Wp/rki/ရခိုင်လျှောက်ထုံး(၃၅)

သီဟိုဠ်မင်းက ပဟေဠိသဝဏ်စာပို့ရာ၌ဖြေကြားရေ့ လျှောက်ထုံး

တစ်ရံရေအခါ သီဟိုဌ် ကောလမ္ပမင်းရေ ရခိုင်မင်းသို့ပီးပို့ရန် ရွှေပေကိုလိပ် ၍အနားတွင်မီး၊ရေဟူရေအက္ခရာနှစ်လုံးကိုရေးပြီး၊ ရွှေပေကိုဖြန့်လျက် သေချာစွာ ထည့်လီရေ။ ၎င်းရွှေပေကို သံဖြစ်သူအားအပ်နှံပြီး ရခိုင်မင်းထံပီးပို့ရန် စေလိုက် လီရေ။ သီဟိုဌ်တမန်လည်းလာလတ်ပြီး ရောက်လီကေ-ရခိုင်မင်းထံ ရွှေပေကို ဆက်သလီရေ။ ရခိုင်မင်းလည်း ထိုရွှေပေကိုကြည့်ရှုလီရာ စာတစ်လုံးမျှ မတွိ့ မမြင် ဖြစ်လီရေ။ ထိုအခါ ပြည့်သျှင်မင်းက ရွှေပေကိုအမတ်ကြီးမဟာပညာကျော်သို့ အပ်တော်မူလီရေ။ အမတ်ကြီးလည်း သီဟိုဌ်မင်းရေ ပညာစမ်းရေအမှုသာ ဖြစ်ချေမည်ကြံလျက် ရွှေပေကိုလိပ်၍ ပွတ်လီရေ။ အတန်ငယ်ပွတ်မိရေအခါ အညီ အညာဖြစ်ပြီး စာလုံးအက္ခရာနှစ်လုံးတွေ့ဟိရလီရေ။ စာနှစ်လုံးမှာ- မီး၊ရေ ဤမျှသာ ဖြစ်ရေ။ အမတ်ကြီးလည်း ထိုရွှေပေကို မင်းကြီးထံပြန်ဆက်သလီရေ။ ထိုအ ကြောင်းကို အမတ်ကြီးက အဓိပ္ပါယ်ဖွင့်ဆိုလျှောက်ထားလီရေ။

အသျှင်မင်းမြတ်။ ရှေးပညာဟိရို့ စကားပုံဆိုထုံးဟိပါရေ။ မီးလွန်ကေခြစ် ရေ၊ ရေလွန်ကေ ပျစ်ရေ။ ရာဇပျို့တွင်လည်း-ပြည်ကြီးဝန်ကို၊ အိုးတန်ဆန် ခတ်၊ မင်းကျင့်ဝတ်နန့်၊ လျှောက်ပတ်သင့်စွာစီရင်ရာရေဟု ပါဟိပါရေ။ ဤသို့အလား တူစွာ-သီဟိုဠ်မင်းကပီးရေ အက္ခရာနှစ်လုံးရေ ပြည့်သျှင်မင်းသို့အမေး။ မီးကဲ့သို့ ကျင့်ရေ၊ ရေကဲ့သို့ကျင့်ရေ။ ပြည့်သျှင်မင်းရေ မီးကဲ့သို့ပြင်းရေအာဏာဖြင့်ကျင့်မူ၊ ပြည်သူ ပင်ပန်းရာရေ။ ရေကဲ့သို့ကျင့်မူ- မှူးမတ်ပြည်သူ မလေးမခန့်ြုပရာရေ။၉၉ ရေမကြီး၊ မီးမလွန်ကျင့်ရာရေအကြောင်းပီးရေ စာဖြစ်ပါရေ။ ဤသို့အမတ် လျှောက်လီရာ သီဟိုဠ်တမန်ရို့လည်း အလွန်ကြည်ညိုခြင်းဖြစ်လီ၍ ပြည့်သျှင်မင်းသို့ လက်စွပ်တော်ဆယ်ကွင်း၊ အမတ်ကြီးသို့ငါးကွင်း ဆက်သပူဇော်လီရေ။ သီဟိုဠ် တ မန်ရို့ပြန်ရေအခါ ထိုရွှေပေတွင် နေ-လ၊ ဟူရေအက္ခရာနှစ်လုံးကို အမတ်ကြီးက ရေး၍ပီးလိုက်ရာ ဆောင်ယူ၍ပြန်ကြလီရေ။