နရပတိမင်းကြီးမှ ဘုရားတည်ရန်အကြောင်းမေးလျှောက်ရေကို ဆရာတော်တစ်ကျိပ်နှစ်ပါးရို့ မင်းထံပြန်ဆိုရေထုံး edit
အမတ်လောင်းကြက်စား ငကုသလရေ နရပတိကြီးအမည်ခံပနာ သက္ကရာဇ် (၁၀ဝဝ)ပြည့်တွင် နန်းတက်တော်မူရေ။ မင်းဖြစ်အံ့ဟူရေ နောက်အနာဂတ်ကို သိမြင်ရေ့အတိုင်း၊ မင်းအဖြစ်သို့ငါရောက်ပြီ။ နောင်အရှည်ထွန်းအောင်၊ မြင်တော်မူဘု ရား၊ ထင်တော်မူဘုရား၊ ဘုရားနှစ်ဆူတည်တော်မူရေ။ ရှေးဘစောသီရိ မင်းဘာကြီး တည်ခရေ ရင်ရိုးတော်ဓါတ်စီတီ။ နံရိုးတော်စီတီ။ ဤစီတီနှစ်ဆူနီရာရေ လူရို့နီအိမ်နန့် အနီးစပ်အရိပ်မဇ္ဈ မလွတ်ရှိလီရေ။ ထိုဓါတ်တော်နှစ်ဆူကိုပင့်ယူပနာ လျျှောက်ပတ်ရာအရပ်၌ ကောင်းမွန်စွာတည်လိုကြောင်းနန့် သာသနာပိုင် ဝိနည်းဓိုရ်ဖြစ် တော်မူရေ-
- ၁။ စန္ဒာရာမဆရာတော်
- ၂။ သကျမဉ္ဇူဆရာတော်
- ၃။ ဇိနမာန်အောင်ဆရာတော်
- ၄။ လီာကမာန်အောင်ဆရာတော်
- ၅။ ရတနာစံဦးဆရာတော်
- ၆။ မနိသူရာမဆရာတော်
- ၇။ ရတနာစံရွေးဆရာတော်
- ၈။ ရတနာမဉ္ဇူဆရာတော်
- ၉။ မဟာဗောဓိဆရာတော်၁၉၂
- ၁၀။ မဏိသကျဆရာတော်
- ၁၁။ ရတနာမှန်ကင်းဆရာတော်
- ၁၂။ စန္ဒရာရာမဆရာတော်
ပေါင်းတစ်ကျိပ်နှစ်ပါးကို နန်းတော်သို့ပင့်ခေါ်ပနာ နရပတီမင်းကြီးကိုယ်တိုင် မေးလျျှောက် တော်မူလီရေ။ ဆရာတော်တစ်ကျိပ်နှစ်ပါးကို ပြည့်သျှင်မင်းထံ ပြန်ဆိုရေထုံးကား- သာသနဒါယကာ ဖြစ်တော်မူရေ တကာတော်မင်းမြတ်။ သစ္စာလေးပါးတရား ကို အလင်းမြင်တော်မူရေ မြတ်စွာဘုရားသျှင်ရေ ရှေးဦးစွာ သူတော်ကောင်းကို အ ကြောင်းြုပုလျက် သုံးဆယ့်ရှစ်ဖြာမင်္ဂလာတရားတော်ကို ဟောကြားတော်မူရာ၌။
၁။ပတိရူပဒေသဝါရေစ-တင့်အပ်လျီာက်ပတ်ရေအရပ်၌နီရခြင်း မင်္ဂလာတစ်ပါး။
၂။ပုဗ္ဗေစကတပုညတာ-ရှေးဘဝ၌ြုပုအပ်ခပြီးရေ ကောင်းမှုရှိသူဖြစ်ခြင်း မင်္ဂလာတစ် ပါး။
၃။အတ္တသမာပဏီတိ- မိမိကိုယ်ကို ကောင်းစွာစောင့်ရှောက်ဆောက်တည်ခြင်းဖြင့် ကျင့် ခြင်း မင်္ဂလာတစ်ပါး။
၄။ သပ္ပုရိသုပနိဿယ-ပညာရှိသူတော်ကောင်းရို့ကို ပေါင်းဖေါ်မှီဝဲ ဆည်းကပ်ခြင်းြုပု ရေ့ မင်္ဂလာတစ်ပါး။
ဤလေးပါးရေ မင်္ဂလာတရားနန့်ပြည့်စုံခြင်းကို သမ္ပတိစက်လေးပါးဖြင့် ပြည့်စုံ ခြင်းဟူပနာ ဆိုရေ။ ထိုလေးပါးရို့တွင် ရှေးဘဝ၌ြုပအပ်ခပြီးရေ ပုဗ္ဗေစကတပုညတာ ဟူရေ သမ္ပတ္တိစက်တစ်ပါးရေ ပတိရူပဒေသဝါသသမ္ပ တိစက်၊ သပ္ပုရိသုပနိဿယ သမ္ပတ္တိစက်၊ အတ္တသမာပဏိဓိသမ္ပတ္တိစက်သုံးပါးကို ပြီးစီနိုင်ရေ။ ယင်းသို့ ပြီးစီ နိုင်ရေကြောင့် ရှေးဘဝ၌ ြုပုအပ်ခပြီးရေ ကောင်းမှုရှိရေဖြစ်ပနာ တင့်အပ်လျျှောက် ပတ်ရေ ပတိရူပအရပ်၌ဖြစ်တော်မူကြကုန်ရေ အသျှင်စိုးမင်း၊ မှူးမတ်၊ သူဌေးသူ ြွကယ်ရို့ရေ သပ္ပုသုပနိဿယဟုဆိုအပ်ရေ သူတော်ကောင်းရို့ကို ပေါင်းဖေါ်မှီဝဲ ဆည်းကပ်မေးမြန်းလျှက်၊ ပတိရူပ တင့်အပ်လျျှောက်ပတ်ရေအရပ်၌ ြုပလုပ်ခြင်းရေ အတ္တဟိတ-ပရဟိတ လီာကသံသရာ နှစ်ဖြာရေအကျိုး ပွားတိုးထွန်းလင်းရန်ရှိရေ။ ပညာရှိရို့ကို နှီးနှောမေးမြန်းခြင်းမရှိ၊ မိမိအလိုရှိရာမတင့်အပ်၊ မလျျှောက်ပတ်သူ ရို့ဧ့နီရာအရပ်ကို ဖျက်ဆီးပနာကေလည်းကောင်း၊ ရွာသူရို့ဧ့ အိမ်အနီးအစပ် အရိပ် မလွတ်ရာ၌ကေလည်းကောင်း၊ ဓါတ်တော်မွေတော်၊ ရုပ်ပွားတော်၊ ဆင်းတုတော်၊ ဂူ လိုဏ်၊ တန်ဆောင်း၊ သိမ်၊ ကျောင်းဇရပ်၊ မဏ္ဍပ်စရေ အဆောက်အဦးရို့ကိုလည်း ကောင်း၊ ရဟန်းသံဃာရို့ဧ့ အသုံးအဆောင်၊ သင်္ကန်း၊ သပိတ်၊ ပရိက္ခရာစရေ ရို့ကိုလည်းကောင်း တည်ထားြုပုလုပ်ခရေရှိကေ ထိုလူရို့ဧ့ နီအိမ်နန့် နီးစပ်လီ ရေကြောင့် ရောနှောရောက်ပေါက် အိမ်အောက်အိမ်ပါး အလားအနီမသင့်ရှိလီကေ၊ ဆူးပေါ်ဖက်ကျပမာ ပတိရူပအရပ်မဟုတ်၊ မတင့်မတယ်ရေအရပ်၌ ြုပုမိလီရေကြောင့် ထိုကုသိုလ်သျှင်ရို့ရေ အသက်မရှည်။ စည်းစိမ်မတည်။ ပျက်စီးခြင်းသို့ ရောက်လီရာ ရေ။
ပညာရှိရို့ကို ပေါင်းဖေါ်မှီဝဲဆည်းကပ်မေးမြန်းလျှက် ပတိရူပ-တင့်အပ် လျျှောက် ပတ်ရေအရပ်၌ ကုသိုလ်ကောင်းမှုကို ြုပုရေရှိကေကား လောကီ လောကုတ္တရာ ချမ်းသာစီးပွား တိပြားတိုးတက်၊ အသက်ခန္ဓာမြင့်ကြာဓွန့် ရှည်တည်ပေအံ့ရေ အကြောင်းဖြစ်ရာရေ။
ရေမြေသနင်း မင်းရို့မူလည်း အနီအလားအစားအအိပ်မှစပနာ ပတိရူပ တင့်အပ် ရေအရပ်၌သာနီရာ၊ လားရာ၊ စားရာ၊ အိပ်ရာချေရေ။ မတင့်အပ်ရေအမှုကို ြုပုမိလီကေ ကျက်သရေမင်္ဂလာဆုတ်ယုတ်ပနာ စည်းစိမ်အသက် တိုလီရာရေ။
ရေမြေသနင်းမင်းရို့ရေ ဓါတ်တော်၊ မွေတော်၊ ရုပ်ထုတော်တိကို ဘေး ဥပဒ်အန္တရာယ် ဖြစ်အံ့ရေကို၎င်း၊ မတင့်အပ် မလျျှောက်ပတ်ရေအရပ်၌ ကျရောက် နီတော်မူရေကို၎င်း၊ မြင်ကေဘေးအန္တရာယ်လွတ်အောင်၎င်း၊ တင့်အပ်လျျှောက် ပတ်ရေအရပ်သို့ ရွှေ့ပြောင်းပနာ၎င်း ထားတော်မူကြဘူးရေမှာ-မြတ်စွာဘုရား ပရိနိဗ္ဗာန်စံတော်မူရေ့နောက် တစ်နှစ်ကျော်မြောက်ရှိရေ့အခါ အသျှင်မဟာကဿပ ရဟန္တာအသျှင်မြတ်ရေ ဓါတ်တော်ရို့ကို တ ိတ္တိရို့ကြောင့် ဘေးအန္တရာယ်ဖြစ်တော် မူအံ့ရေကိုမြင်တော်မူပနာ ရာမရွာ၌ရှိရေ ဓါတ်နှစ်ပြည်မှတစ်ပါး။ ကုသိန္နာရုံ၊ ကပိလ ဝတ်၊ ဝေသာလီ၊ ပါဝါ၊ ဝေဌဒီပ၊ အလ္လကပ္ပ၊ ရာဇြုဂိုဟ်ပြည်ရို့၌ စီတီတော်ရို့မှ ဝေစု ဓါတ်တော် တစ်ဆယ့်လေးပြည်ရို့ကို ပင့်ဆောင်ပြီးမူ အဇာတသတ်မင်းထံအပ်ပနာ ရာဇြုဂိဟ်ပြည်ဧ့ အရှေ့တောင်ထောင့် တင့်အပ်လျျှောက်ပတ်ရေအရပ်၌ အတောင် ရှစ်ဆယ်ဥမင်တူးပနာ အထူးထူးရေ ရွှေငွေရတနာ နံ့သာကရက်မက်ြုကတ်စီတီရို့၌ သွတ်သွင်းပနာ ဌာပနာထားခကြောင်းကို သုတ်မဟာဝါအဌကထာ၊ မဟာပရိနိဗ္ဗာန သုတ်အဖွင့်၌ လာရှိတော်မူပါရေ။
မြတ်စွာဘုရား ပရိနိဗ္ဗာန်စံယူတော်မူပြီးရေ့နောက် သာသနာ သက္ကရာဇ် ၂၂၂ ခုနှစ်တိုင်ရောက်ရေ့အခါ သီရိဓမ္မာရေကမင်းကြီးရေ အဇာတသတ်မင်း ဌာပနာ သွင်းထားတော်မူခရေ ဓါတ်တော်တစ်ဆယ့်လေးပြည်ရို့ကို ထုတ်ဖေါ်ယူဆောင်လျှက် ဇမ္ဗူဒီပါကျွန်းတွင် ရှစ်ရေင်းလေးထောင်ရေ ြုမို့ကြီးရို့၌ တင့်အပ်လျျှောက်ပတ်ရေ၁၉၄ ပတိရူပအရပ်ဝယ် ဓါတ်တော်တိကိုဌာပနာပနာ စီတီတော်တိ တည်ထားတော်မူခကြောင်း ကို ပါရာဇီကဏ်အဌကထာရို့၌ လာပါရေ။
ဒသရာဇာမင်းကြီးရေလည်း ဘေးလောင်းတော် မဟာစန္ဒသူရိယ မင်းမြတ် တည်ထားတော်မူခရေ သီရိဂုတ်တောင်တွင်ရှိ မဟာမုနိရုပ်သျှင်တော်ကို လက်ယာ မင်းနန်းအား နန်းတင်လာရေပျူတလိုင်းရို့ရေ ဖိုကျင်းထိုးပနာ ကြောသားနန့် ပေါင် တော်ကိုယူလီရာ ပလ္လင်တော်မှကျပနာ မလျျှောက်ပတ်ရေ ချောက်ထဲတွင် မြေမှုံ့တိ ဖုံးလျှက် တွိ့ရှိလီရေကို ဓညဝတီြုမို့ဧ့ မြောက်ဘက်အနီး၊ လျျှောက်ပတ်ရေ ကတညုတတောင်သို့ ရွှေ့ပြောင်းပင့်ဆောင်တော်မူပနာခ-ဆပဉ္စာကိန်းကို ြုဖိုပြီးနောက် သက္ကရာဇ် (၅၀ဝ)ပြည့်လီာက်က သိမ်တော်ဆောက်လျှက် ကိုးကွယ်တော်မူဘူးပါရေ။ မြောက်ဦးြုမို့တည်စ သက္ကရာဇ် ၇၉၄ ခုနှစ်တွင်၊ ဘေးတော် မင်းစောမွန်လည်း မျက်မှောင်တော်ဓါတ်ကို မလျျှောက်ပတ်ရေအရပ်၊ လူရို့နီအိမ်အနီးအစပ် ဆည်ဝ တံခါးအတွင်း၌ စီတီတည်ထားခလီကေ မင်းဗာကြီးလက်ထက် ရောက်တော်မူရေ ကာလမှ မလျျှောက်ပတ်ရေလူရို့နီအိမ်၊ အရိပ်မလွတ်ဖြစ်ရေ။ ပြောင်းပြီးမှ ဓါတ် တော်ကိုပင့်တော်မူလီပနာ သက္ကရာဇ် ၈၉၄ ခုတွင် ပတိရူပ တင့်အပ်လျျှောက်ပတ်ရေအ ရပ် ဝသဲတောင်ထိပ်တွင် ထိုဘုရား မျက်မှောင်တော်ဓါတ်ကို ဌာပနာသွင်းပနာ ကောင်းမွန်စွာ တည်ထားခကြောင်းနန့် သမိုင်းရာဇဝင် ထင်ရှားထွက်ရှိပါရေ။
ယခုလည်း ြုမို့တောင်ဘက်၊ လက်ဆေးကန် လူရို့နီအိမ်အနီးအပါး၌ ဘစော သီရိမင်းပါပြီးတည်ထားခရေ ဓါတ်တော်ပါစီတီနှစ်ဆူကို ပြောင်းပင့်ပနာ ပတိရူပ တင့် အပ်လျျှောက်ပတ်ရေအရပ်၌ ကောင်းမွန်စွာတည်လုပ် ကိုးကွယ်တော်မူကေ ပစ္စုပ္ပန် သံသရာ နှစ်ဖြာစည်ကားထွန်းလင်းလျှက် ပညာရှိသူတော်ကောင်းရို့ အချီးအမွှမ်းကို ခံရမည့်အကြောင်းသာ ဖြစ်ပါရေ ဒါယကာတော်မင်းမြတ် ဤသို့ဆရာတော် မိန့်ကြားတော်မူလီကေ ပြည့်သျှင်မင်းလည်း အလွန်ြုကိုက် တော်မူလီရေ။ သို့ကြောင့် လက်ဆေးကန်နား၌ရှိရေ ဘစောသီရိမင်းပါကြီး ကောင်း မှု ရင်ရိုးတော်ဓါတ်၊ နံရိုးတော်ဓါတ်စီတီနှစ်ဆူကို ပြောင်းရွှေ့လီပြီး ဓါတ်တော်ကို ရတနာပန်းတောင်းဖြင့် ပင့်ဆောင်တော်မူရေ။ သက္ကရာဇ်(၁၀ဝ၃)ခုတွင် ပတိရူပ တင့် အပ်လျျှောက်ပတ်ရေ တောင်ထိပ်အရပ်၌ ဓါတ်တော်ရို့ကို ဌာပနာသွင်းပြီး တည်ထား တော်မူရေ။ ရင်ရိုးတော်ဓါတ်ကို မြင်တော်မူစီတီ။ နံရိုးတော်ဓါတ်ကို ထင်တော်မူစီ တီ သမုဒ်လီရေ။ စီတီတော်တစ်ဆူတွင် ဒုံးကုလား တစ်ရာစီလှူလျှက် ကမ္ဗည်း ကျောက်စာ ထိုးတော်မူလီရေ။[1]
ကိုးကား edit
- ↑ ရခိုင်လျှောက်ထုံးများ၊ နန္ဒာထွန်း၊ ရခိုင်သားကြီးစာပေ၊ ရန်ကုန်၊ ဖေဖော်ဝါရီလ၊ ၂၀၀၃
ကျမ်းကိုးစာရင်း edit
- ၁။ ဓညဝတီအရေးတော်ပုံ အသျှင်ကဝီသာရမထေရ်၊ သံတွဲမြို့ နန်းမြင့်စာပေ၊ ၂၂၅-ပန်းဆိုးတန်း၊ရန်ကုန်
- ၂။ မဟာပညာကျော်လျှောက်ထုံး အသျှင်ကတိသာရမထေရ်၊ သံတွဲမြို့။ ဟံသာဝတီပုံနှိပ်တိုက်၊ အမှတ်(၅၃) နတ်မောက်လမ်းသွယ်၊ ရန်ကုန်မြို့။
- ၃။ ရခိုင်ရာဇဝင်သစ်ကျမ်း ဦးစန္ဒာမာလာမင်္ကာရ၊ ရမ်းဗြဲမြို့တောင်(ပထမအုပ်) ကျောင်းဆရာတော်၊ ဟံသာဝတီပုံနှိပ်တိုက် မန္တလေး
- ၄။ ၎င်း-(ဒုတိယအုပ်) -၎င်း-
- ၅။ ဓညဝတီရာဇဝင်သစ်ကျမ်း အထက်ကျောင်းတော်ဆရာတော် ဦးဉာဏ (ပထမတွဲ) ရသေ့တောင်မြို့။
- ၆။ င/မည်ရာဇဝင် ပေမူမှတဆင့်ကူးလျက် ရေးမူ တက္ကသိုလ်များစာကြည့်တိုက်၊ ရန်ကုန်
- ၇။ မင်းရာဇာကြီးအရေးတော်ပုံ -၎င်း-
- ၈။ မဟာရာဇဝင်တော်ကြီး ဦးသာထွန်းအောင် ရခိုင်ပြည်သတင်းစာပုံနှိပ်တိုက်၊ စစ်တွေ
- ၉။ ဝိမလလျှောက်ထုံးများ ပေမူ၊ စာရေးသူထံတွင်ရှိ
- ၁၀။ ဦးဦးသာထွန်း၏ မှတ်စုများ လက်ရေးမူ
- ၁၁။ ဖားပြုတ်ကေရာဇဝင် ပေမူ၊ ဦးပညာစာရ၊
- ၁၂။ င/စည်ရာဇဝင် မဟာမုနိဗုဒ္ဓဝိဟာရကျောင်း၊ စစ်တွေ
- ၁၃။ ရခိုင်ကျမ်းနတ်ဓမ္မသတ် ဦးပညာစာရ၊ မဟာမုနိဗုဒ္ဓဝိဟာရ၊ စစ်တွေ၊ အမျိုးသားစာကြည့်တိုက်၊ ရန်ကုန်
- ၁၄။ သစ္စနိဒါန်းကျမ်း ပေမူ၊ အမျိုးသားစာကြည့်တိုက်၊ ရန်ကုန်
- ၁၅။ ဦးဒိုးဝေရာဇဝင် ပေမူ၊ မြို့မကျောင်းတိုက်၊ တောင်ကုတ်
- ၁၆။ မောင်ပုံရာဇဝင် ပေမူ
- ၁၇။ ကျောက်ရိုးရာဇဝင် လက်ရေးမူ၊ စာရေးသူထံရှိ