မြေငူကျွန်းရေ ဘင်္ဂလားပင်လယ်အော်တွင်းတွင် တည်ဟိရေ ကျွန်းတစ်ခုဖြစ်ရေ။ ရခိုင်ပြည်နယ်တွင် ပါဝင်ရေ ကျွန်းတစ်ခုဖြစ်ပြီးကေ စစ်တွေမြို့ဧ့ တောင်ဘက် ၅ ကီလိုမီတာအကွာတွင် တည်ဟိပြီးကေ အရှေ့ဘက်ဟိ ပိန္နဲချောင်းကျွန်းနန့် ၂ ကီလိုမီတာခန့်ကျယ်ရေ ရေလက်ကြားနန့် ပိုင်းခြားထားရေ။
ပထဝီဝင် edit
မြေငူကျွန်းရေ ရခိုင်ပြည်ဟိ ဖရုံကာကျွန်းတိအနက် အနောက်ဘက် အစွန်ဆုံး ကျွန်းလည်းဖြစ်ရေ။ မြေငူကျွန်းရေ ၃၃ ကီလိုမီတာရှည်လျားကာ အကျယ်မှာ ၃.၈ ကီလိုမီတာခန့်ဟိရေ။ မြငူကျွန်းတွင် ရွာပေါင်း ၂၂ ရွာဟိရေ၊ ကျွန်းဧ့ တောင်ဘက်ပိုင်းတွင် ကုလားသိမ်ရွာနန့် မြောက်ဘက်ပိုင်းတွင် သဲခုံရွာရို့ တည်ဟိရေ။ ပြိုင်းတောင်ကျေးရွာအုပ်စု၊ပြိုင်းတောင်ကျေးရွာရေ မြေငူကျွန်းတွင် လူဦးရေအများဆုံးနီထိုင်ရေကျေးရွာဖြစ်ရေ။ ကျွန်းမြောက်ဖျားပိုင်း သဲခုံသောင်ပေါ်တွင် တည်ဟိရေ သဲခုံရွာရေ နှစ်စဉ် ပင်လယ်ရီ တိုက်စားမှုကြောင့် ရွာတည်နီရာ အကျယ်အဝန်းမာ ဖြည်းဖြည်းချင်း တိုက်စားရီ မြုတ်လာနီရေ။ မြေငူကျွန်းအား အရှေ့နန့် အနောက်ကို တောင်တန်းမှနီရာယူထားရေ ကျွန်းဧ့ တောင်ပိုင်းနန့် မြောက်ပိုင်းကို ကုန်းလမ်းခရီးဖြင့် လားလာနိုင်ရန်အလို့ငှာ မြေသားလမ်း ဖောက်လုပ် ဆောင်ရွက်လျက်ဟိရေ။ ကျွန်းဧ့ အရှေ့ဘက်တွင် ရွာချင်းစပ်ဖေါက်လုပ်ထားရေမြေသားလမ်း မဟိရေအတွက်နန့် ရီလမ်းသာ အသုံးပြုနီရရေ။