သေရေအခါ ငရဲသို့ရောက်အပ်သူကို လျှောက်ထုံး edit
တစ်ရံရောအခါ၌ ပြည့်သျှင်မင်းကြီးရေ အမတ်ကြီး မဟာပညာကျော်သို့ မေး တော်မူရေ။ လူရို့ရေ သေခြင်းသို့ရောက်ပြီးရေအခါ၌ မချွတ်မလွဲ ငရဲသို့ ရောက်ရ ရေသူကား ဇာကံထိုက်ရေသူရေ ရောက်အံ့နည်း။ မေးတော်မူလီကေ အမတ်ကြီး မဟာပညာကျော်လျှောက်ထုံးကေကား-
အသျှင်မင်းမြတ်။ အရိယသစ္စံ-အရိယာစရေ မြတ်စွာဘုရားဧ သာသနာတော် ၌ အကျင့်ကောင်း၊ အကျင့်မြတ်ဖြင့်နီကြကုန်ရေ၊ ဘိက္ခူ- ရသေ့ရဟန်းရို့ရေ ပုနပ္ပု နံ- ဖေါက်ပြန်လတ်၍၊ ယော- အကြင်ရဟန်းရေ၊ အလဇ္ဇိနီာ- အလဇ္ဇိအကျင့်ကို ကျင့်ဆောင်လျက်၊ မရဏံ- သေခြင်းသို့၊ ဘဝေ- ရောက်လီအံ့။ ယော-အကြင်ရဟန်း ရေ၊ အနိဌစာဂံ- ဆောင်ယူရေ၊ မောဟ- တရားပို့လီရာ၊ နိယယေ- ငရဲသို့၊ ဥပ္ပဇ္ဇ တိ- ရောက်လီရာဧ။ ရဌ- အကြင်ပြည်တိုင်းကားကို အစိုးရရေရာဇာမင်းရေလည်း ဒသပါရမီသစ္စံ- မင်းကျင့်တရားဆယ်ပါးရို့ မကျင့်မကြံ၊ ဖေါက်ပြန်လျက်၊ မိစ ္ဆါဇီဝံသူယုတ်ရို့ အလေ့အကျင့်ဟိသဖြင့်၊ မရဏံ-သေခြင်းသို့၊ ဘဝေ-ရောက်အံ့။ ယော-အကြင် မင်းရေ၊ အနိဌစာဂံ- ဆောင်ယူရေမောဟတရားပို့သဖြင့်၊ နိရယေ-ငရဲသို့၊ ဌိတော ဝ- မချွတ်မလွဲ၊ ဥပ္ပဇ္ဇတိ-ရောက်လီဧ။
ရဌ- တိုင်းပြည်ကိုဖျက်ဆီးတတ်ရေသူရေလည်းကောင်း၊ မံသမစီ ္ဆာသားငါးစရေ သတ္တဝါရို့ကို နှိပ်စက်သတ်ဖြတ်၊ ပစ်သတ်လေ့ဟိ ရေသူလည်းကောင်း၊ (မာတာမိတာစ- ပုတ္တဒါရသ၊ ဉာတကာနဉ္စ-မိဘဆွေမျိုး၊ လင်သားမယားစရေ သူရို့အား သေစီမှုြုပတတ်ရေသူ လည်းကောင်း၊ ဘုရားစရေအရိယာပုဂ္ဂိုလ်မြတ်ရို့၁၅၅ အားပြစ်မှာရေသူလည်းကောင်း၊ ပါပံ-မကောင်းရေစရိုက်ဟိရေဖြစ်၍၊ ဇီဝိတိ န္ဒြေတည်းဟူရေ- သက်ရှည်ရုပ်ကြာသမျှ ကာလပတ်လုံး၌၊ ဧကော-တစ်ယောက်ရေ၊ ပူရိရေ သံဝါရေ- ပညာဟိနန့်တွိ့ကေလည်း၊ ယောနိရေမနသိတာရော- ထို ပညာဟိသူတော်ကောင်းရို့ဧ စကားကိုမနာယူမူလျက်၊ မရဏံ- သေခြင်းသို့၊ ဘဝေ- ရောက်လီအံ့၊ တထာ-လာခြင်း လားခြင်း၊ အမတံ- ပြန်ခြင်း မကောင်းရေ၊ မနူဿ ဆပတံ-အလွန်ယုတ်မာလှရေ ထိုခြောက်ယောက်ရေသူရို့ရေ၊ စတုအပါယေ- မကောင်းလေးရွာ အပါယ်ရွာသို့၊ ဟိန္နံအနိတ္တံ-မသူတော်ရို့ နီရပ်ဖြစ်ရေ အပါယ်ဘုံသို့ ရောက်လီရဧ။ အမတ်ကြီးလျှောက်လီကေ-ပြည့်သျှင်မင်းလည်း အလွန်ြုကိုက်တော်မူ လီရေ။[1]
ကိုးကား edit
- ↑ ရခိုင်လျှောက်ထုံးများ၊ နန္ဒာထွန်း၊ ရခိုင်သားကြီးစာပေ၊ ရန်ကုန်၊ ဖေဖော်ဝါရီလ၊ ၂၀၀၃
ကျမ်းကိုးစာရင်း edit
- ၁။ ဓညဝတီအရေးတော်ပုံ အသျှင်ကဝီသာရမထေရ်၊ သံတွဲမြို့ နန်းမြင့်စာပေ၊ ၂၂၅-ပန်းဆိုးတန်း၊ရန်ကုန်
- ၂။ မဟာပညာကျော်လျှောက်ထုံး အသျှင်ကတိသာရမထေရ်၊ သံတွဲမြို့။ ဟံသာဝတီပုံနှိပ်တိုက်၊ အမှတ်(၅၃) နတ်မောက်လမ်းသွယ်၊ ရန်ကုန်မြို့။
- ၃။ ရခိုင်ရာဇဝင်သစ်ကျမ်း ဦးစန္ဒာမာလာမင်္ကာရ၊ ရမ်းဗြဲမြို့တောင်(ပထမအုပ်) ကျောင်းဆရာတော်၊ ဟံသာဝတီပုံနှိပ်တိုက် မန္တလေး
- ၄။ ၎င်း-(ဒုတိယအုပ်) -၎င်း-
- ၅။ ဓညဝတီရာဇဝင်သစ်ကျမ်း အထက်ကျောင်းတော်ဆရာတော် ဦးဉာဏ (ပထမတွဲ) ရသေ့တောင်မြို့။
- ၆။ င/မည်ရာဇဝင် ပေမူမှတဆင့်ကူးလျက် ရေးမူ တက္ကသိုလ်များစာကြည့်တိုက်၊ ရန်ကုန်
- ၇။ မင်းရာဇာကြီးအရေးတော်ပုံ -၎င်း-
- ၈။ မဟာရာဇဝင်တော်ကြီး ဦးသာထွန်းအောင် ရခိုင်ပြည်သတင်းစာပုံနှိပ်တိုက်၊ စစ်တွေ
- ၉။ ဝိမလလျှောက်ထုံးများ ပေမူ၊ စာရေးသူထံတွင်ရှိ
- ၁၀။ ဦးဦးသာထွန်း၏ မှတ်စုများ လက်ရေးမူ
- ၁၁။ ဖားပြုတ်ကေရာဇဝင် ပေမူ၊ ဦးပညာစာရ၊
- ၁၂။ င/စည်ရာဇဝင် မဟာမုနိဗုဒ္ဓဝိဟာရကျောင်း၊ စစ်တွေ
- ၁၃။ ရခိုင်ကျမ်းနတ်ဓမ္မသတ် ဦးပညာစာရ၊ မဟာမုနိဗုဒ္ဓဝိဟာရ၊ စစ်တွေ၊ အမျိုးသားစာကြည့်တိုက်၊ ရန်ကုန်
- ၁၄။ သစ္စနိဒါန်းကျမ်း ပေမူ၊ အမျိုးသားစာကြည့်တိုက်၊ ရန်ကုန်
- ၁၅။ ဦးဒိုးဝေရာဇဝင် ပေမူ၊ မြို့မကျောင်းတိုက်၊ တောင်ကုတ်
- ၁၆။ မောင်ပုံရာဇဝင် ပေမူ
- ၁၇။ ကျောက်ရိုးရာဇဝင် လက်ရေးမူ၊ စာရေးသူထံရှိ