သမိုင်းကြောင်း
edit၂၀၁၉ ခုနှစ် ဇွန်လ (၂၁) ရက်နိတွင် ရခိုင်ပြည်နယ်မြောက်ပိုင်း (၈) မြို့နယ် - မြောက်ဦး၊ ကျောက်တော်၊ ပုဏ္ဏားကျွန်း၊ မင်းပြား၊ ဘူးသီးတောင်၊ မြေပုံ၊ ရသေ့တောင်၊ မောင်တော နန့် ချင်းပြည်နယ် ပလက်ဝမြို့နယ်ရို့တွင် “ဒေသတည်ငြိမ်မှုကိုထိန်းသိမ်းရန်နန့် ဥပဒေစိုးမိုးမှုဟိစေရန်” ဟူရေ အကြောင်းပြချက်ဖြင့် မြန်မာ့ပို့ဆောင်ရီးနန့် ဆက်သွယ်ရီးဝန်ကြီးဌာနက တယ်လီဖုန်း ဆက်သွယ်ရီးနန့်အင်တာနက် ဝန်ဆောင်မှု ပီးနီရေ အော်ပရေတာတိကို ညွှန်ကြားချက်ထုတ်ပြန်ပြီး အင်တာနက်အသုံးပြုခွင့်ကို ဖြတ်တောက် လိုက်ရေ။
၎င်းဒေသတိရေ တပ်မတော် နန့် ရက္ခိုင့်တပ်တော် ရို့ကြား တိုက်ပွဲတိ အပြင်းအထန်ဖြစ်ပွားလျက်ဟိရေ ဒေသတိဖြစ်ကတ်ရေ။ [1] ၂၀၁၉ ဇန်နဝါရီလမှ စတင်ကာ ပြင်းထန်စွာ ဖြစ်ပွားခရေတိုက်ပွဲတိကြောင့် အရပ်သားရာနန့်ချီ သေဆုံးပြီး ထောင်ပေါင်းတိစွာအိုးမဲ့အိမ်မဲ့ဖြစ်ခရေ။ [2] ့ ၂၀၂၀ စက်တင်ဘာလ (၁)ရက်နိတွင် ဘူးသီးတောင်၊ မောင်တော၊ ရသေ့တောင်၊ မြေပုံနန့် ပလက်ဝ မြို့နယ်ရို့ကို အင်တာနက်ပြန်ဖွင့်ပီးခကေလည်း ဖေဖော်ဝါရီလ (၃)ရက်နိတွင် ယင်းမြို့နယ်တိကို အင်တာနက်ထပ်မံဖြတ်တောက်ခရေ။[3]
၂၀၂၀ မေလ (၃) ရက်နိတွင် မောင်တောမြို့ကို အင်တာနက်ပြန်လည်ဖွင့်ပီးခရေ။[4] ့ ၂၀၂၁ ဖေဖော်ဝါရီလ (၃) ရက်နိတွင် အာဏာသိမ်းစစ်ကောင်စီရေ ဖြတ်တောက်ခရေ ရခိုင်ပြည်နယ်နန့် ချင်းပြည်နယ်အတွင်းဟိ အင်တာနက်လိုင်းတိကို ပုံမှန်အတိုင်း ပြန်ဖွင့်ပီးခရေ။ ယကေလည်း နိုင်ငံတစ်ဝန်းအချိန်ပိုင်းဖြတ်တောက်မှုတိ ဟိနီခရေ။[5]
ဝေဖန်ကန့်ကွက်မှုတိ
editရခိုင်ပြည်နယ်အတွင်း ဒေသခံ ပြည်သူတိ စစ်ဧ အနိဌာရုံကို ခံစားနီကတ်ရသည့် အချိန်တွင် အင်တာနက် လိုင်းတိ ဖြတ်တောက်ခြင်းအားဖြင့် လူ့အခွင့်ရီး ချိုးဖောက်ခံရမှုတိနန့် အကြမ်းဖက်ခံရမှုတိကို အားပီး၊ အားမြောက်ပြုရာရောက်ကြောင်း မင်းပြားမဲဆန္ဒနယ်မှ ရခိုင်အမျိုးသားပါတီ ပြည်နယ်လွှတ်တော်ကိုယ်စားလှယ် ဦးလှသိန်းအောင်က ၂၀၁၉ ခုနှစ် ဇွန်လ (၂၄) ရက်နိက ပြည်နယ်လွှတ်တော်တွင် တင်ပြဆွေးနွေးပြီး ရခိုင်ပြည်နယ်တွင်း စစ်မက်ဖြစ်ပွားလျက်ဟိရေ မြို့နယ်တိတွင် ဖြတ်တောက်ထားသည့် အင်တာနက်ဝန်ဆောင်မှုအား အမြန်ဆုံး ပြန်လည်သုံးစွဲခွင့်ပြုရန် ပြည်နယ်အစိုးရအဖွဲ့မှ တဆင့် ပြည်ထောင်စု အစိုးရအဖွဲ့အား တိုက်တွန်းကြောင်း အဆိုတင်သွင်းခရေ။[6]
၂၀၁၉ စက်တင်ဘာလ (၃၀) ရက်နိနိစွဲပါ ထုတ်ပြန်ချက်တွင် ပုဏ္ဏားကျွန်း၊မြောက်ဦး၊ကျောက်တော် နန့်မင်းပြား မြို့နယ်ရို့အား (၁၀၁) ရက်ကြာ အင်တာနက်ဖြတ်တောက်ထားမှုအား အဆုံးသတ်ရန် ကုလသမဂ္ဂ မြန်မာဌာနီကိုယ်စားလှယ်ရုံးက မြန်မာအစိုးရအား တိုက်တွန်းခရေ။[7]
၂၀၂၀ခုနှစ် ဖေဖော်ဝါရီလ ၂၃ ရက်နိတွင် "အင်တာနက်ပြန်ဖွင့်ပီးရန် အပါအဝင် ဘူးသီးတောင်မြို့နယ်က စာသင်ကျောင်းအား လက်နက်ကြီး ကျရောက်ပေါက်ကွဲမှုကို တာဝန်ယူမှု၊ တာဝန်ခံမှုဟိစွာနန့် ဖြေယှင်းပီးရီး၊ ပြည်တွင်းပြည်ပ သတင်းမီဒီယာတိကို လွတ်လပ်စွာ သတင်းရယူခွင့်ပီးရန်" ရခိုင်ကျောင်း သားတိသမဂ္ဂ (ရန်ကုန်)၊ ရခိုင် ကျောင်းသားတိသမဂ္ဂ (ဒဂုံတက္က သိုလ်)၊ စီးပွားရီးတက္ကသိုလ် (ရွာသာကြီး)၊ ရန်ကင်းပညာရီးကောလိပ်ကျောင်းသားတိသမဂ္ဂ နန့် ရန်ကုန်အရှေ့ပိုင်းတက္ကသိုလ် ကျောင်းသားတိ သမဂ္ဂရို့က ဦးဆောင်၍ ကျောင်းသား ကျောင်းသူ ၁၀၀ ကျော်က ဆန္ဒပြ တောင်းဆိုခကတ်ရေ။ဦးဆောင်သူတိဖြစ်ကတ်သည့် နီာင်ထက်အောင်၊ အောင်ပြည့်စုံဖြိုး၊ မနှင်း၊ အေးမြတ်မွန်ကျော်၊ သုတ စိုး၊ စစ်နိုင်၊ သက်တင်အောင်၊ မြတ်ဟိန်းထွန်းနန့် ကျော်လင်းရို့ကို ငြိမ်းချမ်း စွာ စီတန်းလှည့်လည်ခြင်းဆိုင်ဥပဒေ ပုဒ်မ (၁၉) ဖြင့် အစိုးရက ထောင်ဒဏ် (၁) လစီ ချမှတ်ခရေ။ [8]
ကိုးကား
edit- ↑ https://web.archive.org/web/20200411163333/https://www.mmtimes.com/news/govt-doubles-down-internet-shutdown-western-myanmar.html
- ↑ https://www.hrw.org/news/2020/06/19/myanmar-end-worlds-longest-internet-shutdown
- ↑ https://www.mmpeacemonitor.org/2697
- ↑ https://www.bbc.com/burmese/burma-53120977
- ↑ https://netblocks.org/reports/internet-disrupted-in-myanmar-amid-apparent-military-uprising-JBZrmlB6
- ↑ https://burma.irrawaddy.com/news/2019/06/24/195864.html
- ↑ https://reliefweb.int/report/myanmar/united-nations-myanmar-calls-internet-resumption-areas-under-shutdown-rakhine-state
- ↑ https://www.mmpeacemonitor.org/2697