Wp/rki/ရခိုင်လျှောက်ထုံး(၄၇)

ခမည်းတော်နန်းဟောင်းရာဖျက်သင့်၊မဖျက်သင့် လျှောက်ထုံး

အခါတပါး၌ ဒါဂါြုမို့စားထံသို့ ကုလားသူဌေး အစလင်ဆိုသူ ရောက်လာရေ။ ထိုသူဌေးရေ အထက်မင်းပါကြီးရေ ကုလားဘင်္ဂါတစ်ဆယ့် နှစ်ြုမို့ရို့ကိုသိမ်းယူစဉ် ဒါဂါြုမို့၌ နန်းတော်ဆောက်လုပ်စံတော်မူခရေ မြေနီရာဟောင်းတွင် တိုက်ဆောက် လိုရေ။ သို့ကြောင့် ဒါဂါစားသို့ရွှေသပြာ တစ်ထောင်ပီးပြီး ထိုမြေကိုရလိုကြောင်း ပြောလီရေ။ ဒါဂါစားက ဘုရားခမည်းတော်စံခရေ နန်းတော်နီရာဖြစ်ရေ။ နီ တော် မဆိုဝံ့သိမ်း၊ သူဌေး ရွှေသပြာတစ်ထောင်ကို မင်းကြီးထံဆက်သ၍ လျှောက်တင် ဦးမည်။ ဒေချင့်ပိုင်ဆိုပြီး ပြည့်သျှင်မင်းကြီးထံလျှောက်ထားလာရေ။ မင်းကြီးကား မည် သို့မျှမဆို၊ မဟာပညာကျော်သို့သာ ကြည့်တော်မူရေ။ ထိုရေအခါအမတ်ကြီး လျှောက် ထုံးကေကား-

အသျှင်မင်းမြတ်။ ရှေးကာလ၌ ဝါသုဒေဝမင်းရေ အယုဇ္ဈပူရတိုင်း ဒွါရာပတိြုမို့ တွင် မင်းြုပရေ။ ဇဗ္ဗူဒီပါတစ်ကျွန်းလုံးကိုလည်း အုပ်စိုးတော်မူရရေ။ သို့ဖြစ်လျက် ထိုမင်းပျက်ချိန်နီးလတ်ကေ အမျိုးမစီာင့်၊ မင်္ဂလာတရား လွတ်လီရေကြောင့် ထို မင်း သေချင်းမလှသေရလီရေ။ ဝေသာလီြုမို့တွင်လည်း ဗြဟ္မဏရာဇာမင်းဧ အ နွယ်တော် ခြောက်ဆက်နီာက်သရဘန်မင်းဧ အနွယ်တစ်ဆယ့်ခြောက်ဆက်အဆုံး ဗြဟ္မသိဒ္ဓိမင်းရေ ပျက်ချိန်နီးလတ်ကေ မိဘဘိုးဘေးအသုံးအဆောင်ကိုဖျက်၍ ရှေး မင်းတို့ အလားအနီအစား အပြောမတူ၊ ရှေးထုံးလွတ်ရေကြောင့် ကပ်ဥပါဒ်ဆိုက် ရောက်ပျက်စီးဘူးပါရေ။

ဓညဝတီြုမို့တည် မာရယူမင်းအနွယ်ငါးဆယ့်လေးဆက်အဆုံး၊ မင်းငယ် ပျော် လှစည်သူရေ ကျိုးပြစ်မသိတတ်ရေ သူယုတ်မာရို့စကားကိုနာ၍ ဘေးတော်ဘိုး တော် ခမည်းတော်ရို့အားပြစ်မှားလျှက် ကန်သုံးဆင့်ြုမို့ဟူ၍ တည်ပြီးကေ ရှေးမင်းရို့ လုပ်ခရေ အခမ်းအနား၊ ဘုရား၊ ပုထိုး၊ ဂူကျောင်း၊ ဇရပ်တိကိုဖျက်ဆီး၍ အမတ်မိုက် ရို့နန့် ပေါင်းဖက်ပျော်ပါးနီလီရေ။ အမျိုးမစီာင့် တရားမဟိလီခြင်းကြောင့် ပြည် သူရို့ ြုငိငြင်ခြင်းဟိလီရေအခါ အမတ်သုံးယောက်ပုန်စား၍ ထိုမင်းလွန်ရလီရေ။ တိုင်းပြည်ကို ပုန်စားသူ အမတ်သုံးယောက်ရို့ အုပ်စိုးကြလီရေ။ လူရို့၌ မိကြီး၊ ဘကြီးရို့လုပ်ဆောင်ထားခရေအခမ်းအနား၊ အဆောက် အဦးရို့ကို မဖျက်ကောင်းလှပါ။ ဖျက်ဆီးချေကေ အကျိုးမဟိ။ အပြစ်သာရောက်ပါ ကြောင်း ထုံးဟောင်းသက်သေဟိပါရေ။

ထိုသို့အမတ်ကြီး လျှောက်လီကေပြည့်သျှင်မင်းကြီး အမိန့်တော်ဟိရေကား- ခမည်းတော်ဘုရားကုလားပြည်ကို ချီတော်မူရေ ကာလစံတော်မူခရေစခန်း၊ နန်း တော်ရာတိတွင် ကျေးရွာချထားတော်မူခရေ့အတိုင်း မပျက်စီရ။ ကြီးကျယ်အောင် ကိုသာြုပစီ။ စစ်တကောင်း၊ ဒါဂါြုမို့တိတွင် တည်ထားခရေ့ ြုမို့နန်းတိကိုလည်း မပျက်မစီးစီရ။ ကောင်းမွန်စွာ အစီာင့်အနီနန့်ထားစီ။ဒေချင့်ပိုင် အမိန့်တော်ထား ပညတ်တော်မူပြီး၊ ဒါဂါစားဆက်ရေ ရွှေသပြာတစ်ထောင်ကိုလည်း ပြန်ပီးတော်မူရေ။ ဒါဂါစားကလည်း ထိုရွှေကိုသူဌေးကြီးသို့ ပြန်ပီးပြီး၊ အဓွန့်ရှည် တည်တန့်အောင်နန်း တော်ရာတွင် ကျောက်မော်ကွန်းတိုင် စိုက်ထားလီရေ။