ဝရဓမ္မရာဇာမင်းလက်ထက် နိမိတ်တိ လျှောက်ထုံး edit
သက္ကရာဇ် ၇၆၃ ခု၊ ထိုမင်းသက်တော်၄၂-နှစ်ရောက်သာအခါ မဟာမုနိဘုရား ရောင်တော်လွှတ်ရေ။ ငလျှင် အကြိမ်တိစွာ လှုပ်ရေ။ တော်လဲရေ။ ဥဂ္ဂါပျံရေ။ နတ်အမြှောက်သံ အကြိမ်တိစွာ ကြားရေ။ တောင်ပြိုရေ။ နန်းသို့ မိစ ္ဆာဝင်ရေ။ နဂါးချေးလွှတ်ရေ။ ကြာသပတေးကြယ် လကိုထွင်းရေ။ စနီ အင်္ဂါဂြိုဟ်ပျံရေ။ ထိုသို့တိတ်နိမိတ်တိကို အမတ်ပညာရှိဝိမလ လျှောက်ထုံးကေကား-
အရှင်မင်းမြတ်။ ဘုရားပုထိုး အရောင်လွှတ်ရေ၊ တောင်ပြိုရေတိမှာ မင်း ၌အကြောင်း ထုံးဟောင်းဟိပါရေ။ ဥဂ္ဂါပျံရေ၊ နဂါးချေး လွှတ်ရေ ရပ်ရှစ်မျက်နှာ တိမ်သွေးသို့ မြင်ရေတိမှာ မင်း၊ မိဖုရား၊ မင်းသား၊ ဥပရာဇာရို့အကြောင်း။ ငလျင် အကြိမ်တိစွာ လှုပ်ရေ။ တော်လဲရေတိမှာ ပြည်သူရို့အကြောင်း။ နတ်အ မြောက်သံကြား ရေ၊ စနီ အင်္ဂါြုဂိုဟ်ပျံရေတိမှာ စစ်ချီစစ်ရောက်ရာရေအကြောင်း။ ကြာသပတေးကြယ်လကို ထွင်းရေ၊ ကြာသပတေးကြယ်ပျံရေ၊ လကိုထွင်းရေ တိမှာရဟန်း၊ ပုဏ္ဏား၊ မိကြီး၊ ဘကြီး၊ ဆွေကြီး၊ မျိုးကြီး၊ မှူးကြီး၊ မတ်ကြီးရို့အ ကြောင်း။ နန်းတွင်းသို့ မိစ ္ဆာဝင်ရေမှာ နန်းသူရို့ သိက္ခာပျက်ရေ့အကြောင်း၊ ယင်း သို့ ထုံးဟောင်း လောကီကျမ်းတိရှိပါရေ။ ဒေသို့အမတ်ကြီးလျှောက်လီကေ ပြည့် ရှင်မင်းက ဝိမလအမတ်ကြီးရေ လူအိုဖြစ်ချေပြီ။ ဝင်ထွက်လားလာရာ ရွှေထမ်းစင်စီး ၍လားစေဟု ဆုအခွင့် ပီးတော်မူရေ။[1]
ကိုးကား edit
- ↑ ရခိုင်လျှောက်ထုံးများ၊ နန္ဒာထွန်း၊ ရခိုင်သားကြီးစာပေ၊ ရန်ကုန်၊ ဖေဖော်ဝါရီလ၊ ၂၀၀၃
ကျမ်းကိုးစာရင်း edit
- ၁။ ဓညဝတီအရေးတော်ပုံ အသျှင်ကဝီသာရမထေရ်၊ သံတွဲမြို့ နန်းမြင့်စာပေ၊ ၂၂၅-ပန်းဆိုးတန်း၊ရန်ကုန်
- ၂။ မဟာပညာကျော်လျှောက်ထုံး အသျှင်ကတိသာရမထေရ်၊ သံတွဲမြို့။ ဟံသာဝတီပုံနှိပ်တိုက်၊ အမှတ်(၅၃) နတ်မောက်လမ်းသွယ်၊ ရန်ကုန်မြို့။
- ၃။ ရခိုင်ရာဇဝင်သစ်ကျမ်း ဦးစန္ဒာမာလာမင်္ကာရ၊ ရမ်းဗြဲမြို့တောင်(ပထမအုပ်) ကျောင်းဆရာတော်၊ ဟံသာဝတီပုံနှိပ်တိုက် မန္တလေး
- ၄။ ၎င်း-(ဒုတိယအုပ်) -၎င်း-
- ၅။ ဓညဝတီရာဇဝင်သစ်ကျမ်း အထက်ကျောင်းတော်ဆရာတော် ဦးဉာဏ (ပထမတွဲ) ရသေ့တောင်မြို့။
- ၆။ င/မည်ရာဇဝင် ပေမူမှတဆင့်ကူးလျက် ရေးမူ တက္ကသိုလ်များစာကြည့်တိုက်၊ ရန်ကုန်
- ၇။ မင်းရာဇာကြီးအရေးတော်ပုံ -၎င်း-
- ၈။ မဟာရာဇဝင်တော်ကြီး ဦးသာထွန်းအောင် ရခိုင်ပြည်သတင်းစာပုံနှိပ်တိုက်၊ စစ်တွေ
- ၉။ ဝိမလလျှောက်ထုံးများ ပေမူ၊ စာရေးသူထံတွင်ရှိ
- ၁၀။ ဦးဦးသာထွန်း၏ မှတ်စုများ လက်ရေးမူ
- ၁၁။ ဖားပြုတ်ကေရာဇဝင် ပေမူ၊ ဦးပညာစာရ၊
- ၁၂။ င/စည်ရာဇဝင် မဟာမုနိဗုဒ္ဓဝိဟာရကျောင်း၊ စစ်တွေ
- ၁၃။ ရခိုင်ကျမ်းနတ်ဓမ္မသတ် ဦးပညာစာရ၊ မဟာမုနိဗုဒ္ဓဝိဟာရ၊ စစ်တွေ၊ အမျိုးသားစာကြည့်တိုက်၊ ရန်ကုန်
- ၁၄။ သစ္စနိဒါန်းကျမ်း ပေမူ၊ အမျိုးသားစာကြည့်တိုက်၊ ရန်ကုန်
- ၁၅။ ဦးဒိုးဝေရာဇဝင် ပေမူ၊ မြို့မကျောင်းတိုက်၊ တောင်ကုတ်
- ၁၆။ မောင်ပုံရာဇဝင် ပေမူ
- ၁၇။ ကျောက်ရိုးရာဇဝင် လက်ရေးမူ၊ စာရေးသူထံရှိ