မင်းမိဖုရား သားတော်သမီးတော်ရို့ကိုမှူးမတ်ပြည်သူရို့ အိမ်ထောင်ဖက်ပြုကောင်း၊မပြုကောင်း ဆရာတော်တစ်ကျိပ်နှစ်ပါးမိန့်ဆိုရေ့ ထုံး edit
တရံရေအခါ၌ အထက်သာကီဝင်မင်း၊ သီရိသုဓမ္မရာဇာဧ့ ရွှေရီးဆောင် မိဖုရားကို နရပတိကြီးမင်း အမတ်၊ သံတောင်စားငတုံးညို သင့်မြတ်နီကြောင်း ပြည့်သျှင် မင်း နရပတိကြီးသိတော်မူလီရေ။ ပြည့်သျှင်မင်းကြီးရေ ထိုအကြောင်း သင့်မသင့် မေးလျျှောက်လိုရကား ဆရားတော်တစ်ကျိပ်နှစ်ပါးရို့ကို နန်းတော်သို့ ပင့်ဖိတ် တော်မူလီရေ။ ဆရာတော်တစ်ကျိပ်နှစ်ပါးရို့ ြွကရောက်တော်မူပြီးရေအခါ မင်း ကြီးကိုယ်တိုင် မေးလျျှောက်တော်မူလီရေကား-
ထီးဖြူဆောင်း၊ ရာဇပလ္လင်ထိုင်၊ ဘိသိက်ခံရေမင်းဧကရာဇ် မိဖုရား၊ သား သမီးရို့ကို မှူးမတ်ပြည်သူရို့ အိမ်ထောင်ဖက်ြုပုကောင်းပါအံ့လော။ ရှေးထုံးဟောင်း ကျမ်းဂန်အလာနန့် မိန့်ကြားတော်မူပါမည့်အကြောင်း ရိုသေစွာ ရှိခိုးလျျှောက်ထားလီ ကေ ဆရာတော်တစ်ကျိပ်နှစ်ပါးရို့ မိန့်ဆိုတော်မူကြရေ့ထုံးကေကား- သာသနဒါယကာဖြစ်တော်မူရေ တရားမင်းမြတ်လူနတ်ရို့ဧ့ ဆရာ သမ္မာသမ္ဗုဒ္ဓ မြတ်စွာဘုရားဟောကြားတော်မူရေ မင်္ဂလာတရားတော်၌ ဂါရဝေါစ-ရိုသေထိုက်ရေ သူရို့အား ရိုသေရခြင်းရေလည်းကောင်း၊ နိဝါတောစ-မာန်မာနကို နှိမ့်ချထိုက်ရေ သူရို့၌ နှိမ့်ချခြင်းရေလည်းကောင်း၊ ကတညုတာ-သူ့ကျေးဇူးကိုသိတတ်ရေသူဧ့ အဖြစ်ရေလည်းကောင်း၊ မင်္ဂလာတရားမည်ဧ့ဟူပနာ ဟောကြားတော်မူရေကြောင့်၁၉၆ လောကုတ္တရာမှုဖြစ်ကေ သတ္တဝါအပေါင်းရို့အား မဟာဂရုနာတော်ဖြင့် လွန်စွာသနား တော်မူပနာ သံသရာဝဋ်ဆင်းရဲမှ လွတ်မြောက်အောင် ထုတ်ဆောင်တော်မူတတ်ရေ မြတ်စွာဘုရားရေ ကျေးဇူးအထူး ကြီးမြတ်တော်မူပါရေ။
လောကီမှုတွင် မိဘဆရာသမားရို့ရေ သားသမီး တပည့်တပန်းရို့အား ပစ္စုပ္ပန်သံသရာ ချမ်းသာစီးပွားတိပြားစီကြောင်းကောင်းမြတ်ရေ အလီ့အကျင့်ဖြင့် ဆုံးမပဲ့ပြင်တတ်ရေကြောင့် ကျေးဇူးအထူးကြီးပါရေ။ ရေမြေ့သခင်ဘုရင်မင်းမြတ်ရို့ရေလည်း တိုင်းနိုင်ငံသူ သျှင်လူရဟန်းရို့အား ရင်တော်၌ဖြစ်ရေသားကဲ့သို့ အုပ်ထိန်းစောင့်ရှောက်၊ ထောက်မြုပစု၊ သိမ်းမြန်းကြည့်ရှု နီတော်မူရေကြောင့် ကျေးဇူးသျှင် အစစ်အမှန်ဖြစ်ပါရေ။
မင်းကျင့်တရားဆယ်ပါးနန့် ဖြောင့်သားညီညွတ်ရေ ဧကရာဇ်မင်းရို့ရေ ပူဇ နီယျာနံ- ပူဇော်ထိုက်ရေမင်းမှန်ခြေရေ။ ယင်းသို့တရားမပျက်၊ ရှေးအထက်က၊ အဆက်ဆက်ရေ မင်းကောင်းရို့ဧ့ထုံးနည်းကို မလွန်၊ အခွန်ဘဏ္ဍာကို ဆယ်ဘို့တစ် ဘို့ ခံယူသုံးဆောင်လျှက်၊ ဘုန်းကျက်သရေနန့်ပြည့်စုံပနာ သာဓုနရတရားလေးပါး၊ သင်္ဂ ဟတရားလေးပါး၊ နာယကဂုဏ်ခြောက်ပါး၊ အပရိဟာနိယတရား ခုနှစ်ပါး၊ မင်းရို့ ပြက တေ့ တရားခုနှစ်ပါး၊ မင်းရို့ကျေးဇူးရှစ်ပါး၊ ရာဇဂုဏ်ကိုးပါးရို့ကို ဖြည့်ကျင့်တော်မူလျက် ဘိသိက်ခံတော်မူရေ မင်းဧကရာဇ်ရို့ဧ့မိဖုရား၊ သားတော်သမီးတော်ဆွေမျိုးရို့၌ ပြစ်မှားလွန်ကျူးရေသူရေ ကတညုတ-တရားမရှိ၊ သူယုတ်မာဧ့အလီ့ဖြစ်ချေရေ။ ထိုသူအား ဘုရားစရေသူတော်ကောင်းရို့ ချီးမွမ်းတော်မမူ။ ဒါးလားဖျား၌တင်ထား ရေ ပျားသကာကိုသာမြင်ပနာ ဒါးလားဧ့ဂုဏ် အပြစ်ဥပဒ်ဖြစ်အံ့ရေကိုမသိ၊ အာဟာရ ၌ တပ်မက်ပနာလျက် မှားရေသူမိုက်နန့်တူပါရေ။ အထိုက်အလျျှောက် အပြစ်ရောက် သင့်ရာရေ။
တစ်ကြောင်းမူလည်း ယောရာဇာ-အကြင်မင်းရေ၊ ဘိသေကသစ္စံ-မင်းရို့ ခံမြဲရှိရေ၊ ဘိသိက်သစ္စာကို မခံဝံ့ကေ၊ ရာဇညသုညံ-ထိုမင်းရေ၊ အဇေယျံ-မအောင် သင့်ရေအမှုရို့ကို၊ ဇေယျံ- အောင်တတ်ခြင်းလည်းကောင်း၊ ဝိလုပ္ပန္နံ-လုယက်ဆိုးသွမ်း ကြမ်းတမ်းခြင်းလည်းကောင်း၊ မဇ္ဇပါနာ-သေရည်ရေက်စား သားငါးလိုက်တတ်ခြင်း လည်းကောင်း၊ အဗြဟ္မစရိယာ- မမြတ်ရေအကျင့်ကို ကျင့်တတ်ခြင်းလည်းကောင်း၊ ယော-အကြင်မင်းကို၊ နရာဇာ- မင်းမဟူရာ၊ အမစ္စီာ- အမတ်ရို့၌လည်း၊ အဌ- ရှစ်ပါးရေအင်္ဂါနန့် အညီမကျင့်ကေ၊ နအမစ္စီာ-အမတ်မမည်ရာ၊ ရှေးပညာရှိရို့ စ ကားဟောင်း အလာမူလည်း ရေမရှိရေကန်၊ ဆန်မရှိရေစပါး၊ တရားမရှိရေမင်း၊၁၉၇ အခိုးမရှိရေမီးပမာ တွိ့ရာလှောင်တတ်ခြင်း၊ တထာ-ယင်းချင့်တိပိုင် တရားမရှိရေမင်း ရို့ရေ အနိမ့်အမြင့်၊ အယုတ်အမြတ်၊ ပဋိရူပ-တင့်အပ်နီခြင်းကိုမြုပု၊ အသေဝနာစ ဗာလာနံ-သူမိုက်ရို့ အလီ့အလာကိုသာ အားမူလျက်နီရေမင်းမျိုးအစိုးရရေ တိုင်း ပြည်နိုင်ငံ၌ သတ္တဝါအပေါင်း ချမ်းသာခြင်းမရှိ။ ထိုမင်းမျိုးအား ဘုရားစရေ သူတော် ကောင်းရို့ မချီးမွမ်း။ အပြစ်တိစွာ ကဲ့ရဲ့ဘွယ်သာဖြစ်ရေ။ ကျေးဇူးမထွန်း ပင်ပန်း လီရေကြောင့် ပြည်သူပြည်သားရို့ရေ ဒေါသစွန်းလျှက်သာ ရှိလီရာရေ။ ထို သို့ ဆိုးသွမ်းရုန့်ကြမ်းရေမင်းဧ့မိဖုရား၊ သားသမီးဖြစ်ချေက ကတညုတာစ-ကျေး ဇူးတရား ထောက်ထားတင်ရန်မပေါ်။ ယုတ်မာရေ မသူတော်မင်းရို့နန့် ကင်းကွာရ ခြင်းရေပင်၊ သာဓု- ကောင်းရေသာတည်း။
ထိုသို့ ပညာရှိစကားတရားလမ်းကြောင်း အထင်အရှားရှိခြင်းကြောင့် ထိုမင်းပိုင် ရေ သားသမီး မယား၊ အြွေခအရံ၊ မောင်းမဖြစ်ချေကေကျေးဇူး ဂုဏ်အရည်မထောက်၊ ထိုသူပျောက်လီကေ နောက်ကိုယဉ်ပါးရေ သူအား အပြစ်မရှိပါ တကာတော်မင်းမြတ်။ ထိုသို့ ဆရာတော်တစ်ကျိပ်နှစ်ပါး မိန့်ဆိုတော်မူကြလီကေ ပြည့်သျှင်မင်းနရပတိကြီး အမိန့်တော်ရှိရေကား ကျေးဇူးသျှင် သီရီသုဓမ္မရာဇာရေသာကီဝင်မင်းမျိုး စဉ်လာ ဘိသိက်ခံရေ မင်းကောင်းမင်းမြတ်။ ပြည်သူရို့အားလည်း တရားသဖြင့် စောင့်ထိန်း တော်မူ ရေမင်းဖြစ်ချေရေ။ ထိုမင်းမိဖုရားမောင်းမအား အခြားသူမနီသင့် သံ တောင်စားငတုံးညိုရေ ကျေးဇူးမသိရေ သူယုတ်မျိုးဖြစ်ရေ။ စားကျေးကို နှုတ်ပနာ စီရီရေခတ်အစို့မှာ ဖြည့်တော်မူရေ။ ရွှေရီးဆောင်မိဖုရားလည်း သိက္ခာပျက်ရေ ရဟန်းနန့်တူရေ။ ပြည့်တန်ဆာမဖြစ်စီ မိန့်တော်မူပနာ ယောကျာ်းမိန်းမနှစ်ယောက် ကို ယုတ်ရေအစို့၌ ဖြည့်တော်မူရေ။[1]
ကိုးကား edit
- ↑ ရခိုင်လျှောက်ထုံးများ၊ နန္ဒာထွန်း၊ ရခိုင်သားကြီးစာပေ၊ ရန်ကုန်၊ ဖေဖော်ဝါရီလ၊ ၂၀၀၃
ကျမ်းကိုးစာရင်း edit
- ၁။ ဓညဝတီအရေးတော်ပုံ အသျှင်ကဝီသာရမထေရ်၊ သံတွဲမြို့ နန်းမြင့်စာပေ၊ ၂၂၅-ပန်းဆိုးတန်း၊ရန်ကုန်
- ၂။ မဟာပညာကျော်လျှောက်ထုံး အသျှင်ကတိသာရမထေရ်၊ သံတွဲမြို့။ ဟံသာဝတီပုံနှိပ်တိုက်၊ အမှတ်(၅၃) နတ်မောက်လမ်းသွယ်၊ ရန်ကုန်မြို့။
- ၃။ ရခိုင်ရာဇဝင်သစ်ကျမ်း ဦးစန္ဒာမာလာမင်္ကာရ၊ ရမ်းဗြဲမြို့တောင်(ပထမအုပ်) ကျောင်းဆရာတော်၊ ဟံသာဝတီပုံနှိပ်တိုက် မန္တလေး
- ၄။ ၎င်း-(ဒုတိယအုပ်) -၎င်း-
- ၅။ ဓညဝတီရာဇဝင်သစ်ကျမ်း အထက်ကျောင်းတော်ဆရာတော် ဦးဉာဏ (ပထမတွဲ) ရသေ့တောင်မြို့။
- ၆။ င/မည်ရာဇဝင် ပေမူမှတဆင့်ကူးလျက် ရေးမူ တက္ကသိုလ်များစာကြည့်တိုက်၊ ရန်ကုန်
- ၇။ မင်းရာဇာကြီးအရေးတော်ပုံ -၎င်း-
- ၈။ မဟာရာဇဝင်တော်ကြီး ဦးသာထွန်းအောင် ရခိုင်ပြည်သတင်းစာပုံနှိပ်တိုက်၊ စစ်တွေ
- ၉။ ဝိမလလျှောက်ထုံးများ ပေမူ၊ စာရေးသူထံတွင်ရှိ
- ၁၀။ ဦးဦးသာထွန်း၏ မှတ်စုများ လက်ရေးမူ
- ၁၁။ ဖားပြုတ်ကေရာဇဝင် ပေမူ၊ ဦးပညာစာရ၊
- ၁၂။ င/စည်ရာဇဝင် မဟာမုနိဗုဒ္ဓဝိဟာရကျောင်း၊ စစ်တွေ
- ၁၃။ ရခိုင်ကျမ်းနတ်ဓမ္မသတ် ဦးပညာစာရ၊ မဟာမုနိဗုဒ္ဓဝိဟာရ၊ စစ်တွေ၊ အမျိုးသားစာကြည့်တိုက်၊ ရန်ကုန်
- ၁၄။ သစ္စနိဒါန်းကျမ်း ပေမူ၊ အမျိုးသားစာကြည့်တိုက်၊ ရန်ကုန်
- ၁၅။ ဦးဒိုးဝေရာဇဝင် ပေမူ၊ မြို့မကျောင်းတိုက်၊ တောင်ကုတ်
- ၁၆။ မောင်ပုံရာဇဝင် ပေမူ
- ၁၇။ ကျောက်ရိုးရာဇဝင် လက်ရေးမူ၊ စာရေးသူထံရှိ