ရခိုင်စတုတ္ထသံဂါယနာတင်ခြင်း edit
ဝေသာလီတွင် သီရိစန္ဒြားမင်း အုပ်စိုးစဉ်၌ အိန ္́ဒိယပြည်တွင် ဗောဓိသတ္တဝါဒ၊ မဟာယနဘာသာတိမှာ အင်အားကောင်း နီရေအချိန် ဖြစ်ရေ။ ထိုဝါဒသမားတိ ဝေသာလီဟိ ဗြဟ္မဏတိနန့် ပေါင်းမိကာ မဟာယနဝါဒတိ ဝင်ရောက်လာမည်ကို ကြိုတင်သိမြင်ခရေ။ ထို့ကြောင့် ထေရဝါဒဗုဒ ̈သာသနာ အရှည်တည်တန့်နိုင်ရန်အတွက် ရည်စူး၍ သီရိစန္ဒြားမင်းရေ ရဟန္တာမထေရ်ဖြစ်ရေ အရှင်စူဠရေဝနန့် တိုင်ပင်ပြီး ဥတ္တမကိန်း (၅၆၀)ဖြိုြွကင်းသက္ကရာဇ် (၂)ခုတွင် ဝေသာလီမြို့တော်၌ စတုတ္ထသံဂါယနာ တင်ခရေ။
တင်ရေသက္ကရာဇ် ----- သီရိစန္ဒြားမင်း ဥတ္တမကိန်း(၅၆၀)ဖြိုြွကင်း (၂)ခု သာသနာနှစ် ဓာတုဋီကာ (၁၁၆၉) တန်းခူးလပြည့်ကျော်(၁)ရက်နေ့
တင်ရာဌာန----- ဝေသာလီမြို့တော်၏ အရှေ့ဘက်ဟိ ရွှေတောင်ကြီးတောင်
အမှီပြုရရေမင်း----- သီရိစန္ဒြားမင်း
ကြီးမှူးရေပုဂ္ဂိုလ် တင်ရေသံဃာတော်- သံဃရာဇာစူဠရေဝရဟန္တာမထေရ်
အရေအတွက်- ရခိုင်ပြည်မှ (၁၀ဝဝ) သီဟိုဠ်ကျွန်းမှ (၁၀ဝဝ)ပေါင်း သံဃာတော်(၂၀ဝဝ)
သံဃာယနာတင်ပုံ- ပိဋကတ်သုံးပုံကို အာဂုံဆောင်နိုင်ရေ ရဟန်းတော် (၈)ပါးက နှုတ်ဖြင့်ရွတ်ဆို ၍ ကြေးဝါပြားတိတွင် ရေးထိုးကြရေ။
သုတန္တကျမ်း ပါဠိတော်ကို အလျားတစ်တောင်တထွာ အနံတောင်ဆုတ် အထူ တမူးဟိရေ ကြေးပြားတစ်ချပ်စီတွင် စာကြောင်းရေ တစ်မျက်နှာ (၂၇)ကြောင်းစီပါရေ အချပ်ပေါင်း(၉၀ဝ)၌ ရေးထိုးကြရေ။ ဝိနယပါဠိတော်ကို အရွယ်အစားတူ ကြေးဝါပြား (၂၅၀)ချပ်နန့် အဘိဓမ္မာပါဠိတော်ကို ကြေးဝါပြား (၈၄၀)ချပ် စုစုပေါင်းချပ်ရေ (၂၀ဝဝ)တွင် ရေးထိုးကြရာ၊ အချိန်ကာလ တစ်နှစ်ကြာရေ။ အဌကထာဖြစ်ရေ ဝိနယကို ကြေးဝါချပ် (၇၅၀) သုတ္တံကို ကြေးဝါချပ် (၁၅၀ဝ) အဘိဓမ္မာကို ကြေးဝါချပ် (၆၉၀)၊ ဝိသုဒ ̈ိမဂ်ကို ကြေးဝါချပ် (၄၀) ကင်္ခါဝိတရနိကို ကြေးဝါချပ်(၂၀)ပေါင်း (၃၀ဝဝ) အချိန်နှစ်နှစ်ကြာရေ။ အားလုံးကြေးဝါချပ်ရေ (၅၀ဝဝ)ကို အချိန်ကာလ (၃)နှစ်ကြာ အောင် ရေးသား၍ စတုတ္ထသံဂါယနာတင်ခရေ။ ထိုတင်ခရေ ကြေးပြားအချို့မှာ သီဟိုဠ်ကျွန်း၌ဟိကြောင်း သီဟိုဠ်မှ ကျောက်စာမင်းကြီး မြောက်ဦးသို့ ရောက်ဟိလာစဉ်က ပြောကြား၍ သိဟိရရေ။[1]
ကိုးကား edit
- ↑ မြောက်ဦးမြို့နယ်ဖြစ်သမိုင်း (p-6)