Wp/rki/Wikipedia:ဝီကီးပီးဒီးယားက ဇာဟုတ်ရေ
ရခိုင် ဝီကီးပီးဒီးယား ဆိုစော် သုံးစွဲသူတိ စုပေါင်း ရီးသားကြရေ အွန်လိုင်း စွယ်စုံကျမ်း တစ်ခုသာ ဖြစ်ပါရေ။ ဝီကီဟု ခေါ်ရေ ဝက်ဘ်ဆိုက် ပုံစံတစ်မျိုးကို အသုံးပြုပနာ ပူးပေါင်းရီးသားခြင်းကို အဆင်ပြေစီရန် စီမံထားခြင်းဖြစ်ပါရေ။ သုံးစွဲသူတိမှ နာရီအလိုက် ပြင်ဆင်မှုပေါင်း တိစွာကို ပြုလုပ်ပနာ ရခိုင် ဝီကီးပီးဒီးယားကို ပိုပနာကောင်းမွန်အောင် ဆောင်ရွက်နီကြပါရေ။
ရခိုင် ဝီကီးပီးဒီးယားရေ အောက်ပါ ခေါင်းစဉ်တိကို ရီးသားရန် မဟုတ်ပါ edit
ရခိုင် ဝီကီးပီးဒီးယားရေ အဘိဓာန် မဟုတ်ပါ edit
ရခိုင် ဝီကီးပီးဒီးယားရေ အဘိဓာန် မဟုတ်ပါ။ အဘိဓာန်တွင် ပါဝင်ကူညီလိုပါက ဝိက်သျှန်နရီ တွင် ပါဝင် ကူညီနိုင်ပါရေ။
ရခိုင် ဝီကီးပီးဒီးယားရေ ကိုယ်ပိုင် အတွေးတိကို ဖြန့်ဖြူးပီးသည့် နီရာမဟုတ်ပါ edit
- မိမိဘာသာ ထုတ်ဖော်ထားရေ သီအိုရီတိ၊ ဥပဒေသတိ၊ ဖန်တီးတီထွင်ထားရေ စကားလုံးတိကို ထုတ်ဖော်တင်ဆက်ရန် နီရာမဟုတ်ပါ။
- မိမိဘာသာ တီထွင်ထားရေ ကိရိယာတိ ပရော့ဂျက်တိကို တင်ဆင်ပြသရန် နီရာမဟုတ်ပါ။ မိမိတီထွင်ထားရေ အရာဧ့ အကြောင်းအား နာမည်ဟိ သတင်းဌာနတစ်ခုမှ ပုံနှိပ် ဖော်ပြတင်ဆက်ခြင်း ပြုလုပ်ပြီးပါက ဖော်ပြနိုင်ပါရေ။
- မိမိဘာသာ ရီးသားထားရေ ရသစာတမ်းတိ (Essays) တိကို ရီးသားရန် နီရာမဟုတ်ပါ။
- ဖိုရမ် မဟုတ်ပါ။ ဆောင်းပါးနန့်ပတ်သက်ပနာ ဆွီးနွီးချင်စွာ တိကို သက်ဆိုင်ရာ စာမျက်နှာဧ့ ဆွီးနွီးချက်တိတွင် ဆွီးနွီးနိုင်ပါရေ။ ယကေလည်း ဆွီးနွီးချက်တိကို ဆောင်းပါးတွင်း ထည့်သွင်းရီးသားခြင်းကို ယှောင်ကြဉ်ပါရန်။
ရခိုင် ဝီကီးပီးဒီးယားရေ ပြဇာတ်မဟုတ်။ အရောင်းမြှင့်တင်ရီး နီရာမဟုတ်ပါ edit
ရခိုင် ဝီကီးပီးဒီးယားရေ ဝါဒဖြန့်ရန်၊ ကြော်ငြာရန်၊ ကြွားဝါရန် နီရာမဟုတ်ပါ။
- စီးပွားရီး၊ နိုင်ငံရီး၊ ဘာသာရီး၊ အားကစားနန့်အခြားရေ အရာတိ အတွက် ဝါဒဖြန့်ချီရန်၊ လူယှာရန် နီရာမဟုတ်ပါ။ ဆောင်းပါး တစ်ခုတွင် ထိုသို့ရေ အရာတိကို ရီးသားနိုင်ကေလည်း ဘက်မလိုက်ပဲ ကြားလူအနီနန့်ရီးသားသင့်ပါရေ။ မင့်ဧ့ အကြိုက်ဆုံးအမြင်ကို လူအတိအား သိစီလိုပါက ဘလော့ခ်တစ်ခုကို ကိုယ့်ဘာသာကိုယ် စတင်ရီးသားနိုင်သလို သို့မဟုတ် ဖိုရမ်တိတွင် ဝင်ရောက် ဆွီးနွီးခြင်းဖြင့် အခြားသူတိကို သိအောင် လုပ်နိုင်ပါရေ။
- အချို့ရေ ခေါင်းစဉ်တိ အထူးသဖြင့် လက်ဟိ ဖြစ်ပျက်နီရေ အကြောင်းအရာတိ နန့်နိုင်ငံရီး စသည်ရို့ရေ လူရို့ဧ့ စိတ်လှုပ်ယှားမှုကို ဖြစ်စီပိုင် မင့်အနှစ်သက်ဆုံးရေ ဘက်ကို သိသိသာသာ ဘက်လိုက်ပနာ ရီးသားခြင်း ဖြစ်စီနိုင်ပါရေ။ ရခိုင် ဝီကီးပီးဒီးယားရေ မင့်ဧ့ အမြင်ကို ဘက်လိုက် ဖော်ပြန်ရန် နီရာမဟုတ်ပါ။ ဆောင်းပါးတိတွင် ဟိုဘက်ဒေဘက် နှစ်ဘက်စလုံး အမြင်ကို တင်ပြသင့်ပါရေ။ ယင့်အပြင် အချိန်ကြာကေလည်း အခြားသူတိအတွက် အကျိုးဟိမည့် ခေါင်းစဉ်မျိုးကို ရီးသားရန် လိုအပ်ပါရေ။ သတင်းသက်သက် ကို မရီးသားရန် မေတ္တာရပ်ခံပါရေ။
- သက်ဟိထင်ယှား ဟိနီရေသူတိဧ့ အကြောင်းကို ရီးရာတွင် ဆောင်းပါးဧ့ အရည်အသွီး အလွန်မြင့်မားရန်နန့်တခြားလူပုဂ္ဂိုလ်ရို့ဧ့ ပရိုက်ဗေစီကို လေးစားရန် လိုအပ်ပါရေ။ သက်ဟိထင်ယှားလူရို့ဧ့ အတင်းအဖျင်းတိကို ဖြန့်ဖြူးရန်နန့်အခြားသူတိဧ့ ဂုဏ်သရေကို ညှိုးနွမ်းစီရန် တမင်သက်သက် ရို့က်ခိုက်ခြင်းမျိုး မဖြစ်စီရန် လိုအပ်ပါရေ။
- မိမိဧ့ ကိုယ်ရီးအတ္ထုပ္ပတ္တိကို ရီးသားရန် နီရာမဟုတ်ပါ။ ရခိုင် ဝီကီးပီးဒီးယားတွင် ပါဟိရေ လူပုဂ္ဂိုလ်တိဧ့ အတ္ထုပ္ပတ္တိတိရေ ရခိုင် ဝီကီးပီးဒီးယားတွင် ပါဟိရန် ထင်ယှားအရီးပါမှု ၊ en:Wikipedia:Conflict of interest အစဟိရေ လမ်းညွှန်ချက်တိနန့်ကိုက်ညီရပါဖို့။ အရို့ချုံးပြောရကေ သတင်းစာ၊ ဂျာနယ်တိတွင် ကျယ်ကျယ်ပြန့်ပြန့် သတင်း အပို့မခံရသူ တစ်ယောက် အနီနန့် ရခိုင်ဝီကီးပီးဒီးယားတွင် အတ္ထုပ္ပတ္တိ ပါဝင်ရန် လိုအပ်ချက်နန့်မကိုက်ညီပါ။
- မိမိဧ့ ကိုယ်ပိုင် ကုမ္ပဏီ လုပ်ငန်း စသည်ရို့ကို ကြော်ငြာသည့် အနီနန့်မရီးသားရန် လိုအပ်ပါရေ။