Wp/rki/Wikipedia:မှတ်ပုံတင်ခြင်း
အသုံးပြုနာမည်တစ်ခုကို မှတ်ပုံတင်ခြင်း စွာ ရွီးချယ်စရာတစ်ခု ဖြစ်ပါရေ။ မှတ်ပုံတင်ရာမှာ သင့်နာမည်ရင်းနန့် ကိုယ်ရီးအချက်အလက်တိ ပီးဖို့ မလိုအပ်ပါ။
မှတ်ပုံမတင်ထားဆိုကေတောင်မှ မည်သူမဆို ဝီကီပီးဒီးယားမှာ ဝင်ရောက်ရီးသားနိုင်ပါရေ။ ယင်းတွက်နန့် အကောင့်တစ်ခု ပြုလုပ်ထားခြင်းက အောက်ပါ အကျိုးကျေးဇူးတိ ရနိုင်ပါရေ:
- ဆောင်းပါးသစ်တိကို ဖန်တီးနိုင်ခြင်း။
- အကောင့်တစ်ခု ပြုလုပ်ထားခြင်းက သင့်ကို ပြင်ဆင်ခွင့် ရွီးချယ်စရာတိနန့် အသုံးပြုသူအတွက် ရွီးချယ်စရာတိ အပါအဝင် အပို လုပ်ဆောင်ချက်တိ ရဟိမှာ ဖြစ်ပါရေ။ အသုံးတည့်ရေ လုပ်ဆောင်ချက်တစ်ခုက စောင့်ကြည့်စာရင်း ရာ ဖြစ်ပါရေ။ သူက သင်စိတ်ဝင်စားရေ စာမျက်နှာတိဧ့ အပြောင်းအလဲကို ထောက်လှမ်းပီးနိုင်ပါရေ။ နောက်တစ်ခုကတော့ စာမျက်နှာကို နာမည်ပြောင်းခြင်း ယပိုင်မဟုတ်ကေ ရွေ့ပြောင်းနိုင်ခြင်းရာ ဖြစ်ပါရေ။
- မှတ်ပုံမတင်ထားရေ အသုံးပြုသူကို သူ့ဧ့ ကွန်ပျူတာ အိုင်ပီလိပ်စာကနီ တစ်ဆင့် သိဟိနိုင်ပါရေ။ နောက်တစ်ခုက အိုင်ပီလိပ်စာစွာ ပြောင်းလဲနေတတ်ရေအတွက် မှတ်ပုံမတင်ဘဲ အသုံးပြုသူတိအတွက် လေးစားသမှုရနိုင်ဖို့ ခက်ခဲသလို အခြားတည်းဖြတ်သူတိအနေနန့် မှတ်တမ်းကောင်းကြည့်နိုင်ဖို့ ခက်ခဲပါရေ။ အလားတူ သူရို့မှာ ကိုယ်ပိုင်အသုံးပြုသူ စာမျက်နှာ မဟိရေအတွက် ဆွီးနွီးပြောဆိုချက်တိအတွက်လဲ အခက်အခဲဟိနိုင်ပါရေ။
- အချို့စာမျက်နှာတိမှာ တည်းဖြတ်ပြင်ဆင်နိုင်ဖို့ အလိုအလျောက် အတည်ပြုထားသူတိ ဖြစ်နေဖို့ လိုအပ်ပါရေ။ ဒီလိုဖြစ်ဖို့ မှတ်ပုံတင်ထားသူစွာ ဝီကီပီးဒီးယားမှာ အနည်းဆုံး လေးရက်သက်တမ်းဟိရမှာ ဖြစ်ပြီး တည်းဖြတ်မှု ဆယ်ကြိမ် အနည်းဆုံး ဟိရမှာ ဖြစ်ပါရေ။
- မှတ်ပုံတင်ထားရေ အသုံးပြုသူတိကရာ အက်ဒမင် ခေါ် စီမံခန့်ခွဲသူ အဖြစ် လုပ်ပိုင်ခွင့်ဟိပါရေ။
သင်မှတ်ပုံတင်ရေအခါ အသုံးပြုသူနာမည်နန့် စကားဝှက်ကို မမေ့ပါစီကေ့။ သင်က ဒီလိုမေ့တတ်ရေသူဆိုကေ မှတ်ပုံတင်အကောင့်ပြုလုပ်ချိန်မှာ အီးမေးလ်လိပ်စာကို သေချာ ထည့်သွင်းမိပါစေ။ ယင်းမှ စကားဝှက်အသစ်ကို ပြန်လည်ရယူနိုင်မှာ ဖြစ်ပါရေ။
ပိုပြီး သိဟိနိုင်ဖို့ ဇာကြောင့် အကောင့်ပြုလုပ်ဖို့လိုအပ်လဲ ကို ဖတ်ပါ။
ဇာပိုင်မှတ်ပုံတင်ဖို့လဲ edit
မှတ်ပုံတင်အကောင့်တစ်ခု ပြုလုပ်ဖို့ အပေါ်က စာကြောင်း ယပိုင်မဟုတ်ကေ စာမျက်နှာဧ့ ညာဖက်အပေါ်နားက အကောင့် ဖန်တီးရန် ကို နှိပ်ပါ။
အသုံးပြုနာမည်ကို ရွီးချယ်ပြီးစော်နန့် နာမည်ကို လွယ်လွယ်နန့် ပြန်ပြောင်းခွင့်မဟိပါ။ ယင်းကြောင့် အသုံးပြုနာမည် မရွီးချယ်မီ အသုံးပြုနာမည် မူဝါဒ ကို ဖတ်ရှုဖို့ အကြံပြုပါရေ။