Wp/rki/ရခိုင်လျှောက်ထုံး(၂၉)

သူဌေးခွန်သာကြီး သားသမီးအမွေမှု ဖြတ်ထုံး

မင်းဖလောင်းကြီးစိုးစံစဉ် မိုးစဲကျွန်းတွင် သူဌေးခွန်သာကြီး သေလွန်လီရေ။ ထိုအခါတစ်မိတည်းသား ယောကျာ်းငါးယောက်၊ မိကွဲသားသမီး နှစ်ယောက် ကျန်ရှိခ ရေ။ ထိုသားသမီးခုနှစ်ယောက်ရို့ အမွေခွဲဝေမှုတရားကို တရားသူကြီးလေးဦး စီရင် ချက်နန့် မပြီးလိုကြ၍ ပြည့်သျှင်မင်းကြီးထံ အယူခံမှု ဝင်ရောက်လျှောက်ထားလာကြရေ။ ပြည့်သျှင်မင်းကြီးရေ အမှုကိုကိုယ်တိုင် ဆုံးဖြတ်တော်မမူ၊ အမတ်ကြီးမဟာပညာကျော် သို့ လွှဲအပ်ဆုံးဖြတ်စေတော်မူရေ။ ထိုအခါ အမတ်ကြီး စီရင်ဆုံးဖြတ်လီရေ့ထုံးမူ ကား-

တရားသူကြီးရို့စီရင်ရေ ဓမ္မသတ်ထွက်၌ အနိမ့်အမြင့် အခွဲအဝေဟူသမျှတွင် အမှားတစေသာတိရေ။ ထိုဓမ္မသတ်စာကို ရှေးပညာရှိရို့စွန့်ခကြောင်း ကျမ်းဂန်လာ ရေ၊ အမှန်ကိုသိတတ်ဆိုတတ်မှ ပညာဓမ္မသတ်မှန်ဖြစ်ရေ။ ထိုစာဓမ္မသတ်တိမှာ သညာအက္ခရာမျှသာ အမှားတိ၍ အမှန်နည်းရေ။ အကြောင်းမူလည်း၊ အကယ်၍ သူဌေးခွန်သာကြီးရေ သူပုန်သူကန်ြုပလျက် အရှင်မင်းကြီးအား ပြစ်မှားလီကေ၊ မယားကြီးသား၊ မယားငယ်သားဟူ၍ အမွေစားဓမ္မသတ်ထွက်အလိုက် ခွဲခြားပြီးအပြစ် မပီးချေ၊ သားချင်းအတူ သာသေလည်းသေချင်း၊ ရှင်လည်းရှင်လျှောက်၊ မင်းပြစ်ရောက် ရရေ။ ယင်းပိုင်းရေအကြောင်းကြောင့် မိဘဆိုးသွမ်းလီရာ သားသမီးရို့ ဇိဝိတိန္ဒြေမှ တုံကေလည်း ကင်းရလီရေ။ ထိုသို့ဆိုးမွေ ခံရရေထုံးရှိလျက်၊ ကောင်းမွေ၌လည်း ထိုနည်းအတူသာ ခံယူကြစေ။ စီရင်လီကေ နွေကာလစင်ဖြစ်လျက်မိုးကြီး ရေးထန် စွာ ရွာလီရေကြောင့် ပြည့်သျှင်မင်းကြီးက အမတ်ကြီးသို့ ပတ္တမြားလက်စွပ်တစ်ကွင်း တရားဆု ချီးမြှင့်ပီးသနားတော်မူလီရေ။