ရွှေရီးပန်းချီ
editရွှေရီးပန်ချီ၊ငွေရီးပန်ချီတိကို ရှေးခေတ်က အများအားဖြင့် ရတနာသုံးပါးအကြောင်းပြုရေ ပစ္စည်းတိနန့် မင်းထိုက်စိုးတန် တော်ဝင်ကားတိအတွက် ရီးခြယ်အသုံးပြုခကတ်ရေ။ ရတနာသုံးပါးနန့် သက်ဆိုင်ရေ ဂူ၊ ကျောင်း၊ ပြာသာဒ်၊ လိုဏ်၊ နံရံတိတွင်၎င်း၊ ပိဋကတ် စာတိုက်သေတ္တာ၊ ဗီရိုတိတွင် တိ့နိုင်ရေ။
ရွှေပန်ချီ ရီးခြယ်နည်းဖို့ သစ်စေး၊ ယပိုင်မဟုတ်ကေ-သဖန်းစေး စရေ အခြားစေးကပ်ရေ သစ်စေးအမျိုးမျိုးနန့် အလိုဟိရေ ဇာတ်ရုပ်စုံ၊ ကနုတ်တိကို ရီးဆွဲပနာ သစ်စေးခပ်ထပ်ထပ် အဟိတွင် ရွှေဆိုင်းနန့်အုပ်ပနာ ချလိုက်ရရေ။ ပြီးကေမှ ဂွမ်းနုနန့် ဖိနှိပ်ပွတ်သပ်ယူလိုက်ရရေ။ သစ်စေး လွတ်လပ်ရေနီရာမှ ရွှေတိပါလာပြီးကေ သစ်စေးနီရာတွင် ရွှေတိစွဲပနာ ကျန်ရစ်ခခြင်းအားနန့် ရုပ်ပုံတိ ပေါ်လာရေ။ ငွေပန်းချီတိလည်း ရွှေပန်းချီနည်းပိုင် ငွေဆိုင်းနန့်ချပနာ ပုံဖော်ယူခြင်းဖြစ်လေရေ။
နောက်တနည်းဖို့-ဟင်္သပြယင်းချင့်း၊ ယပိုင်မဟုတ်ကေ-သစ်စေးအနက်ခံ ပိန်းမျက်နှာပြင်တွင် မိမိအလိုဟိရေပုံကို ရီးဆွဲပြီးကေ မလိုရေနီရာတိကို မြေနီညက်ညက်ကို ရေနန့်ဖျော်ပနာ စုတ်တံနန့် ဖုံးအုပ်ထားရရေ။ မြေနီအခြီာက်တွင် မိမိရီးဆွဲထားရေ ကောက်ကြောင်းတိပေါ်သို့ သစ်စေးရည်နန့် ခပ်ထပ်ထပ်ရီးဆွဲပြီးကေ ရွှေချလိုက်ရေ။ ယင့်ချင့်နောက် သစ်စေးရွှေ အအိပ်လောက်ဟု ထင်ရေအခါ ရေဆေးချလိုက်ရေအခါ မြေနီတိ အရည်ပျော်စေပနာ ၎င်းအပေါ်ဟိ ရွှေမှုန်နန့်တကွ ဆောင်ယူလားရေအခါ ရုပ်ပုံပေါ်ပနာ ကျန်ရစ်ခပေရေ။
ရွှေပန်းချီရီးဆွဲနည်းတိဖို့ ပန်းချီရီးဆွဲနည်း ရိုးရိုးတတ်ရုံနန့် မပြီးကေသေးဘဲ ရွှေကိုင်၊ ငွေကိုင်ပါ တတ်ကျွမ်းမှသာ ဖြစ်ရေ။ မင်ကောက်ကြောင်း အရီးကောင်းပြီးကေ စုတ်ဆွဲလက် သေသူတိမှသာ နိုင်နိုင်နင်းနင်း ပြုလုပ်နိုင်ရေဟု ဆိုလေရေ။
ကိုးကား
edit- ↑ ဦးဘရေ် (ကသာ)(ငွေတာရီ မဂ္ဂဇင်း ၂၀၀၁-မေလ)