Wp/rki/ယူနိုမော်တော်ဆိုင်ကယ်

ယူနိုမော်တော်ဆိုင်ကယ် (Uno vehicle) ဆိုစွာမှာ နောက်ဆုံးပေါ် မော်တော်ဆိုင်ကယ် ဒီဇိုင်းဖြစ်ရေ။ ဘီး ၂ လုံးကို ဘေးချင်းယှဉ်ပြီးကေ တည်ဆောက်ထားသနန့်ဆိုင်ကယ်ဧကိုယ်ထည် တဝက်သာ ဟိကာ ဆိုင်ကယ်ကို အိမ်တွင်းတွင် ထည့်သိမ်းနိုင်လောက်အောင် သေးငယ်ပေ့ါပါး ဝန်ကျဉ်း စီရေ။ တည်ငြိမ်မှုကို ပိုရစေသနန့်တိမ်းမှောက်မှု နည်းပါးစီရေ။ ဆိုင်ကယ်ရပ်နား နီရာ သက်သာစီရေအပြင် လမ်းပိတ်မှု လျော့ပါးစေနိုင်ရေ။ ဆိုင်ကယ်ရေ ၃၆ ဗို့အား လျှပ်စစ်ဓာတ်နန့်မောင်းနှင်နိုင်သနန့်လောင်စာဆီ ကြောင့်ဖြစ်ရေ အခိုးငွေ့ ကာဗွန်ဒိုင်အောက်ဆိုဒ် ဓာတ်ငွေ့လျော့ပါးစီရေ။ သိုကေ ၂၄ ဗို့အားသာသုံးကြောင်း တိ့ဟိရရေ။

File:Uno motorcycle.jpg

ယူနို မော်တော်ဆိုင်ကယ်

ဆိုင်ကယ်တွင် အပိတ်အဖွင့် ခလုတ်သာ ပါဟိပြီးကေ အမြန်မောင်းလို ပါက မောင်းသူဧကိုယ်ခန္ဓာကို အရှေ့သို့ကိုင်းပြီးကေ အမြန်နုန်းလျှော့လို ပါက ကိုယ်ခန္ဓာကို မတ်မတ်ထား မောင်းရပါဖို့။

ပထမဆုံး ထွင်ရေ နမူနာ ဒီဇိုင်းဆိုင်ကယ်ရေ တနာရီ ၂၅ မိုင်မှ ၆ဝ မိုင်နှုန်း မောင်းနိုင်ပြီးကေ ၂.၅ နာရီခန့် ကြာကြာမောင်းနိုင်ရေ။

တီထွင်ရေ သိပ္ပံပညာရှင်မှာ အသက် ၁၈ နှစ်သာ ဟိရေ ကနေဒါနိုင်ငံ၊ Ontario မြို့တွင် နေထိုင်သူ Ben Gulak ဖြစ်ရေ။ အထက်တန်းမှ စတင်ပြီးကေ ပညာထူးချွန်ဆုတိနန့်စကော်လားရှစ်ရဟိခ သူဖြစ်ရေ။ ၂၀၀၆ နှစ်တခုတည်းတွင် Intel International Science and Engineering Fair Grand ပြိုင်ပွဲတွင် တတိယဆု. Intel International Science and Engineering Fair တွင် ပထမဆု၊ Herbert Hoover Young Engineer Award 2006 ဆု၊ Yale Science and Engineering Award ဆု၊ Hillfield STrathallan College McMaster University Award for Industrial Design Technology ၂၀၀၄ မှ ၂၀၀၆ထိ ဆက်ရို့က် ဆုရခရေ။ McMaster's LEAP Robotics Program ပြိုင်ပွဲတွင် သူခေါင်းဆောင်ရေ အသင်းရေ ပထမရခပြီးကေ အသင်းသားအားလုံး ကနေဒါငွေ၃ထောင် စကော်လာရှစ်ရဟိခ ကတ်ရေ။ သူရေ Waterloo's Rim Robotic's Challenge တွင် အသင်းခေါင်းဆောင်လည်း ဖြစ်ရေ။

အဖိုးဧအကူညီနန့်ကလေးဘဝမှစတင်ပြီးကေ ရထား၊ ကားလေးတိ ကိုယ်ရို့င် တီထွင်ခရေ။ သူငယ်စဉ်အခါတွင် သူဧအဖိုး အင်ဂျင်နီယာ Werner ဧစက်ပစည်း တီထွင်မှုတွင် စိတ်ဝင်စားစွာ ဝင်ရောက် တည်ဆောက်ခရေ။ ယင့်ချင့်ကြောင့် စက်ပစည်း သံထည် မက်ကင်းနီကယ် တည်ဆောက်မှုတွင် ကလေးဘဝမှစပနာ ရင်းနှီးခပေရေ။ သူဧအဖိုး ၂၀၀၄ တွင် ကွယ်လွန်ရေအခါ အဖိုးဧဝပ်ရှော့ ကလေးကို အပိုင်ရသနန့်အဖိုး ပျိုးထောင် ပီးခရေ အမွေအနှစ်တိနန့်အောင်မြင် ရကြောင်း သိဟိရရေ။

ယူနိုဆိုင်ကယ်ကို တီထွင်ရခြင်းမှာ ၂၀၀၆ တွင် တရုတ်ပြည်သို့ အလည်လားရာမှ ဆိုင်ကယ်တိဧဆိုးကျိုးတိနန့်မီးခိုးထွက်ခြင်းတိကြောင့် ပုံစံသစ် ထွင်လိုရေစိတ်တိပေါ်ခလေရေ။ ဝန်ကျဉ်းပြီးကေ စရိတ်သက်သာကာ သိမ်းဆည်းလွယ်ရေ ဆိုင်ကယ်ကို တီထွင်ခကြောင်းသိဟိရရေ။

ပြင်ပလင့်ခ်တိ

• www.scitechontario.org
• www.innovationcanada.ca
• www.scitechontario.org