ရေပူစမ်းကျောင်းတော် ဗုဒ္ဓရုပ်ပွားတော် (အင်္ဂလိပ်: Spring Temple Buddha) ရေ ကမ္ဘာပေါ်မှာ ဒုတိယ အမြင့်ဆုံးရုပ်တု ဖြစ်ရေ။ အမြင့်ရေ ၂၀ မီတာ (၆၆ ပေ) ဟိရေ ကြာပလ္လင်ပါဝင်ပါက ၁၂၈ မီတာ (၄၂၀ ပေ) ဟိရေ။ ဖော်သုရှန်း ရှုခင်းသာ ဧရိယာမှာ တည်ဟိရေ။ National Freeway အမှတ် ၃၁၁ နန့် နီးကပ်စွာ တည်ဟိရေ။ ရုပ်ပွားတော်ကို ၁၉၉၇ ခုနှစ်မှ ၂၀၀၈ တိုင်အောင် တည်ဆောက်ခရေ။ ရုပ်ပွားတော်ဧ တည်နီရာမှာ ဟဲနန် ပြည်နယ် လူရှန်းစီရင်စု ကျောက်ချွင့်ရပ် တရုတ်နိုင်ငံ ဖြစ်ရေ။[1]
အကြောင်းအရာ ဖော်ပြချက် edit
အောက်ခံခုံရေ ၂၅ မီတာ (၈၂ ပေ) မြင့်ရေ။ ရုပ်ပွားတော်ရေ အောက်ခံခုံဧ အပေါ်မှာ တည်ထားဧ။ ယင်း့ကြောင့် ရုပ်ပွားတော်ကြီး တစ်ခုလုံးဧ စုစုပေါင်း အမြင့်ရေ ၁၂၈+၂၅=၁၅၃ မီတာ (၅၀၂ ပေ) ဖြစ်ရေ။ ၂၀၀၈ ခုနှစ် အောက်တိုဘာလမှာ ရုပ်ပွားတော် တည်ထားရေ တောင်ကုန်းကို ပြင်ဆင်ခရေ။ အောက်ခံခုံကိုလည်း နှစ်ခု ဖြစ်အောင် လုပ်ခရေ။ အပေါ်ဘက်ဟိ အောက်ခံခုံရေ ၁၅ မီတာ ဟိဧ။ ယင်း့ကြောင့် ရုပ်ပွားတော်ဧ စုစုပေါင်း အမြင့်ရေ ၂၀၈ မီတာ (၆၈၂ ပေ) ဖြစ်ရေ။[2]
ရုပ်ပွားတော် တည်ထားကိုးကွယ်ရေ စီမံကိန်းတစ်ခုလုံးဧ ခန့်မှန်းကုန်ကျစရိတ်ရေ ဒေါ်လာ ၅၅ သန်း ဖြစ်ရေ။ ဒေါ်လာ ၁၈ သန်းကို ရုပ်တုတည်ဆောက်ရာမှာ အသုံးပြုခရေ။ တည်ဆောက်ရာမှာ copper cast ၁၁၀၀ ကို သုံးစွဲခရေ။ စုစုပေါင်း အလီးချိန်ရေ ၁၀၀၀ တန် ဟိဧ။[3] ရုပ်ပွားတော်ဧ အောက်ခြီရေ ဗုဒ္ဓဘုန်းကြီးကျောင်း ဖြစ်ရေ။
ရုပ်ပွားတော်ဧ အဖို့ရေ ထျန်းရွေ့ရေပူစမ်း ဧ အနီးမှာ ဟိရေကို အကြောင်းပြုပနာ ခေါ်ဝေါ်ရေ။ ထျန်းရွေ့ရေပူစမ်းရေ အပူချိန် 60°C ဟိ ရေတိထွက်ပြီးကေ ယင်းဒေသမှာ အနာရောဂါတိ ပျောက်ကင်းရေဟူရေ ဂုဏ်သတ္တိတိကြောင့် ထင်ရှားရေ။ ဖော်ချွမ် ကျောင်းကို ထန်မင်းဆက်လက်ထက်မှာ တည်ဆောက်ခရေ။ "Bell of Good Luck" ကိုလည်း ပြုလုပ်ထားခပြီးကေ နဂါးခေါင်းထိပ်မှာ ထားဟိခရေ။ ကြေးညိုတိနန့် သွန်းထားရေ ယင်းခေါင်းလောင်းရေ ၁၁၆ တန် လေးရေ။[4]
ရုပ်ပုံတိ edit
|
ကိုးကား edit
- ↑ Template:Wp/rki/Zh icon 中国佛山金佛-153米卢舍那佛 - 墨宝斋 Archived 1 September 2008 at the Wayback Machine.
- ↑ Template:Wp/rki/Zh icon 世界第一大佛鲁山大佛 Archived 28 December 2008 at the Wayback Machine.
- ↑ China enters biggest Buddhist statue race, BBC News, 6 May 2001
- ↑ "Fodushan Scenic Area". Archived from the original on 30 September 2018. Retrieved 3 November 2017.