ဒေသသမိုင်းအကျဉ်း
editမြင်းလွှတ်ကျေးရွာအုပ်စုရေ မောင်တောမြို့နယ်ဧ့ တောင်ဘက် တွင် တည်ဟိရေကျေးရွာအုပ်စုတစ်ခုဖြစ်ပါရေ။ နိုင်ငံတော်အကြီးအကဲ တိဧ့ခရီးစဉ်တိတွင် အုပ်ချုပ်ရီးယန္တရားပိုမိုကောင်းမွန်စေရီး အတွက် မြို့အဖြစ်ဖွဲ့စည်းနိုင်ရန် လမ်းညွှန်မှာကြားခမှုကြောင့် လုပ်ထုံး လုပ်နည်းအညီ အဆင့်ဆင့်ဆောင်ရွက်ခပါရေ။ မြင်းလွှတ်ကျေးရွာ အုပ်စုအား ပြည်ထဲရီးဝန်ကြီးဌာန (၂-၂-၂၀၁၆) ရက်စွဲပါအမိန့်ကြော်ငြာ စာအမှတ် (၂၉၉/၂၀၁၆)၊ မြင်းလွှတ် မြို့အဖြစ် မြို့ပေါ်ရပ်ကွက်(၈)ရပ်ကွက် ဖြင့် စတင်ဖွဲ့စည်းခပါရေ။
တည်နီရာအကျယ်အဝန်း
editမြင်းလွှတ်မြို့ရေ မြန်မာနိုင်ငံအနောက်ဘက်အစွန်ဆုံးတွင် တည် ဟိသည့် မောင်တောမြို့နယ်ဧ့ တောင်ဘက်(၁၇)မိုင်အကွာတွင် အရှေ့ လောင်ဂျီတွဒ် (၉၂)ဒီဂရီ(၃၀)မိနစ်(၄၈)စက္ကန်နန့် (၉၂) ဒီဂရီ (၃၃)မိနစ် (၁၅)စက္ကန်ကြား၊ မြောက်လောင်တီတွဒ် (၂၀)ဒီဂရီ (၃၀) မိနစ်(၄၁) စက္ကန် နန့် (၂၀)ဒီဂရီ(၃၁)မိနစ်(၅၉)စက္ကန်ကြားတွင် တည်ဟိပါရေ။ မြို့ဧရိယာ စုစုပေါင်းမှာ (၉၉၇၈)ဧက၊ စတုရန်းမိုင်ပေါင်း (၇.၀၀) စတုရန်းမိုင် ဖြစ်ပါရေ။
နယ်နိမိတ်
editမြင်းလွှတ်မြို့ဧ့ အရှေ့ဘက်တွင် မေယုတောင်တန်း၊ အနောက် ဘက်တွင် ဘင်္ဂလားပင်လယ်အော်၊ တောင်ဘက်တွင် မောင်တော မြို့နယ်၊ ကျောက်ပန္ဒူ ကျေးရွာအုပ်စု၊ မြောက်ဘက်တွင် ကျောင်းတောင် ကျေးရွာ အုပ်စုနန့် သပြေတောကျေးရွာအုပ်စုရို့ တည်ဟိပါရေ။
မြေမျက်နှာသွင်ပြင်
editမြင်းလွှတ်မြို့ရေ တောင်ကုန်းတောင်တန်း၊ မြေပြန့်လွင်ပြင်တိ နန့် မြစ်ချောင်းတိဖြင့် ပေါင်းစပ်တည်ဟိပါရေ။ မြို့အတွင်းဟိ တောင် တန်းတိမှာ မြောက်မှတောင်သို့ သွယ်တန်းလျက်တည်ဟိပါရေ။
ရီဆင်း
editမင်းလွှတ်မြို့တွင် (၂)မိုင်ခန့်ရှည်ရေမြင်းလွှတ်ချောင်းနန့် (၁)မိုင် ခန့်ရှည်ရေ မြောချောင်းချောင်း (၂)ခုဟိပြီး ယင်းချောင်းတိမှာ အရှေ့ တောင်နန့်အနောက်သို့စီးဆင်းကာ ဘင်္ဂလားပင်လယ်အော်ထဲသို့စီးဝင်နီပါရေ။
ပင်လယ်ရေမျက်နှာပြင်အထက်အမြင့်
editမြင်းလွှတ်မြို့ရေ ပင်လယ်ရေမျက်နှာပြင်အထက်အမြင့်ပေ ပျမ်းမျှ (၁၀)ပေတွင်ဟိပြီးမြို့ဧ့မြောက်ဘက်တွင် ပေ(၅၀၀)ခန့်ဟိရေ တောင်တန်းတိဟိပါရေ။