ရခိုင်ပလွေ(ပြွီ)တူရိယာ
editသုသိရခေါ် အခေါင်းဟိရေ တူရိယာ (၈)မျိုးကို ရခိုင်မဟာရာဇဝင်ကြီး၌ အောက်ပါအတိုင်း ဖော်ပြထားပါရေ။
၁။ ဒူလောင်း
၂။ ခရာကောက်
၃။ ခရာမြွာ၊
၄။ လက်တံရှည်
၅။ နှဲး
၆။ပြွီဆိုသော ပလွီ
၇။ ခရုသင်း
၈။ ဖက်လိပ်ဆိုသော ခြီခေါင်း။
အစဟိသဖြင့် ဖြစ်လီရေ။ ဘော ဆိုရေ မှုတ်ရရေ တူရိယာအကြောင်းကိုလည်း ရာဇဝင်မှတ်တမ်းတိမှာ တွိ့ရရေ။
ဂုခါ အသုံးပြုလျက် ဟိနီသိမ်းရေ ရခိုင်ရိုးရာပြွီတိကို သုတေသီတစ်ဦး ကအောက်ပါအတိုင်း ဖော်ပြထားရေ။
၁။ တောင်ပြွီ -အလျားတစ်တောင်ခန့်ဟိပြီးကေ ဖယောင်းအဆို့နန့် ပလွေရှည်ကို တောင်ပြွီဟု ခေါ်ရေ။
၂။ပြွီခေါင်း -ဖယောင်းအဆို့ မပါဘဲ နှုတ်ခမ်းနန့် လေချိန်ပြီးကေ မှုတ်ရရေ ပလွေကိုပြွီခေါင်းဟု ခေါ်ရေ။
၃။ ပြွီပြား- သစ်သားအဆိုနန့် ကုလားပလွေပိုင် မှုတ်ရာမှ ပြားနီရေ ပလွေကို ပြွီပြားဟု ခေါ်ရေ။ ပြွီ
၄။ သံညှင်းပြွီ- သံညှင်း ပြွီ (ခေါ်) စညှင်း ပြွီ (ခေါ်) အသီး ပြွီမှာ ငွေပြား၊ လျှာနန့် မှုတ်ရာမှ အဆစ်အပိတ်ဖြစ်ပြီးကေ ဘေးမှ မှုတ်ရရေ ပလွေဖြစ်ရေ။ (တချို့မှာ အပေါက် (၅)ပေါက်ဖောက်ရေ။)
၅။ထွာ ပြွီ -အရှည်ဆုံး တစ်ထွာ ပလွေတိုမျိုးဖြစ်ပြီးကေ အပေါက် (၃)ပေါက် ရှိရေ။ အစဟိရေတိ ကို အချိန်အခါကာလ၊ နီရာ၊ ပွဲလမ်းသဘင်၊ အခင်းအကျင်း၊ အဖြစ်အပျက်၊ အကြောင်းအရာတိကို လိုက်ပြီးကေ တီးရရေပိုင် ပလွေကိုလည်း သူ့နီရာနန့်လိုက်အောင် မှုတ်ရရေ။ စည်ခြင်းမှာ ဖော်ပြထားပိုင် ပလွေကိုလည်း အခြင်းဖော်ပြီးကေ မှုတ်ရရေ။ [1]
ကိုးကား
edit- ↑ ဦးဘစံ -ရက္ခမဏ္ဍိုင် အမှတ် ( ၁ ) -p19