မင်းဖလောင်းလက်ထက် မရုစား ငစနေအားအပြစ်မှလွတ်စေရေ လျှောက်ထုံး edit
တရံရောအခါမူလည်း၊ ပြည့်သျှင်မင်းကြီးရေ ငယ်ကျွန် ငစနေကို မရုစားအရာ ပီးတော်မူရေ။ ငစနေရေ စားကျေးမရုသို့ ထွက်လားလီရေအခါ မင်းသုံးမင်း ဆောင် ရွှေကွမ်းချပ်ကိုဆောင်၍ စားသုံးလီရေ။ ထိုအကြောင်းကို မင်းကြီးကြားသိ တော်မူရာ ငစနေကိုခေါ်တော်မူရေ။ ကျေးစားအရာမှနှုတ်ပြီးကေ၊ မင်မပီးမူလျက် မင်းသုံးမင်းဆောင်ကို သုံးရေ။ အပြစ်လိုက်စီရင်မည်ရှိရာ အမတ်ကြီးမဟာပညာ ကျော်လျှောက်ရေကား-
အရှင်မင်းမြတ်။ ။အနဘိက္ခိ-သဘင်ရေလည်းကောင်း၊ ကတပတာ-သတ်ပုတ် ခြင်းကို အလိုရှိရေသူလည်းကောင်း၊ ပညာသဝံ- ထိုးထွင်းသိတတ်ရေပညာမရှိ။ ဆိုမိဆိုရာနန့် သူ့အတင်းကို ပုတ်ချပြောတတ်သူလည်းကောင်း၊ ဗုဒ္ဓသာသနံ-သာသနာ့ ဝန်ထမ်းရဟန်းဖြစ်လျက် ထိုးထွင်းလက်ဖွဲ့၊ ဆေးဝါးမန္တရားကိုလေ့လာရေ ရဟန်း လည်းကောင်း၊ အမစ္စော-အမတ်ဖြစ်လျက် မင်းသုံးမင်းဆောင်ကို အလိုရှိခြင်းလည်း ကောင်း၊ မဇ္ဇပါနံ- သေရည်သေရက်ကြိုက်တတ်ရေသူလည်းကောင်း၊ ရာဇာမင်းဧ အချစ်ကို ယုံရေသူလည်းကောင်း၊ သိံင်္ဂ- ဦးချိုရှိရေသတ္တဝါရို့နန့် ရောနှောကျွမ်း ဝင်ြုပတတ်ရေသူလည်းကောင်း၊ အဌ- ထိုရှစ်ယောက်ရေသူရို့ရေ၊ ဥမ္မတ္တကောသူရူးအဝင်တည်း။ ရာဇာဗလံတုသမစ္စော ဝေဿဝတော။ ရာဇာမင်းရို့၊ ဗလံ-အားြုပရရေ၊ ဝေဿဝတော-နတ်နန့်တူရေ၊ စတု-လေးယောက်ရေဝင်းမှူး၊ အမတ်ရို့သာကေ၊၇၈ သံလျက်လက်စွဲ၍၊ ရာဇာ-မင်းနေရေနန်းတော်သို့ ဝင်စေရာရေ။ ဗဟုသုတ လော ကီပညာကိုလိုကေ၊ ဝိဇ္ဇာမန္တာန်ကိုတတ်ရေသူထံ ဆည်းကပ်ရာရေ။ ရာဇမစ္စေ- မင်းချစ်စေလိုမူ၊ ဣစ ္ဆာဂတော- မင်းအလိုရှိရေအမှုကို ရွက်ဆောင်ရာရေ။ သစေသူတပါးရို့မူကား၊ ပေသနေ- စေပါးရေအခွင့်၌၊ ဇာနေယျ- စုံစမ်းဆင်ခြင်ရာရေ။
အရှင်မင်းမြတ်။ ။အနီးထားအပ်ရေသူ၊ အဝီးလွှတ်အပ်ရေသူ၊ ထိုနှစ်ဦး၌ အဝီးထားသင့် သူအားအပါးအနီး၌ထားချေကေ မင်းရိပ်မင်းခြည်၊ မင်းနေမင်းလား၊ မင်းပါးမကျွမ်း ဟော့ရမ်းသွမ်းသွပ်လီရာရေ။ အနီးထားသင့်သူအား အဝီး၌ ထားချေကေ- မင်းကျွမ်းဝင်၍ မဆင်မခြင် ကျင့်တတ်ပါရေ။ ရှေးပညာရှိရို့စကား တွင် မင်းကလွန်ကေ မာန်ကိုသိမ်းသင့်ကြောင်း ဆိုပါရေ။ လျှောက်လီကေ ငစနေကို အပြစ်မှချမ်းသာပီး၍ အတွင်းသုံးမြဲ သုံးတော်မူလီရေ။[1]
ကိုးကား edit
- ↑ ရခိုင်လျှောက်ထုံးများ၊ နန္ဒာထွန်း၊ ရခိုင်သားကြီးစာပေ၊ ရန်ကုန်၊ ဖေဖော်ဝါရီလ၊ ၂၀၀၃
ကျမ်းကိုးစာရင်း edit
- ၁။ ဓညဝတီအရေးတော်ပုံ အသျှင်ကဝီသာရမထေရ်၊ သံတွဲမြို့ နန်းမြင့်စာပေ၊ ၂၂၅-ပန်းဆိုးတန်း၊ရန်ကုန်
- ၂။ မဟာပညာကျော်လျှောက်ထုံး အသျှင်ကတိသာရမထေရ်၊ သံတွဲမြို့။ ဟံသာဝတီပုံနှိပ်တိုက်၊ အမှတ်(၅၃) နတ်မောက်လမ်းသွယ်၊ ရန်ကုန်မြို့။
- ၃။ ရခိုင်ရာဇဝင်သစ်ကျမ်း ဦးစန္ဒာမာလာမင်္ကာရ၊ ရမ်းဗြဲမြို့တောင်(ပထမအုပ်) ကျောင်းဆရာတော်၊ ဟံသာဝတီပုံနှိပ်တိုက် မန္တလေး
- ၄။ ၎င်း-(ဒုတိယအုပ်) -၎င်း-
- ၅။ ဓညဝတီရာဇဝင်သစ်ကျမ်း အထက်ကျောင်းတော်ဆရာတော် ဦးဉာဏ (ပထမတွဲ) ရသေ့တောင်မြို့။
- ၆။ င/မည်ရာဇဝင် ပေမူမှတဆင့်ကူးလျက် ရေးမူ တက္ကသိုလ်များစာကြည့်တိုက်၊ ရန်ကုန်
- ၇။ မင်းရာဇာကြီးအရေးတော်ပုံ -၎င်း-
- ၈။ မဟာရာဇဝင်တော်ကြီး ဦးသာထွန်းအောင် ရခိုင်ပြည်သတင်းစာပုံနှိပ်တိုက်၊ စစ်တွေ
- ၉။ ဝိမလလျှောက်ထုံးများ ပေမူ၊ စာရေးသူထံတွင်ရှိ
- ၁၀။ ဦးဦးသာထွန်း၏ မှတ်စုများ လက်ရေးမူ
- ၁၁။ ဖားပြုတ်ကေရာဇဝင် ပေမူ၊ ဦးပညာစာရ၊
- ၁၂။ င/စည်ရာဇဝင် မဟာမုနိဗုဒ္ဓဝိဟာရကျောင်း၊ စစ်တွေ
- ၁၃။ ရခိုင်ကျမ်းနတ်ဓမ္မသတ် ဦးပညာစာရ၊ မဟာမုနိဗုဒ္ဓဝိဟာရ၊ စစ်တွေ၊ အမျိုးသားစာကြည့်တိုက်၊ ရန်ကုန်
- ၁၄။ သစ္စနိဒါန်းကျမ်း ပေမူ၊ အမျိုးသားစာကြည့်တိုက်၊ ရန်ကုန်
- ၁၅။ ဦးဒိုးဝေရာဇဝင် ပေမူ၊ မြို့မကျောင်းတိုက်၊ တောင်ကုတ်
- ၁၆။ မောင်ပုံရာဇဝင် ပေမူ
- ၁၇။ ကျောက်ရိုးရာဇဝင် လက်ရေးမူ၊ စာရေးသူထံရှိ