ရခိုင်ဝန်ရာထူးစွာ ဘိုးတော်ဘုရား ( ဗဒုံမင်း ) လက်ထက် မတိုင်ခင်က သီးခြားရပ်တည်ခရေ ရခိုင်ဘုရင်ထီးနန်းစိုးစံရာ ရခိုင်ဒေသနန့် ဆက်သွီလုပ်ဆောင်ရန် ခန့်အပ်ခခြင်း ဖြစ်ပါရေ။ ယကေလည်း ဗဒုံမင်းလက်ထက် ၁ ဇန်နဝါရီ ၁၇၈၅ ခုနှစ်တွင် ရခိုင်ကို သိမ်းပိုက်ပြီးရေအခါ ရခိုင်ဒေသအား ဝတီနတ်လေးရပ်အဖြစ် သတ်မှတ်အုပ်ချုပ်စီခရာ ရခိုင်ဝန်ရာထူးလည်း ခန့်ထားခြင်း မဟိလိုက်ပါရာ။
စဉ့်ကူးမင်းလက်ထက်ရခိုင်ဝန် edit
စဉ့်ကူးမင်း ( ၁၇၇၆ - ၁၇၈၂ ) လက်ထက်တွင် ဘွဲ့မည်မသိရရေ ရခိုင်ဝန်တစ်ဦး ရှိခဖူးပါရေ။ ယင်းရခိုင်ဝန်စွာ ၂၃ ဒီဇင်ဘာ ၁၇၇၆ ခုနှစ်တွင် လကွန်း၊ ဖာသင်းမြို့တိသို့ စစ်ချီရာ၌ လိုက်ပါ စစ်မှုထမ်းရွက်ခရရေ။
ရခိုင်ဝန် သတိုးမင်းလှရာဇာ edit
မှတ်တမ်းတစ်စောင်တွင်လည်း အလောင်းမင်းတရားဧ အနွီတော် မင်းကြော့ရွှေထီးဘွဲ့ခံ ဦးစိန်ပန်းနန့် ဇနီးမယ်ပန်းရို့ဧ သမီးမယ်ရည်စွာ ရခိုင်ဝန် မင်းရဲမင်းလှရာဇာနန့် လက်ဆက်ခကြောင်း တွိ့ဟိရပါရေ။ ယင်းရခိုင်ဝန် သတိုးမင်းလှရာဇာ စွာလည်း စဉ့်ကူးမင်းလက်ထက် လကွန်းဖာသင် မြို့တိသို့ စစ်ချီခရလူ ဖြစ်ဟန်ဟိပါရေ။