Wp/rki/ရခိုင်လျှောက်ထုံး(၇၂)

စန္ဒဝိမလမင်းလက်ထက် စနည်းသုံးရပ်အကြောင်းလျှောက်ထုံး

ထိုစန္ဒဝိမလမင်းနန်းတက်ပြီးပနာ မကြာမြင့်မီကာလ၊ တောင်စဉ်သားရို့ချီလာ ကြောင်းကြားသိရလီရေ။ စနည်းနာစီရာ စံကားတောင်တံခါးဝတွင် မိန်းမ တစ်ယောက်ကအိမ်တွင်မွေးထားရေ့ြွကက် ညောင်ခေါင်းကကောင်းရေနန့်၊ ကြောင် ဆိုးလာကေ သေမည်စိုးလှရေ။ ကျောင်းသို့ပို့ထားရမည်။ ထို့နောက် ဒုတိယ စနည်းကေကား ပတ်ကျိနှစ်ကောင် အိမ်မိုးခေါင်သို့ တက်လာရာ၊ ဥဗျိုင်းအဖျားနားပနာ အိမ်မိုးပျက်ရေ။ ထို့နောက်တတိယစနည်း ဈေးချောင်းနားတွင် လူတစ်ယောက် ဆိုနီရေကား ြွကက်စားရေ့ခွေးကြောင့် အိမ်ပုတ်ရေ။ ြုမုံလာကေ ပီးလိုက်ရ မည် ယင်းသို့စနည်းသုံးရပ် တြင်းအလိုကို ဓါးပိုင်ကြီးအမတ်ရို့ လျျှောက်လီရေ ထုံးမူကား-

အသျှင်မင်းမြတ်။ ပထမစနည်းမှာ-အိမ်ဟူရေကား-ဤမြောက်ဦးမြို့တော်၊ ြွကက်ဟူမူကား အသျှင်မင်းမြတ်နံတော်၊ ကြောင်ဆိုးလာကေသေမည် စိုးလှရေမှာ- ယခုလာရေ တောင်စဉ်သားရို့ရေ ကြောင်သူခိုးနန့်တူပါရေ။ အသျှင်မင်းမြတ် စစ်ြုပိုင် ပနာ နိုင်မည့်အကြောင်းမဟုတ်။ ကျောင်းသို့လားပနာ ရဟန်းြုပုတော်မူရမည်ဟု ဆိုလိုရေ။ ဒုတိယစနည်းအရကေကား ပတ်ကျိနှစ်ကောင် အိမ်မိုးခေါင်သို့တက်ရေ ဆိုရေမှာ ကမ်းယံဘလဲမျိုးရို့ရေ ပတ်ကျိကိုစားရေ့လူမျိုး၊ ဤြုမို့တော်မှာ ကမ်းယံ ဘလဲမျိုး ပက်ကျိစားနှစ်ဆက်မင်းဖြစ်မည်ဟု ဆိုရေ။ ဗျိုင်းနားပနာ အိမ်မိုးပျက်ရေ ကား-ဗျိုင်းနံရေ မြန်မာကိုလည်းရပါရေ။ ရှေးဓာတ်ကိန်းထားခရေ မြောက်ဦး နတ်၂၂၃ သမီးသိုက်အဆိုမူလည်း-ကုလားအဖိ၊ ပျူကအီ၊ မချိမြန်မာ ဘေးမလွတ်ရာကိုခို။ သဟဿ ပေါ်၊ ရာကျော်စတု၊ ဆပသျှူတွင် မြောက်ဦးြုမို့ကြီး သမထီး၊ ဒိုင်းကျီဘုရားပေါ် လှီမ ရှား စည်ကား၊ တံတားခင်းလိမ့်မည်၊ ထီးစည်အရှိ၊ ဝါလလိ၊ ကောဋိအဌ၊ သဟဿ၊ ဆသို့ရောက်ခါ၊ တရုတ်ကမိုး၊ ပျူကြုငိုး၊ ပဲခူးအထောင်၊ ရှမ်းကမျှောင်၊ တစ်ထောင်ကု လား၊ မီးပွားစစ်ကြီးဖြစ်လိမ့်မည်။ ယင်းရေအခါ၊ မရမာရို့၊ ချမ်းသာစီကြောင်း မရိပ် ချောင်းသို့ခိုဆိုရေ သိုက်လည်းရှိပါရေ။

တတိယစနည်းအလို ြွကက်စားရေ့ခွေးကြောင့် အိမ်ပုတ်ရေ၊ ြုမုံလာကေ ပီး လိုက်မည်၊ အလိုကေကား-အသျှင်မင်းမြတ်ကိုဖျက်ဆီးရန် ယခုလာသူရေ တနင်္လာသား ဖြစ်ပါရေ။ အသျှင်မင်းလည်း ပျက်ပါမည်။ ထိုသူရို့လည်း ြုမုံလာမည်ဟူရေစကားအရ၊ ြုမုံနံရေ ပျူကိုရရေ။ ပျူရို့ကို ဖျက်ဆီးခေါ်ယူလီရာရေအကြောင်းဟု ဆိုလိုရေ။ တစ်ကြောင်းတုံလည်း အသျှင်မင်းမြတ်မင်းတို့ အထွတ်အထိပ်ရောက်ရေအခါ၌ ထိုမင်းရေ နန်းသက်မည်မျှနီရအံ့ရေအကြောင်းကို နိမိတ် တြင်း ထင်မြင်မြဲ၊ ရှေး ပညာရှိရို့ ဆိုခရေထုံးဟောင်းနန့်အညီ အသျှင်မင်းမြတ် နန်းသိမ်းတက်တော်မူရေ အခါ ကျွန်တော်နှလုံးသွင်းပနာကြည့်ကေ ကျွန်တော်ယပ်ချပနာထားရာအောက်၌ ြွကက်တစ် ကောင်ဝင်လာရေ။ ထို့နောက် ကြိုးကြာငှက်မြည်သံ ကြားပါရေ။ ထို့နောက် နန်း တက်မီးပေါက်ဖောက်ရာ နှစ်ချက်အသံထွက်ပနာ ထို့ပြင်ဖောက်ရေ မီးပေါက်မှာ ရှူပါ ရေ။ ယင်းသို့နိမိတ်အလို ယပ်အောက်ကိုြွကက်ဝင်ရေမှာ ြွကက်ကေကား-အသျှင် မင်းနံတော်။ ယပ်မှာ လေးခုရပါရေ။ နန်းသက်လေးရက်၊ ထိုကလွန်ကေ ရက်ပေါင်း လေးဆယ်၊ ထိုကလွန်ကေလေးနှစ်၊ ဤသုံးချက် အလွန်ပြီး ယပ်ရေရဟန်းနံ၊ အသျှင် မင်းမြတ်လည်း ရဟန်းြုပုတော်မူရအံ့ ယူပါရေ။ ထို့နောက် ကြိုးကြာငှက်အသံ ကြား ပြန်ရေမှာ နောက်တနင်္လာသားမင်းဖြစ်အံ့ယူပါရေ။ မီးပေါက်နှစ်ချက်သာ အသံထွက် ရေ့အလိုကေကား ဤြုမို့တော်တွင် နောက်ကိုမင်းနှစ်ဆက်သာရှိတော့ရေ။ အသျှင်မင်းမြတ်။ ရှေးပညာရှိရွှေသဲဆိုခရေ စကားဓါတ်ကိန်းခန်းကို မယား သီရိပလ္လာမိပန်းယံ တင်လျျှောက်ရေအကြောင်းလည်း စာဟောင်းထွက်မှန်ပါရေ။ ထို သို့ ဓါးပိုင်ကြီးရို့တင်လျျှောက်လီကေ စန္ဒဝိမလမင်း အမိန့်တော်ရှိရေကား-သတ္တဝါ ရို့ ကပ်ဥပါဒ်အလျီာက် ဆိုက်ရောက်လာရေအကြောင်း တောင်စဉ်သားဘလဲလည်း မင်းဖြစ်အံ့ရေ နိမိတ်တြင်းပြလာရေ။ ရှေးအကျိုးပီးရာ ကံကုသိုလ်မြှောက် တစ် ယောက်ပေါ်မှ ရှိရင်းလူကလုံ့လဝီရိယထုတ်ကေလည်း ကံအကျိုးပီးကုန်ခြင်းကြောင့် ပျောက်ရရေသာ ဓမ္မတာဖြစ်ချေရေ။ ပြည်သားပြည်သူ ပင်ပန်းသေကြေအောင်၂၂၄ ငါစစ်မထိုးပြီ အမိန့်တော်ရှိပြီးမှနန်းတက်ပနာ အရက်လေးဆယ်ပြည့်လီရေနီ့တွင် ရ ဟန်းြုပုတော်မူပနာ ရှစ်ရေင်းသိမ်တွင် နီတော်မူရေ။

ထိုမင်းနောက် တောင်စဉ်ရမ်းဗြဲသား ဗိုလ်မင်းအောင်စန်ရေ၊ နန်းတက် မိဖုရား စိန်ခိုင်နန့် သက္ကရာဇ် ၁၁၃၉-ခု၊ နယုန်လပြည့်ကျော် တစ်ဆယ့်သုံးရက်နီ့တွင် ထီးနန်း တက်ပနာမင်းြုပုတော်မူရေ။ ဓမ္မရာဇ်ရာဇာအမည်ကိုခံရေ။ ထိုမင်းလွန်ပြီးနောက်-တူ တော် လက်ဝဲမြန်သတိုးအောင်ရေ မိဖုရားစောမယ်ပုံနန့် သက္ကရာဇ် ၁၁၄၄-ခု၊ တန်ဆောင် မုန်း လပြည့်ကျော်တစ်ဆယ့်လေးရက်နီ့တွင် မဟာသမ္မတမင်းအမည်ဖြင့် ထီးနန်း စိုးစံတော်မူရေ။ သက္ကရာဇ် ၁၁၄၆-ခု၊ ပြာသိုလပြည့်ကျော်တစ်ဆယ့်ငါးရက်၊ လကွယ် နီ့တွင် ဘိုးတော်ဘုရားဧ့သားတော် အိမ်ရှေ့မင်း ဥပရာဇာမင်းလက်သို့ ရောက်ရှိရလီ ရေ။ ရခိုင်ပြည်ရေ ထိုအချိန်မှစပနာ ထီးနန်းမင်းဆက် ပြတ်လီရေ။ စန္ဒဝိမလမင်းနန်းတက်ရေအခါ မီးပေါက်သေနတ်ပစ်ဖေါက်ရာ နှစ်ချက်သာ အသံထွက်ပြီး၊ နောက်ပစ်ဖေါက်ရေ မီးပေါက်သေနတ်တိ အသံမထွက်ရှိခရေကို ဓါးပိုင်ကြီးအမတ်ရို့က နောက်ကို ဤမြောက်ဦးမြို့တော်၌ မင်းနှစ်ဆက်စိုးစံရန်ရှိ တော့ကြောင်း မင်းထံလျျှောက်ထားခရေမှာ မှန်လီတော့ရေ။