Wp/rki/ရသေ့တောင်မြို့နယ်

ရသေ့တောင်မြို့နယ်ရေ ကုလားတန်မြစ်ဧ့ အနောက်ဘက် မယူမြစ်ကမ်း တွင် တည်ဟိရေ။ အရှေ့ဘက်တွင် ပုဏ္ဏားကျွန်းမြို့နယ်၊ အရှေ့တောင်ဘက်တွင် စစ်တွေ မြို့နယ်၊ အနောက်ဘက်တွင် ဘင်္ဂလားပင်လယ်အော်နန့် မောင်တောမြို့နယ်၊ မြောက်ဘက် တွင် ဘူးသီးတောင်မြို့နယ်ရို့ဟိကတ်ရေ။ မြို့နယ်ချင်းဆက်ကားလမ်း မဟိသည့် မြို့နယ် ၄ မြို့နယ်တွင် ပါဝင်ရေ။ ယခုအခါ ပုဏ္ဏားကျွန်း-ရသေ့တောင်-ဘူးသီးတောင် ကား လမ်းဖောက်ရန် စီမံချက်ဟိရေ။

မြို့နယ်ဧ့ အရှေ့ဘက်တွင် ကာမေတောင်ဟိပြီး အနောက်အရပ်တွင် မယူ တောင်တန်း သွယ်ဆင်းရေ။ မယူတောင်တန်းဧ့ တောင်ဘက်စွန်းတောင်ခြေရေ ပင်လယ်ကမ်းခြေဖြစ်ပြီး လွင်ပြင်ကျဉ်းမြောင်းရေ။ မယူမြစ်ရေ တောင်ကြားနှစ်ခု ကြား စီးဆင်းရေ။ မြို့နယ်အတွင်း မြစ်ချောင်းတိရေ။ မယူမြစ်နန့် တောင်ခြေကြား မြေနုလွင်ပြင်တိဟိရေ။ မြို့နယ်ရေ တောင်မြောက် ၃၄ မိုင်၊ အရှေ့အနောက် ၁၂.၈၇မိုင်ဟိပြီး အကျယ်အဝန်း ဧရိယာ ၄၃၇.၇၆ စတုရန်းမိုင် ကျယ်ရေ။

ရသေ့တောင်မြို့နယ်တွင် ရပ်ကွက် ၄ ခု၊ ကျေးရွာအုပ်စု ၈၈ ခု၊ ကျေးရွာ ၁၉၆ ရွာဟိရေ။ လူဦးရေစုစုပေါင်း ၁၅၅၂၈၈ ဦးဟိရေ။ အိမ်ခြေ ၂၆၈၃၂ အိမ်၊ အိမ်ထောင်စု ၂၇၆၈၃ စု ဟိရေ။ မြို့ပေါ် လူဦးရေ ၇၂၁၅ ဦး ဟိရေဟု ဆိုပါရေ။ ရသေ့တောင်မြို့နယ် အကျယ်အဝန်းဧ့ ၁၂.၅% ရေ ရေပြင်ဖြစ်ရေ။ ၂၅% မှာ တောတောင်တိဖြစ်ရေ။ ကျန် ၆၂.၅% မှာ မြေပြန့်ဒေသဖြစ်ရာ လယ်ယာ၊ သစ် တော၊ ရေလုပ်ငန်းတိဟိရေ။ လယ်မြေ ၉၀၅၅၀ ဧက၊ ယာမြေ ၂၀၆၁ ဧက၊ ဥယျာဉ်မြေ ၁၅၉၂ ဧက၊ ဓနိမြေ ၅၉၀ ဧက၊ တောင်ယာ ၇၃ ဧကရို့ဟိရေ။

ရေလုပ်ငန်း၌ သမားရိုးကျ ငါးဖမ်းခြင်းအပြင် ရေငန်ပုစွန်မွေးမြူခြင်းအား ကျေးရွာအုပ်စု ၇၃ အုပ်စုတွင် လုပ်ကိုင်ကတ်ပြီး ပုစွန်ကန် ၂၅၇ ကန် မွေးမြူဧက ၈၆၇၄ ဧကဟိရေဟုဆိုရေ။ မယူ တောင်တန်းတွင် ကြိုးဝိုင်းသစ်တော ၉၇၈ဝ ဧကဟိရေ။ ၁၉၇ဝ ပြည့်နှစ်နောက်ပိုင်း ရသေ့တောင် မြို့နယ် မဇေးကျွန်းတွင် ရေနံရှာဖွေခသော်လည်း အောင်မြင်မှုမရခပေ။ ကျန်းမာရီးအတွက် ၂၅ ခုတင်ဆံ့ ဆေးရုံ ၁ ရုံ၊ ၁၆ ခုတင်ဆံ့ တိုက်နယ်ဆေးရုံ ၁ ရုံ၊ ကျေးလက်ကျန်းမာရီးဌာန ၇ ခု၊ ကျေးလက်ကျန်းမာရီးဌာနခွဲ ၂၆ ခုနန့် မိခင်နန့်ကလေး စောင့်ရှောက်ရီးဌာန ၁ ခုဟိရေ။

ပညာရီးအတွက် ရသေ့တောင်မြို့ နယ်၌ အထက်တန်းကျောင်း ၄ ကျောင်း၊ အထက်တန်းကျောင်းခွဲ ၅ ကျောင်း၊ အလယ် တန်းကျောင်း ၂ ကျောင်း၊ အလယ်တန်းကျောင်းခွဲ ၂ ကျောင်း၊ မူလွန် ၄၂ ကျောင်း၊ မူလတန်းကျောင်း ၁၁၇ ကျောင်းနန့် ဘုန်းတော်ကြီးပညာသင်ကျောင်း ၆ ကျောင်း ဟိရေ။ ရသေ့တောင် အထက်တန်းကျောင်းကို ၁၉၇၉ ခုနှစ်မှ စတင်ဖွင့်လှစ်နိုင်ရေ။

မြို့တွင်း ရေပီးဝေရီးနန့်ပတ်သက်ပြီး မြို့ဧ့အရှေ့မြောက်ဟိ အရပ်တောင်ချိုင့် ဝှမ်းကိုပိတ်၍ ဆည်ပြုလုပ်၍ ရေပီးရေ။ လုံခြုံရီးနန့်ပတ်သက်၍ ရသေ့တောင်မြို့မ ရဲစခန်းရေ ပထမတိုင်ချက်ဖွင့်သည့် ရဲစခန်း ဖြစ်ရေ။ ရသေ့တောင်မြို့နယ်အတွင်း ရခိုင်လူမျိုးအတိစုနီထိုင်ပြီး ဘင်္ဂါလီအနည်းငယ် ဟိရေ။

ရသေ့တောင်မြို့နယ်အတွင်း၌ ဘာသာရီး အဆောက်အအုံတိ အနီနန့် ရသေ့တောင်စေတီ၊ မဇေးကျွန်းဟိ ကူတောင်ဂူကျောင်း၊ ဇပိုင်းဂူ၊ ဦးကင်းတော်စေတီ၊ လောင်းချောင်တွင် လည်ရိုးတော်စေတီ၊ အငူမော်တွင် အငူမော်စေတီရို့ ထင်ရှားရေ။ ကူတောင်ဂူရေ မြောက်ဦးခေတ် မင်းဘာကြီးတည်ခရေ ဂူ ၉ လုံးတွင် လက်ရာ အကောင်းဆုံးဖြစ်ရေ။

ရသေ့တောင်မြို့နယ် ယှိ ရွာတိ

• သိန်တောင်

• ဖက်လိပ်

• ကြိန်တန်း

• ပြင်ရှည်

• စေတီပြင်

• ချွတ်ပြင်

• အထက်နန်းရာ

• ပေါက်ပင်ရင်း (ပေါက်တော)

• အောက်နန်းရာ

• ကျောင်းတောင်

• ခွဆုံ

• ကညင်ချောင်း

• ကျွန်းပေါ်

• ပန်းဖော်ပြင်

• မိညိုထောင့်

• သစ်ကတိုး

• ရန်အောင်ပြင်

• ကုန်တန်း

• ပြာပင်ရင်း

• ညောင်ပင်လှ

• နတ်ချောင်း

• မြင်းဖူး

• ကျောက်စာတိုင်

• အောင်ဆိပ်

• ကောင်းရီချောင်း

• သံချောင်း

• ပေါင်းဇား

• သရက်ချောင်း

• လောင်းချောင်း

• ကပိုင်

• ကိုးတန်ကောက်

• ဒုံးပိုက်

• အောင်ဗလ

• ကုလားချောင်း

• အငူမောကုန်တန်း

• အငူမော်

• ဆင်ခုန်းတိုင်

• အုတ်ဖို (အယင် အိုးဖောက်)

• အုန်းချောင်း

• ရက်ခုန်းတိုင်

• ဇီးခေါင်း

• ရေဂေါင်းချောင်း

• ပဲသဒူ

• ငစံဘော်

• ပြိန်းတော

• ရေမျက်

• သမီးလှ

• ရေစိုးချောင်း

• ကျောက်ရံသာဇေ

• ကျောက်တန်း

• နွားလှကျော်

• ထီးစွဲ

• သောင်းဒရား

• လမုန့်တိုင်

• စပါးထား

• ခနောင်းကြီး

• ငတောက်တူကြီး

• လေးခွဆုံ

• ငတောက်တူချေ

• ပေါက်တော

• ပြားချောင်းကြီး

• ဘာတလေ

• ထွန်းရဝေ

• ကြိန်သာ

• စိုးမေ

• လေးကံ(အယင်ပေါက်တောကြီး)

• ဆေးအိုးကျ

• နဂါးမောက်

• တင်းကုတ်

• မင်းကံ

• ကူတောင်

• အနောက်ပြင်

• ရွှေလောင်းတင် (အယင်ပိုက်ဆိပ်)

• မြင်းဂန်းချောင်း

• ဦးဂါ

• သာဇေထောင့်

• ဖြူချောင်း

• ရေပိုက်ဆုံ

• ကြက်ရိုးဆိပ်

• ကံပြင်

• ကပ်ချောင်း

• ညောင်ပင်ကြီး

• ဆားပြင်ချေ

• ကျွန်းကြီး

• ညောင်ပင်လယ်

• ဆားပြင်ကြီး

• လက်ပန်ပင်ရင်း

• ဇီးကိုင်း

• မြို့

• ကေျာက်ဆုံ

• ပေါက်တောချေ

• ထွန်းရဝေ

• ပြင်ခေါင်

• ပြားချောင်းကြီး

• အလယ်ရွာချေ

• အဝတာ

ကိုးကား

1. ↑ သန်းခေါင်စာရင်း အစီရင်ခံစာ။ ၂၀၁၄ ခုနှစ် လူဦးရေနှင့် အိမ်ထောင်စု သန်းခေါင်စာရင်း အစီရင်ခံစာ။

မောင်မောင်စိုး( မြောက်ဦးစစ်တမ်း)