Wp/rki/ယင်လုံ အိမ်သာ

အိမ်သာရေ ယင်မလုံပဲ ယင်နန့် မစင်ထိတွေ့နီပါက ယင်ကောင်မှ တစ်ဆင့် ဝမ်းနန့် ပတ်သက်သည့် ရောဂါတိ ကူးစက်ပြန့်ပွားနိုင်ရေ။ အိမ်သာအသုံးပြုပြီးတိုင်း အိမ်သာခွက် ဇလားကို ရီဖြင့် စင်ကြယ်စွာ ဆေးကြောမှု မဟိကေ အိမ်သာ မသန့်ယှင်းပါ။ စနစ်မကျရေ အိမ်သာတိ၊ သန့်ယှင်းမှု မဟိရေ အလေ့အကျင့်တိကို ပြောင်းလဲပြင်ဆင်လေ့ကျင့်ကေ ကျန်းမာရီးအတွက် အကျိုးဟိရေ။ ရပ်ရွာထဲတွင် ယင်မလုံအိမ်သာတစ်လုံးဟိရုံဖြင့် တစ်ရွာလုံးတွင် ယင်မှတစ်ဆင့် ဝမ်းနန့် ပတ်သက်ရေ ရောဂါတိ ကူးစက်ပြန့်ပွားနိုင်သဖြင့် ယင်မလုံရေ အိမ်မှ အိမ်သာကို ယင်လုံအောင် ပြုပြင်ရန် ရပ်ရွာထဲမှ လူတိုင်းတွင် တာဝန်ဟိရေ။

ယင်မလုံရေ အိမ်သာဖြစ်ရခြင်းဧ အကြောင်းအရင်းတိ

မြေပေါ် အိမ်သာတိတွင် မစင်ကို တွင်းထဲသို့ မစွန့်နိုင်သဖြင့် ယင်မလုံပါ။ တွင်းတည့်အိမ်သာဖြစ်ကေလည်း တွင်းနန့် အိမ်သာကိုယ်ထည် အကြားတွင် လွတ်နီပါက ယင်မလုံပါ။ တွင်းလွှဲအိမ်သာတိတွင် တွင်းအဖုံး မလုံပါက ယင်မလုံပါ။

တွင်းတည့်အိမ်သာကို ယင်လုံအောင်ပြုပြင်နည်း

တွင်းနန့် အိမ်သာကိုယ်ထည်ကြားတွင် လွတ်နီပြီး ယင်မလုံပါက အောက်ပါနည်းအတိုင်းပြုပြင်နိုင်ရေ။ - ပုံဝင်ရန် - သစ်သားခုံ၊ ဝါးခွေချပြီး ပြုပြင်ရန် မတတ်နိုင်ပါက တွင်းပက်လက်ကို ဖြေဖို့ ဘောင်ပြုလုပ်ကာ အိမ်သာကိုယ်ထည်နန့် တစ်စပ်တည်းဖြစ်အောင် ဖို့နိုင်ရေ။ အိမ်သာတွင်းထဲသို့ ယင်ဝင်နိုင်သည့်နီရာ လမ်းမဟိစေရန်သာဖြစ်ရေ။ ့

တွင်းလွှဲအိမ်သာတွင် မစင်လားလမ်းဇလား သို့မဟုတ် ရီလားလျှောက် ယင်မလုံကေပြုပြင်နည်း

တွင်းလွှဲအိမ်သာတွင် မစင် စွန့်ပစ်ရန် သစ်သားဇလားကို အသုံးပြုပြီး ပက်လက် ယင်မလုံ ဖြစ်နီပါက အောက်ပါအတိုင်းပြင်ဆင်နိုင်ရေ။ - ပုံဝင်ရန် -

တွင်းလွှဲအိမ်သာတွင် တွင်းအဖုံး လုံအောင်ပြုပြင်နည်း

တွင်းလွှဲအိမ်သာတွင် တွင်းဟိကေလည်း အဖုံးမဟိ၊ အဖုံးမလုံပါက ယင်ကောင်တိ မစင်တွင်းအထဲ ဝင်ရောက်ပေါက်ပွားခြင်းဖြင့် ရောဂါကူးစက် ပြန့်ပွားနိုင်ရေ။ ယင်းကြောင့် တွင်းကို အဖုံးလုံအောင် ဖုံးရမည်။ ယင်ဝင်နိုင်လောက်သည့် အပေါက်မဟိအောင် အမြဲတမ်း စစ်ဆေးပြုပြင် ဖို့ထားရမည်။ ယခင်က ယင်လုံအိမ်သာဖြစ်သည့်တိုင် မိုးရာသီအတွင်း မိုးရီဒဏ်ကြောင့်ဖြစ်စေ၊ ရီတိုက်စားလို့ ဖြစ်စေ တွင်းပြိုခြင်း၊ တွင်းအဖုံးတိကျွံကျခြင်း၊ တွင်းအဖုံးမလုံခြင်းကြောင့် ရီဝင်ခြင်းတိ ဖြစ်ပေါ်နိုင်ရေ။ သို့ဖြစ်ရေကြောင့် မိုးကုန်ရေနန့် အိမ်သာအတွင်းကို စစ်ဆေးပြီး ယင်မလုံပါက ယင်လုံအောင် ချက်ချင်း ပြုပြင်ရန် လိုအပ်ရေ။ တွင်းလွှဲအိမ်သာတွင် တွင်းအဖုံးမလုံပါက အောက်ပါနည်း အတိုင်းပြုပြင်နိုင်ရေ။ - ပုံဝင်ရန် -

အိမ်သာခွက်တွင် အဖုံးတပ်ခြင်းဖြင့် ယင်လုံအောင်ပြုပြင်ခြင်း

တွင်းတည့် အိမ်သာဖြစ်စေ၊ တွင်းလွှဲအိမ်သာဖြစ်စေ အိမ်သာခွက်တွင် အဖုံး မပါကေ ယင်နန့် မစင်ထိတွိ့နိုင်ပြီး ရောဂါကူးစက်ပြန့်ပွားနိုင်ရေ။ အိမ်သာခွက်တွင် လက်ကိုင်ပါရေ အဖုံးတပ်ဆင်ပါ။ လက်ကိုင်ရေလည်း အနည်းဆုံး ၂ ပေမှ ၃ ပေ အထိ လက်ကိုင်အရိုးကို တပ်ဆင်ခြင်းဖြင့် အန္တရာယ်ကင်း ပါရေ။ အရီးကြီးသည့်အချက်မှာ တပ်ဆင်လိုက်ရေ အိမ်သာခွက်အဖုံးရေ အိမ်သာအပေါက်ကို လုံခြုံစွာ ဖုံးအုပ်နိုင်ရမည်။ ယင်မဝင်နိုင်အောင် လုံရမည် ဖြစ်ရေ။

ယင်လုံအောင် ပြုပြင်ထားခြင်းကြောင့် ရဟိနိုင်သည့် အကျိုးတိ

ယင်ကောင်နန့် မစင် ထိတွေ့နိုင်ခြင်း မဟိတော့ခြင်း၊ မစင်မှ ရောဂါပိုးတိ ယင်ကောင်တွင် ကပ်ပါလာကာ ယင်နားရေ အစာထဲသို့ ဝင်ရောက်နိုင်ခြင်း မဟိတော့ပါ။ အိမ်သာတွင်းထဲတွင် ယင်ပေါက်ပွားနိုင်ခြင်း မဟိတော့ပါ။ ယင်လုံစွာနန့်အမျှ အနံ့လည်း လုံလားမည် ဖြစ်ရေ။

ယင်လုံအိမ်သာ ဆောက်လုပ်နည်းတိ

အိမ်သာရေ အိမ်နန့် နီးလီ အလွယ်တကူ သုံးနိုင်လီဖြစ်ရေ။ ထို့အပြင် ရီထွက်ပင်ရင်းနန့် အိမ်သာ ဝီးလီ ရီညစ်ညမ်းမှုကို ကာကွယ်နိုင်လီဖြစ်ရေ။

တွင်းတည့် အိမ်သာဆောက်လုပ်နည်း

တွင်းတည့်အိမ်သာဆိုကေ အိမ်သာကြမ်းခင်းစေ့အောင် ခင်းဖို့လိုရေ။ ယင်မဝင်နိုင်အောင် ပြုလုပ်ရန်လိုရေ။ ရီလောင်းစရာမလို၊ တုတ်၊ စက္ကူသုံးပြီး တွင်းထဲသို့ ပစ်ချကေရရေ။ ယကေလည်း အနံ့ရေ မစင်စွန့်ပေါက်မှ ပြန်ထွက်လာနိုင်သဖြင့် အနံ့ဆိုးကို ရှုရှိုက်ရရေ။ အနံ့ဆိုးသက်သာစေရန် အနံ့ထွက်ပိုက်ကို တပ်ဆင်ရရေ။

တွင်းလွှဲ ရီလောင်းအိမ်သာဆောက်လုပ်နည်း

တွင်းလွှဲအိမ်သာတွင် ကြမ်းခင်းတိကို ခပ်ကြဲကြဲ ခင်းနိုင်ရေ။ အနံ့သက်သာပြီး သန့်ယှင်းသပ်ရပ်ရေ။ ယကေလည်း ရီသုံးရန်လိုရေ။ ရီဖြင့် အိမ်သာဇလားကို ဆေးရမည်။ မစင်ဆေးမည့် ရီတံလျှောက်(ပိုက်) ပျက်ကေ ပြန်ပြီး ပြုပြင်ရန် လိုရေ။ အိမ်သာဇလားခွက်ကို အဖုံးဖုံးပါ။ သန့်ယှင်းစွာ အမြဲဆေးကြောပါ။ အိမ်သာအခင်းကို သစ်၊ ဝါးရို့ဖြင့် စေ့အောင်ခင်းပါ။ အခင်းကြဲနီကေ ယင်ဝင်နိုင်ရေ။ ဝါးကပ်၊ ထန်းလက် စရေဖြင့် နှစ်သက်ရာ ရွေးချယ်ပြီး ကာရန်ပါ။ အိမ်သာပေါက်ကို လက်ကိုင် တပ်ထားရေ အဖုံးဖုံးပါ။ အိမ်သာတွင်း ခိုင်ခန့်မှုဟိရန် ဝါးခွေနှစ်ထပ်ချပါ။ အိမ်သာတွင်း အကျယ်နန့် အနက်ကို တစ်နိုင်တူးပါ။ ယကေလည်း မိသားစုတစ်စုရေ လေးနှစ်ခန့် လုံလောက်စွာ အသုံးပြုနိုင်သည့် အိမ်သာဖြစ်ရန်လိုအပ်ရေ။ ထို့အပြင် အနံ့ထွက်ပိုက် တပ်ရန်လည်း လိုအပ်ရေ။

ပလပ်စတစ် အိမ်သာခွက်ဖြင့် အိမ်သာဆောက်လုပ်နည်း

ပလစ်စတစ်အိမ်သာခွက်ရေ ရီရှည်ခံရေ။ တပ်ဆင်ရ လွယ်ကူရေ။ သန့်ယှင်းရန် လွယ်ကူရေ။ ဆောက်လုပ်ရာတွင် အိမ်သာကျင်း အနက် ၈ ပေ၊ အကျယ် ၃ ပေ ဟိရန်လိုအပ်ရေ။ အဝိုင်း သို့မဟုတ် လေးထောင့်ကျင်း တူးနိုင်ရေ။ တူးပြီးရေ ကျင်း မပြိုစေရန် ဒေသနည်းစနစ်ဖြင့် စီစဉ်ဆောင်ရွက်ပါ။ အုတ်၊ ဝါး၊ သစ်သား၊ ကျောက်တုံးတိကို ကျင်းကာအဖြစ် သုံးစွဲနိုင်ရေ။ အိမ်သာကျင်းကို လုံခြုံစွာဖုံးထားပါ။

ယင်လုံအိမ်သာအဖြစ် အဆင့်မြှင်ခြင်း ဆိုင်ရာအချက်အလက်တိ

ယင်လုံအိမ်သာအဖြစ် အဆင့်မြှင့်ခြင်းလုပ်ငန်းတိရေ မြန်မာနိုင်ငံတစ်ဝန်းလုံးတွင် ၂၃ ရာခိုင်နှုန်းအထိ တိုးတက်မှု ရဟိနိုင်ရေ။ ကျေးလက်ဒေသတိတွင် ၂၅ ရာခိုင်နှုန်းအထိ တိုးတက်မှု ရဟိနိုင်ရေ။ ပြည်နယ်နန့် တိုင်းဒေသကြီး ၈ ခုတွင် ၉၀ ရာခိုင်နှုန်းကျော်ခန့် တိုးတက်မှု ရဟိနိုင်ရေ။ အခြားပြည်နယ်နန့် တိုင်းဒေသကြီး ၈ ခုတွင် ၈၀ ရာခိုင်နှုန်းကျော်ခန့် တိုးတက်မှု ရဟိနိုင်ရေ။ ကရင်ပြည်နယ်၊ ရခိုင်ပြည်နယ်နန့် ရှမ်းပြည်နယ် အရှေ့ပိုင်းဒေသတိတွင်မှု အိမ်သာအသစ် တည်ဆောက်ရီးကို ပိုမိုပြီး အလီးထားသင့်ရေ။ ယင်းမှသာ အခြားပြည်နယ်နန့် တိုင်းဒေသကြီးတိဧ ယင်လုံအိမ်သာ အဆင့်မြှင့်တိုးတက်ရီး စီမံကိန်းစံနှုန်းတိကို အမီလိုက်နိုင်မည်ဖြစ်ရေ။

ကိုးကား

ယူနီဆက်ဧ ပံ့ပိုးမှုဖြင့် ဗဟိုကျန်းမာရီးပညာဌာန သန့်လေးသန့် စီမံချက်မှ ထုတ်ဝေသည့် လက်ကမ်းစာအုပ်ငယ်