လေးကျွန်းစင်္ကြာရပ်တော်မူ ဗုဒ္ဒရုပ်ပွားတော်မြတ်ကြီး ရေ ကမ္ဘာ့တတိယ အမြင့်ဆုံး ရုပ်တုဖြစ်ရေ။ ရုပ်ပွားတော်မြတ်ကြီးရေ ၂၃ မီတာ(၇၉ ပေ)အမြင့်ဟိ ပလ္လင်တော်ကြီးပေါ်မှာ ရပ်တော်မူပြီးကေအသွင်ဟန်နန့်တည်ဟိပြီးကေ၊ မြန်မာနိုင်ငံ၊ မုံရွာမြို့အနီး ခတက္ကန်တောင်ရွာ၊ ဇီးဖြူတောင်ပေါ်မှာ တည်ဟိရေ။ ၁၉၉၅ ခု၊ မေလ(၈)ရက်၊ နံနက်(၉:ဝဝ)နာရီမှာ ပန္နက်တင်မင်္ဂလာပြုလုပ်ပြီးကေ၊ ၁၉၉၅ ခု၊ ဩဂုတ်လ(၈)ရက်၊ နံနက် (၈:၂ဝ)နာရီမှာ အုတ်မြစ်စီမင်္ဂလာပြုလုပ်ခရေ။ ၂ဝဝ၈ ခု၊ ဖေဖော်ဝါရီလ (၂ဝ)ရက်၊ နံနက်(၇:၃ဝ)နာရီမှာ သံဃာတော်အပါးတစ်ထောင်နန့် ဗုဒ္ဓါဘိသေက အနေကဇာတင်မင်္ဂလာ ပြုလုပ်နိုင်ခရေ။ [1] ကမ္ဘာ့အံ့ချီးဖွယ် လေးကျွန်းစကြာ ရပ်တော်မူမြတ်စွာဘုရားကြီးကို မဟာဗောဓိတထောင်သာသနာ့နယ်မြေ စတင်ထူထောင်တော်မူရေ မဟာဗောဓိတထောင်ပဓာနနာယကဆရာတော်ဘုရားကြီး အဂ္ဂမဟာသဒ္ဓမ္မဇောတိကဓဇ ဘဒ္ဒန္တနာရဒမထေရ် စတင်တည်ထားကိုးကွယ်တော်မူခရေ။ ဆရာတော်ဘုရားကြီးမှာ ၂ဝဝ၆ ခု၊ နိုဝင်ဘာလ (၂၂)ရက်နေ့မှာ ဘဝနတ်ထံပျံလွန်တော်မူခရေ။
အချက်အလက်တိ edit
လေးကျွန်းစကြာ ရပ်တော်မူမြတ်စွာဘုရားကြီး ရေ ကမ္ဘ့ာ တတိယအမြင့်ဆုံးရုပ်ထုဖြစ်ရေ။ လှေကားအားလုံးအမြင့် ၃၃ မီတာ( ၁၀၉ ပေ) စုစုပေါင်း ၁၈၅ မီတာ ( ၆၁၂ ပေ ) ဟိရေ။ အနောက်ဘက် ၆၉၈.၈၇ ပေ (၂၁၃.၀၁ မီတာ) မှာ ဗောဓိတထောင် လျောင်းတော်မူ မြတ်စွာဘုရား ဟိပြီးကေ အနောက်ဘက် ၁,၆၉၄.၈၀ ပေ (၅၁၆.၅၈ မီတာ) မှာ အောင်စကြာစေတီတော်ကြီး ဟိရေ။ မုံရွာမြို့ မှ ၇.၅၀ မိုင် (၁၂.၀၇ ကီလိုမီတာ) ကွာဝေးရေ။ အထပ်ပေါင်း ( ၃၃ ) ထပ်ပါဟိရေ။
ဆက်စပ်ဖတ်ရှုရန် edit
ကိုးကား edit
- ↑ ဦးသက်တင်ရေးသားရေ မဟာဗောဓိတထောင်ဆရာတော်ဘုရားကြီးဧ ခယောင်းလမ်းမှရေနန့် ဘဝသမိုင်းမှတ်တိုင်တိ