Wp/rki/ရခိုင်လျှောက်ထုံး(၁)

သီရိရာဇာမင်းဧ အိပ်မက်တော်လျှောက်ထုံး

ဓညဝတီဒုတိယြုမိ့တည် ကံရာဇာကြီးမင်း ဆက်နှစ်ဆယ့်ရှစ်ဆက်မြောက် သီရိရာဇာမင်းစွာ မိဖုရားဝိမလဒေဝီကုမ္မာရီနန့် သက္ကရာဇ်(၆၇)ခုနှစ်တွင် ဓညဝတီ ပြည်ကြီးဝယ် ထီးနန်းစိုးစံလျက်ဟိ ရေ။ စက်တော်ခေါ်ရာ တစ်နိရေ အခါ၌ မင်းကြီးစွာ နီလကိုဆွတ်ပြီးကေ မိဖုရားကြီးအားပီးရရေဟု အိပ်မက်တော် မြင်မက်လီ ရေ။ မင်းပွဲခံရာ၌ မူးမတ်ရို့သို့ အိပ်မက်ကိုပြန်ဆိုလီရေ။ ယင်းသောအခါမင်းတုံးစားအမတ်ဝိမလ၊ ပြောင်းပြာစား

အမတ်ဒေဝကျော်ထင်ရို့ လျောက်ထုံးသော်ကား -

အသျှင်မင်းမြတ် ... သူရိယနီကိုသာ ဆွတ်ပြီးကေပီးရရေဟု မြင်မက်တော်မူလီသော် ဘုန်းအာဏာကျက်သရေတောက်ထွန်းရေ သားတော်ကို ဖွားမြင်ရာရေ။ စန ́ာလကိုဆွတ်ယူပီးရရေဟု မြင်မက်မူလည်း စကြာမဒ ̈ာမင်းနန့်ထိုက်ရေ သမီးတော်ကို ဖွားမြင်မည်အမှန် ဖြစ်ပါရေ။ ယင်းသို့အကြောင်း ရှေးထုံးဟောင်းအလာ ဟိပါရေ။ ဂုအသျှင် မင်းကြီးမြင်မက်ရေ အိပ်မက်တော်တွင် နီလအစုံကို ဆွတ်ယူတော်မူ၍ မိဖုရားကြီးသို့ပီးရရေဟု မြင်မက်ရေအလို ဇမ္ဗူဒီပါကျွန်း၌ ြုပိုင်ဘက်မဟိ အောင် ဘုန်းရောင်ထွန်းလင်း အမင်းမင်းရို့ဝပ်စင်းညွတ်လာရရေ သားတော်မြတ်ဖွားမြင်တော်မူပါဖို့။ လရောင်ပမာချမ်းအေးစွာနန့် ဂုဏ်ရောင်ခရေ အတုမဟိရေသတ္တဝါရို့ဧ့ အထွတ်အထိပ်ဖြစ်တော်မူသော ဘုရားရှင်နန့် သားတော်ြုကုံတွေ့ဖူးရဖို့အမှန်ဖြစ်ပါရေ။ မင်္ဂလာဟိရေ ကောင်းကျိုးကြီးပီးဖို့ အိပ်မက်တော်ဖြစ်ကြောင်းလျှောက်တင်ကြလီသော်- ပြည့်ရှင်မင်းကြီးရေ လွန်အားရတော်မူခြင်းဟိဧ့။ ယင်းချင့်ကြောင့် အသပြာတစ်ထောင်တန်ရေ ပတ္တမြားလက်စွပ်တစ်ကွင်းစီနန့်ဆင်ပေါက်တစ်စီးစီ အမတ်နှစ်ယောက်အား ဆုပီးတော်မူလီရေ။