Wp/rki/ရခိုင်လျှောက်ထုံး(၃၉)

သားတော်သံတောင်စား ငစုန်အပြစ်ကျူးလွန်ရာတွင် လျှောက်ထုံး

အခါတပါး၌ မင်းဖလောင်းကြီးဧသားတော် သံတောင်စား ငစုန်ရေ ြုမုံရို့အရပ် က လင်းကဲ၊ ြုမုံ၊ သက်ရို့နန့်ပူးပေါင်း၍ ခြားနားပြီးကေ ဒါဂါမြို့စား ကောင်းညွန့်သူကို အလိုသို့ပြည့်ကေ ပြည်ပိုင်အမတ်ကြီးခန့်မည်။ ဤသို့အကြောင်းကို ဒါဂါြုမို့သို့ လူစေလွှတ် ပြောဆိုစေရေ။ ထိုအခါ ကောင်းညွန့်သူကြံရေကား-တောသတ္တဝါကိုလိုကေ အိမ် သတ္တဝါနန့် ရင်းနှီးဖမ်းရရေ။ သားတော်ငစုန်ရေ ဆိုးသွမ်းရေအကြံဖြင့် မသင့်ရာ ကို ကြံဘိရေ။ ယကေလည်း ဆိုလာရေစကားကို အလိုတူမြုပက အကျိုးမဲ့အကျိုးယုတ် သာ ဖြစ်ချေမည်။ သို့ကြောင့် အလိုသို့ပါဟန်ြုပပြီး ဖမ်းမည်ကြံလီရေ။ သို့နန့် သံတောင် စားငစုန်ကစေရေသူအား သင့်လှပါရေ။ ရဲမက်လက်နက်တိလည်း အသင့်ပင်ဖြစ်ပါ ရေ။ မည်ရေကိုမျှ စိုးတော်မမူပါနန့်။ လက်ဆောင်ပဏ္ဍာ လျှောက်စာနန့် လူထည့်လိုက် ရေ။ ထိုအကြောင်းကို ပြည့်သျှင်မင်းကြီး ကြားသိတော်မူ၍ အမတ်မဟာပညာကျော်ကို မေးတော်မူလီရေ။ ထိုအခါအမတ်ကြီး လျှောက်ထုံးကေကား-

အသျှင်မင်းမြတ်။ ။ ဒါကာြုမို့စား ကောင်းညွန့်သူ ဘီဘိုးအစဉ်အမျိုး မှူးရိုးမတ် မျိုးဖြစ်ပါရေ။ ထီးနန်းမင်းဆက် အဝီးအနီးထားသမျှ မည်ရေ့ကာလတွင်မျှ သူ ပုန်သူကန် လူဆိုးလူသွမ်းရို့နန့်ပေါင်းဖက်၍ အသျှင်မင်းအား မိုက်မှားဘူးရေမဟိပါ။ ခမည်းတော်ဘုရားလက်ထက် ကုလားပြည်ကိ ုသိမ်းယူပြီးရေကာလပြန်ကြရေအခါ ဒါကာမြို့စားကောင်းညွန့်သူ အဘသတိုးဖြူအမတ်ရေ စီးရေလှေ၌ စစ်ချီစဉ်က ပီးသနားတော်မူရေ ပေါင်းဖြူကိုဆင်လျက်စီးလီရေ။ ထိုအခါ ခမည်းတော်ဘုရား၁၁၈ က စစ်ချီသာ ငါပီးတော်မူရေ။ စစ်ပြန်ကေ သိမ်းသင့်လျှက်မသိမ်း။ သတိုးဖြူရေ မာန်မြောက်၍ လွန်သူဖြစ်လီရေ။ မျက်တော်မူလျက် အပြစ်နန့်မာန်အောင်သို့ ပို့ထား တော်မူရေ။ တစ်နှစ်ကျော်နေရရေအခါ အရှေ့ပျူတလိုင်းမင်းရို့က စေလွှတ်ခေါ်စေ ရာ မှူးကောင်းမတ်ကောင်းရို့အင်္ဂါနန့် စုံညီစွာပီးလိုက်ရေစာမူလည်း၊ မတ်ကောင်းရို့ အင်္ဂါနန့် စုံညီစွာပီးလိုက်ရေစာမူလည်း၊ ဝိဒေဟရာဇ်အမတ်-မဟောသဓာကို ပဉ္စာ လရာဇ်မင်းကခေါ်ကေ ကျေးဇူးသစ္စာရှင်မှစ၍ သားမြေးဆက်ကာမှန်သမျှ စိုးမိုးကေ ကျေးဇူးသစ္စာစောင့်အပ်ကြောင်း ထုံးဟောင်းနန့်လျှော်စွာ စာပီးလိုက်ပါရေ။ အမျိုးအ ရိုးကို ဒါဂါမြို့စားကောင်းညွန့်သူ ဖျက်မည်မဟုတ်ပါ။ အကြောင်းဆိုက်ရာတွင် ဉာဏ်ဆင်၍ ဒါကာစားကြံရေ့အမှုသာ ဖြစ်ပါရေ။

အပြစ်ပီးထားရေသားတော် သံတောင်စားရေ လင်းကဲ၊ြုမုံ၊သက်ရို့နန့် ပူး ပေါင်းဆိုးသွမ်းရေ့အရာမှာလည်း အရေးမဆိုလောက်ပါ။ အမတ်တော် ဒါကာစား ကောင်းညွန့်သူတစ်ယောက်နန့် ပြီးကုန်ပါလိမ့်မည်လျှောက်လီရာ ပြည့်သျှင်မင်းကြီးလည်း မင်းသို့မဆို နေတော်မူလီရေ။

ယင်းသို့အမတ်ကြီးလျှောက်လီရေကို ဒါဂါြုမို့စား ကောင်းညွန့်သူ ကြားသိ လီရာငါ၌ အရေးရောက်ပြီးကြံလျက် သံတောင်စားမှာရေနေ့ ရောက်လတ်ကေ ရဲမက်လက်နက် ဗိုလ်ခြေစည်းကြပ်လျက် သံတောင်စားဟိရာသို့ချီလားလီရေ။ တွေ့ ရေအခါ ဒါကာစားဆိုရေကား အသျှင်မင်းသား တပ်ဦးချီတော်မူပါ။ ကျွန်တော့်နောက် ကကွပ်၍ စစ်အားပီးပါမည်။ ဆိုလီကေ သံတောင်စားလည်း အားရ၍ချီလားလီ ရေ။ သတ်၊ ြုမို၊ လင်းကဲရို့မှာ တောင်ခြေသာကျွမ်း၍ လှေမှု၊ ရေမှု မကျွမ်းကြချေ။ မယူမြစ်ဝသို့ရောက်ရေ အခါကာလ ဒါဂါစားက မိမိလူရို့ကိုအသင့်ထားပြီးကေ ြုမိုနန့်လည်းနီးပြီ၊ သံတောင်စားနန့်တိုင်ပင်ရန်ဟိရေဆိုလျက်၊ တပ်ဦးသို့လာခလီရေ ရောက်ကေ ဒါဂါစားက သံတောင်စားသို့ပြောလီရေ။ အသျှင့်သားတိုင်ပင်ရန် ကျွန် တော့်လှေသို့ တက်ပါ ဆိုလီရေ။ သံတောင်စားလည်း ယုံမှတ်ရေနှလုံးဖြင့် နောက် ပါ လူအတန်သာခေါ်၍ ဒါဂါစား လှေသို့တက်လီရေ။ ထိုရေအခါ ဒါဂါစားက မိမိလှေ တိကိုရှေ့နောက်ထား၍ ပိတ်ဆို့ထားစေရေ။ ယင်းပိုင်းစီစဉ်ပြီးကေ ရေင်းရေင်းငြာ ဝိုင်းလျက် သံတောင်စားကို ဖမ်းဆီးလိုက်လီရေ။ မြစ်ရေလည်းတက်ပြီဖြစ်၍ ြုမို့တော် သို့ ထွက်ချီလားကြရာ နံနက်အချိန် ဆိုက်ရောက်ကြလီရေ။ ဒါဂါစားရေ နန်းတော် သို့ဝင်ပြီး သံတောင်စားကို မင်းကြီးထံ ဆက်သလီရေ။ သံတောင်စားလူတိဖြစ်ရေ သက်ခေါင်းအကြီး၊ ြုမိုလင်းကဲခေါင်အကြီးနန့် နောက်ပါလူအတိကိုလည်း ဒါဂါစားသမက်၁၁၉ ရေင်းတီးစားက ဖမ်းဆီးဆက်သလာပြန်ရေ။ ယင်းရေအခါ အမတ်ကြီး မဟာပညာ ကျော် လျှောက်ရေ့ထုံးကား-

အသျှင်မင်းမြတ်။ ။ဘုရားရှင်တကာဖြစ်တော်မူရေဗိမ္မိသာရမင်းကြီး မိဖုရား၌ အဇာတသတ်မင်းကို ပဋိသန္ဓေစွဲယူရေကာလ မကောင်းရေ တိနိမိတ်ထင်သဖြင့် အကြိမ်ကြိမ် သန္ဓေကိုဖျက်ကြောင်း မင်းကြီးသိတော်မူလီရေ။ ထိုရောအခါ အမိန့်တော် ဟိရေကား- ရှင်မိဖုရား သံသရာဝဋ်ဒုက္ခဟိရေ လူသတ္တဝါရို့ရေ မိကြီး ဘကြီး ဆွေမျိုးစရေသူအား အပြစ်ထိုက်ငြားကေလည်း အမျိုးစောင့်ရေတရားကို သူတော် ကောင်းရို့မဖျက်ရာချေ။ မိဖုရားကမွေးဖွားရေသားရေ တရားမစောင့် အဝဇာတသား ဖြစ်ခ၍ ငါ့အား မှားလိုကေလည်း ငါသာသေစေရာရေ။ သူ့အားမှားရေအသိဖြင့် တရားမလွတ် ကောင်းရာလီ ဤသို့မိန့်တော်မူကြောင်း ကျမ်းဂန်ထင်ရှား ထွက်ဟိပါ ရေ။ ထိုမှတစ်ပါးလည်း မင်းရို့ဘုန်း လက်ရုံးကျက်သရေတော်ခုနှစ်ပါး၊ လူရို့အား မည်ရေကို ကျမ်းဂန်ဆိုရေမှာ-

ရာဇူနံ- မင်းရို့ဧ၊ ဓနံ- ဥစ္စာမည်ရေကား၊ အမစ္စောဗလံ-ပညာဟိရေ အမတ်အားကေတည်း။ ပုရိသာနံ-ယောကျာ်းရို့ဧ၊ ဓနံ-ဥစ္စာ မည်ရေကား၊ အတိ ဂုဏော-ပညာဂုဏ်ကေတည်း။ ဣတ္တိနံ-မိန်းမရို့ဧ၊ ဓနံ-ဥစ္စာမည်ရေကား၊ ရူပဇာဂံအဆင်းအကျင့်တည်း။ သပ္ပါနံ-ေြွမရို့ဧ၊ဓနံ- ဥစ္စာမည်ရေကား၊ ဝိသံ-အဆိပ်ကေတည်း။ ဘိက္ခူနံ-ရဟန်း ရသေ့ရို့ဧ၊ ဓနံ-ဥစ္စာမည်ရေကား၊ သီလံ-သီလအစဟိရေကိုယ်ကျင့် တရားကေတည်း။ မင်္ဂလာတရားဦးတွင်လည်း မာတာ-ပိတာ-မိဘရို့ရေ၊ ပုတ္တ ဒါရသ- သားသမီးရို့၌လည်းကောင်း၊ ပုတ္တဒါရသ-သားသမီးရို့ရေ၊ မာတာ-ပိတာမိဘရို့၌လည်းကောင်း၊ ဉာတကာနဉ္စ-ဆွေမျိုးသားချင်းရို့၌လည်းကောင်း၊ သင်္ဂဟ- ကျွေးမွေးပီးကမ်း မစသင့်ရေ။

တကြောင်းမူလည်း မဟာရာဇာ-အသျှင်မင်းမြတ်၊မာတာပိတာစ-မိဘရို့ကိုလည်း ကောင်း၊ ဂုရုစ-ဆရာသခင်ကျေးဇူးရှင်ရို့ကိုလည်းကောင်း၊ ညာတကာ နဉ္စ-ဆွေမျိုး သားချင်းရို့ကိုလည်းကောင်း၊ အမစ္စေစ-မင်းအကျိုးကိုလို၍ ဆောင်တတ်ရေ အမတ်ကို လည်းကောင်း၊ ဥမ္မတ္တကောစ-အရူးကိုလည်းကောင်း၊ ဘိက္ခုစ-သံသရာဘေးကို ရှုလေ့ဟိ ရေ ရသေ့ရဟန်းကိုလည်းကောင်း၊ ပဏ္ဍိတောစ-ပညာဟိ သူတော်ကောင်းကိုလည်း ကောင်း၊ သတ္တန္နမေဝ- ထိုခုနှစ်ပါးရေသူရို့အား၊ ရာဇာ-မင်းရေ၊ ဒေါသိ-အမျက်ဟိသ ဖြင့်၊ ဇီဝိတိန္ဒြေ-သေစေရေပျက်စီးခြင်းကို၊ နပဿေယျ-မြုပအပ်။ ယင်းပိုင်းအကြောင်း ထုံး ဟောင်းသက်သေ ကျမ်းဂန်ဟိရေ။

သားတော်သံတောင်စားမှာ-ဇမ္ဗုပတီမင်းနန့်တူပါရေ။ သားတော်ကိုပါအောင် ခေါ်ဆောင်ယူနိုင်ရေ ဒါကာစားမှာ သကြားတမန်နန့်တူပါရေ။ အသျှင်မင်းမြတ်တုံ ကေကား ဘုရားရှင်နန့်ဥပမာတူပါရေ။ ယင်းသို့အကြောင်း ထုံးဟောင်းဟိရေ့အတိုင်း ပြည့်သျှင်မင်းကြီး မတိမ်းမစောင်းရချေ။ လောကီ၊လောကုတ္တရာ နှစ်ဖြာရေအကျိုးဟိလှ၍ ဘုရားစရေသူတော်ကောင်း ပညာဟိချီးမွမ်းစေရာ မှူးကောင်း၊ မတ်ကောင်း ပညာဟိ စုံစွာ ပညာဗလအားကြီးရေ အမတ်ကြီးလျှောက်လီကေပြည့်သျှင်မင်းကြီးက ငစုန် ငယ်ရေ အလိမ္မာမဟိသူဖြစ်ရေ။ လိမ္မာအောင် သွန်သင်ပြသ ဆုံးမစေခိုင်းသိမ်းထား လီလော့အမိန့်တော်ဟိ၍ အမတ်ကြီးမဟာပညာကျော်သို့ အပ်တော်မူလိုက်ရေ။ ဒါဂါစားကောင်းညွန့်သူကိုမူကား-သားတော်သံတောင်စား အဆောင်အရွက် အဝတ်တန်ဆာပီးတော်မူလီရေ။ ဒါဂါစားရေ သနားတော်မြတ်ကိုသာ ခံယူရေ။

မဆောင်မသုံး၊ ပြည့်သျှင်မင်းကြီးသို့ပြန်လည်ဆက်သပြီး လျှောက်ထားလီရေကား- အသျှင်မင်းမြတ်။ ။ မူးမတ်ကျေးကျွန်ကို သဒ္ဓါတော်မူ၍သားတော် သမီးတော်ရို့ နည်းပီးသနားတော်မူကေလည်း၊ အသျှင့်သားတော်အဆောင်နန့်တူအောင် မသုံးဆောင် အပ်ပါ။ မူးမတ်အသုံးအဆောင်မျှကိုသာ သုံးဆောင်ထိုက်ပါရေ။ လွန်၍ြုပချေကေ အလိမ္မာမဟိရေသူရို့ကို တန်ဆာဆောင်၍ မာန်မြင့်တတ်ပါရေ။ သနားတော်ကိုခံရ ကေ သုံးဆောင်ရသကဲ့သို့ တထေဝတူဖြစ်ပါရေ။ ရှေးပညာဟိထားခရေထုံးလည်း ဖြစ်ပါရေ။ ဤသို့လျှောက်လီကေ မင်းသားအဆောင်အရွက်ကို ပြန်သိမ်းတော်မူရေ။ အမတ်ကြီးရို့ နည်းအဆောင်အရွယ် ပီးသနားတော်မူလီရေ။ သားတော် သံတောင် စား သက်၊ လင်းကဲ၊ ြုမို၊ အကြီးခေါင်းတိကိုလည်း အသက်မသတ်။ ကုသိုလ်တော် ရတနာပုံဘုရားမှာ လှူတော်မူရေ။