Wp/rki/ရခိုင်လျှောက်ထုံး(၄၁)

ရိုးကျွန်းမှ သျှင်ယောင်စီတီဖျက်မှုတွင် လျှောက်ထုံး

တစ်ရံရောအခါ ပုဂံြုမို့နီဆိုသူ ရဟန်းတစ်ဦးရောက်လာရေ။ ရိုးကျွန်း အမ ရာတောင်တွင် နီလီရေ။ ထိုရဟန်းအား ရိုးကျွန်းသားသို့ ကြည်ညိုလျက် ကိုး ကွယ်နီကြရေ။ စည်းချောင်းစားသတိုးအောင်ရေ ထိုအမရာတောင်သို့ သမင် လိုက်မည်လားလီရေ။ ထိုရဟန်းနန့်တွိ့ပြီး နှီးနှောပြောဆို ရင်းနှီးကြလီရေ။ သတိုးအောင်ရေ ထိုမှပြန်လာပြီးရေအခါ အမတ်ကြီးထံဝင်ရောက်ခစားပြီး လျှောက် ထားလီရေ။

ပုဂံသားရဟန်းတစ်ပါး ယိုးကျွန်းအမရာတောင်မှာ တွိ့ခရကြောင်း၊ တရားဓမ္မ နန့် သူတော်ကောင်းလက္ခဏာ ကြည်ညိုဘွယ်ရာဟိပါကြောင်းနန့် လျှောက်ရေကို မင်းကြီးက အမတ်မဟာပညာကျော်သို့ မေးလီရေ။ ထိုအခါ မဟာပညာကျော် လျှောက်ထားလီရေကား-

အသျှင်မင်းမြတ်။ ။စည်းချောင်းစား သတိုးအောင်ရေ သူတော်ကောင်းကိုသိနိုင် မည့် ပညာဟိအံ့ မထင်ပါ။ ရှေးသူတော်ကောင်းရို့စကားတွင် အမှုတကာ ကိုယုတ္တိ ယုတ္တာ နှိုင်းညှိမသိတတ်သူအား မနူဿဗာလ သူမိုက်၊ မူမိုက်အင်္ဂါလေးပါးဟိကြောင်း၊ လေးပါး ဟူရာ၌-မေထုန်မှီဝဲခြင်း၊ အိပ်စက်ခြင်း၊ ဝစ္စာစားခြင်း၊ သက်မွေး ဥစ္စာရှာဖွေခြင်း။ ထို အကြောင်းမျှနန့်သာ နီလေ့ဟိသူရေ သူမိုက်။ ထိုသူမိုက်ရို့ရေအစားမတတ် အဝ စား၊ ခရီးမသိအရောက်လား၊ စကားမတတ်စရိုက်ပြော၊ ကျိုးပြစ်မသိဆိုမိဆိုရာ ဆို တတ်ပါရေ။

ဒေချင့်ပိုင် ထုံးဟောင်းစကားဟိပါရေ။ စည်းချောင်းစားအမတ် သတိုးအောင်၁၂၅ ရေလည်း၊ ပညာဟိထံ ဆည်းကပ်ရေမဟိ။ သူယုတ်ရို့နန့်ရောနှော ပေါင်းသင်း၊ သား ငါး ထိုးသတ်ရေက်စား မူးယစ်၊ ပျော်ရွှင်မှုတိြုပလျက် နီလေ့ဟိသူသာဖြစ်ပါရေ။ စည်းချောင်းစားတွိ့ခရေသူရေ စည်းချောင်းစားနန့်တူရေသူသာ ဖြစ်တန်ရာပါရေ။ လျှောက်လီကေ မင်းကြီး မည်သို့မဆို နီတော်မူလီရေ။ ထိုမှတိမကြာမီ ゞင်းသူ ရေ အမရာတောင်ထိပ်၌ဟိရေ ဓါတ်တော်ဇာတီကို တူးြုဖိုလီရေ။ ထို၌ ရှေးမင်းရို့ ဌာပနာခရေ ရွှေ၊ ငွေရို့ကိုအကုန်ယူ၍ ထွက်ပြေးကြောင်းသိ၍ ရိုးကျွန်းသားရို့လည်း ထိုသူကိုဆောင်ယူခပြီး ရွှေ၊ငွေတိနန့်အတူ မင်းကြီးထံ ပီးဆက်ကြလီရေ။ ထိုအခါ အမတ်ကြီးက မင်းထံ လျှောက်လျှောက်ထားပြန်ရေကား-

အသျှင်မင်းမြတ်။ ။တရားကျမ်းဂန်လာရေမှာ ဗုဒ္ဓါကုစီ ္ဆန၊ ဓမ္ဓာ ကုစ ္ဆန၊ သံဃာ ကုစ ္ဆန ထိုသုံးပါးရေရတနာမြတ်ရို့အား ပြစ်မှားရေသူရေ အပြစ်သံသရာဝဋ် လေးစွာခံရမည့်သူဖြစ်ပါရေ။ ထိုသူယုတ်မာအား သူတော်ကောင်းရို့ ရှောင်ရှားအပ် ကြောင်း ကျမ်းဂန်လာပါရေ။ ဂုအမှု၌ သူယုတ်မာ သူတော်ကောင်းထင်မှတ်ပြီး၊ ရိုးကျွန်းသားရို့ ဆည်းကပ်ပေါင်းဖက်ကြရေကြောင့် ရှေးမင်းရို့ ကောင်းမှုပျက်စီး ခြင်း ဖြစ်ရပါရေ။ သျှင်ယောင်ြုပသူနန့် ရိုးကျွန်းသားရို့မှာ သူခိုးနန့်လက်ခံသူအလား၊ လောကပမာတူဖြစ်ပါရေ။ သင်းရို့နှစ်ဦးလုံးပင် သံသရာ၌ အပြစ်ထိုက်ရာရေ။ ဤအရာတွင် ဆရာြုပသူဖျက်ဆီး၍ ပျက်လီရေ ဓါတ်တော်ဇာတီကို အထက်နည်းတူ ကောင်းမွန်သပ္ပါယ်လီအောင် ထိုသျှင်ယောင်ယူလာရေ ရွှေငွေဌာပနာတိကို ထည့်မြဲ ထည့်၍ ရိုးကျွန်းသားရို့ကို တည်လုပ်စီရပါမည်။ ထိုဓါတ်တော်ဇာတီ ပြီးစီးမြောက် လတ်အောင်လည်း အမတ်စည်းချောင်းစားက ကြီးကြပ်ရပါမည်။ ထိုပုဂံသား သျှင်ယောင် ကို အတိသိစိမ့်ရေငှာ စာထိုး၍ မိမိနီရပ်သို့ နှင်ထုတ်လိုက်ရပါမည်လျှောက်လီ ကေ ပြည့်သျှင်မင်ကြီးလည်း ြုကိုက်တော်မူ၍ အမတ်ကြီး လျှောက်တင်ရေ့အတိုင်း အသီးသီးစီရင်လီရေ။ စည်းချောင်းစား သတိုးအောင်လည်းနီာက်နီာင်မတော်သ မျှ အမတ်ကြီးဆုံးမတော်မူပါ ဝန်ချပြီး ဝတ်စုံတန်ဆာနန့် ကန်တော့လီရေ။