အခရစ်လစ်(Acrylic)
editအခရစ်လစ်ဆေးရေ ဓာတုဗေဒနည်းနန့် ဖော်စပ်ထားရေ ပန်းချီဆေးတစ်မျိုးဖြစ်ရေ။ ဒေဆေးရေ စွယ်စုံသုံးစွဲနိုင်ရေ ဆေးဖြစ်ရေ။ အခရစ်လစ်ဆေးရေ ဆီဆေးနန့် အလားတူပနာ ဆီဆေးဧ ဝိသေသ လက္ခဏာတိနန့် ဆင်တူယိုးဖို့း ဖြစ်နီပါရေ။ သို့ရေ်ဆီဆေးနန့် မတူရေအချက်ဖို့ အခြီာက်မြန်ခြင်း ဖြစ်ရေ။ ထိုဆေးရေ ကင်းဗတ်၊ သစ်သား၊ စက္ကူ၊ ဘုတ်ပြား၊ ဖန်၊ ပလပ်စတစ်၊ ကွန်ကရိနန့် အင်္ဂတေ စရေ မျက်နှာပြင် အမျိုးမျိုးပေါ်တွင် ရေးဆွဲအသုံးပြုနိုင်ရေ။ ဆီဆေးရေးဆွဲရာတွင် ဆေးရောင်နန့်ရောစပ်ရရေ မီဒေယမ်(Medium) လိုအပ်သပိုင် အခရစ်လစ်ရေးဆွဲရာတွင်လည်း ရေ လိုအပ်ပါရေ။ ဆေးကေတ်ာသန့်စင်ရာ တွင်လည်း ရေနန့်ပင် ဆေးကေတ်ာရရေ။ အရောင်တောက်ပ စိုပြေခြင်း၊ ရေရှည်၌ လိုအပ်သလို ရေးဆွဲနိုင်ခြင်း၊ အရောင်မှေးမှိန်ခြင်းကို ကာကွယ်နိုင်ခြင်း၊ လွန်ကဲစွာ အရောင်တောက်ပြောင်မှုမဟိခြင်း၊ ရေဧစွတ်စိုမှု အန္တရာယ် ကို ထူးကဲစွာခံနိုင်ခြင်း၊ ပြင်ပမှ သက်ရောက်ရေ ရာသီဥတုဒဏ်ကို ကောင်းစွာခံနိုင်ရေ အရည်အသွေးတိဟိ ခြင်း၊ ဆေးတိကွဲအက်ခြင်းမှ ကင်းဝေးခြင်း၊ ဆေးကို ဖော်စပ်အသုံးပြုရာတွင် အဆိပ်အတောက်ဖြစ်စေရေ အရာတိမပါဟိခြင်း စရေအချက်တိကား အခရစ်လစ်ဆေးဧ ထူးခြားမှုတိပင် ဖြစ်ရေ။
ယင့်ချင့်ပြင် ဒေဆေးရေ ပုံမှန်မဟုတ်ရေ အရာရို့ဧ ဒြပ်သားမျက်နှာပြင်တိကို ရေးဆွဲဖန်တီးခြင်း၊ ဆေးတိကို အတုံးအခဲအလိုက် ရေးဆွဲခြင်း၊ အစွန်းအကွက်တိဖော်ပနာ ရေးခြင်း၊ အရောင်ကို တောက်ပစေခြင်း၊ ဆေးရောင်ကို ဖောက်ထွင်းမြင်နိုင်လောက်အောင် ကြည်လင်စွာ အသုံးပြုခြင်း နန့် လေအားကို အသုံးပြုပနာ အမှုန်အစက်တိနန့် ရေးဆွဲခြင်း စရေပုံမှန်ရေးရိုးရေးစဉ်မဟုတ်ရေ အသစ်အဆန်းတိကို ရေးရာ၌ တိစွာသင့်လျော်ရေ ဆေး အမျိုးအစားဖြစ်ရေ။
ဒေဆေးဧ ထူးခြားချက်ဖို့ ပန်းချီဆရာတိဧ စိတ်ကို ကောင်းစွာလှုပ်ရှားစေခြင်း၊ ပန်းချီအနုပညာကို ပြည့်ဝစွာဖန်တီးနိုင်ခြင်းရို့ဖြစ်ရေ။ အခရစ်လစ်ဆေးရေ မှိန်ရေအရောင်တိ ဖြစ်စေနိုင်သလို တောက်ပြောင်ရေ အရာတိ ဖြစ်စေခြင်း၊ ထူပျစ်အောင်ဆေးချယ်နိုင်ခြင်းတိအပါအဝင် ဆီဆေးတိနန့် ပေါင်းဖွဲ့ထားပနာ ကျယ်ပြန့်ရေအရောင်အသွေး ခြယ်လှယ်မှု နည်းပညာတိနန့် လိုက်ဖက်လှရေ။ ဆေးအထူသုံးဖို့ဆိုကေအခရစ်လစ်ဆေးရေ ပြန့်ပြူး ညီညာခြင်း၊ ချောမွေ့ခြင်း၊ မျက်နှာပြင်တိကို ဆေးထူထူဆေးတိတိ ရေးခြယ်ခြင်းတိအတွက် သင့်လျော်ရေ။ ၎င်းဆေးတိရေ ရေနန့်လည်းရောစပ်နိုင်ပြီးကေ ရိုးရိုးရေဆေးပိုင် အကြည်လည်း ရေးဆွဲနိုင်ရေ။ မှိုတက်ခြင်း စရေပျက်စီးစေမှုတိမှ ကာကွယ်ရန် ခဲဓာတ်ပါရေအရည်တိနန့် ကတ်ာရှည်ခံစေရေ ဇဝက်သာ ပိုင်ရေ ပစ္စည်းတိ ပါဝင်ရောစပ်ထားခြင်းနန့် ဆေးတိခဲခြင်း ပျစ်ခြင်းမှ ကင်းဝေးရေ။
ဒေဆေးဧဆိုးကျိုးဖို့ အခန်းအပူချိန်၌ ဆေးရေ အလွန်ပျော့ပျောင်းနူးညံ့ခြင်းဖြစ်ပြီးကေ ဆေးရေးခြယ်ရေအခါတွင် ဆေးသားအလွှာတွင် ဖုန်မှုန့်၊ မြူမှုန့် စရေတိ ဝင်ရောင်စေပြီးကေ ဆေးအရောင်ပျော့စေခြင်း၊ ဆေးရောင်ပျက်ခြင်းတိကို ဖြစ်စေရေ။ အခရစ်လစ်ဆေးရေ ခြောက်သွေ့သာအခါ ပိုပနာအရောင်မဲဖေို့င်စေရေ။ ဆေးအလွန်အကျွံ သုံးစွဲချယ်မှုန်းထားပြီးကေ ခြောက်လားရေအခါ ထိုနီရာမှ အရောင်တိနန့် ခွဲခြားနိုင်းယှဉ်ရန် ခက်ခဲပါရေ။ ဒေဆေးသုံးခြင်းနန့် လူအချို့တွင် ဆေးနန့်မတည့်ရေ အခြီအနီ (Allergies)တိ ဖြစ်ကောင်း ဖြစ်ပေါ်စေနိုင်ရေ။ အခရစ်လစ်ဆေးကို ၁၉၉၀-ခုနှစ်၌ ဂျာမဏီပြည်မှ ပထမဦးဆုံး ဖော်စပ်ထုတ်လုပ်ခရေ။ ဆေးထုတ်လုပ်ရေအပေါ်မူတည်ပနာ အမျိုးအစားကွဲပြားခြားနားမှုဟိပြီးကေ အချို့ရေ အရည်ကျဲပနာ အချို့ရေ အရည်ပျစ်ရေ။ ဖို့သို့ပင်ဖြစ်စေ ဆေးနန့်ရောစပ်သုံးစွဲရရေ မီဒေယံ(Medium) နန့် ကော်စေးတစ်မျိုး(Gel)ရို့ကို ထည့်ပနာ လိုအပ်သလို ထိန်းချုပ် သုံးစွဲနိုင်ရေ။
ကျမ်းကိုး
editစိန်ပန်းနီ(အလှပညာ စာအုပ်မှ)