရေ ၊ လေ၊ အစုလိုက်အပြုံလိုက် ရွေ့လျားခြင်းနန့်ရေခဲမြစ်တိရို့ကြောင့် အနည်ကျရာ နီရာသို့ ရောက်ဟိလာကတ်ရေ။
ကမ္ဘာ့မြေလွှာပေါ်တွင် အနည်ကျကျောက်တိကို နီရာ အနှံ့အပြားတွိ့ရကေလည်း ကမ္ဘာ့မြေလွှာတွင် အနည်ကျကျောက်ဧ ပါဝင်ဖွဲ့စည်းမှုမှာ ၈ ရာခိုင်နှုန်းသာကေဟိပြီး ကျန်ဟိရေအစိတ်အပိုင်းတိမှာ မီးသင့်ကျောက် နန့်အသွင်ပြောင်းကျောက်တိ ဖြစ်ကတ်ရေ။