မြ ရေ မျက်ရွှဲ (ခေါ်) ဘယ်ရယ် အုပ်စုဝင် တွင်းထွက်ကျောက် အမျိုးအစားတစ်ခုဖြစ်ရေ။ ဓာတုဗေဒဖွဲ့စည်းမှုအနိန်နန့် ဘယ်ရယ်လီယံ အလူမီနီယံ ဆီလီကိတ် တွင် ခရိုမီယံဒြပ်စင် စကေ့ချေ ပါဝင်နီခြင်းဖြစ်ပြီး မာဆင့်အနိန်နန့် ၇.၅ ဟိရေ။ သိပ်ရေးဆ ၂.၇၁ ဟိကြပြီး ဖန်ရောင်လက်တောက်ပမှုမျိုးဟိကြကာ ပုံဆောင်စနစ်မှာ ဆဌဂုဏ်စနစ်ဖြစ်ရေ။ တွဲဖက်ပါဝင်ရေဓာတုဒြပ်စင်အမျိုးအစားကွဲပြားပေါ်မူတည်ပနာ ပတ္တမြား၊ နီလာ ရို့ပိုင့်ပင် အရောင်တိပြောင်းလဲ ခြားနားလားတတ်ကြခြင်းဖြစ်ရေ။[1]
- အရောင်မဲ့= ဂိုရှန်နိုက်( Goeshenite)
- အစိမ်းရောင်= မြ (Emerald)
- အပြာဖျော့ရောင်=မြပြာ(ခေါ်)အကွာမရင်း (Aquarmarine)
- အဝါရောင်= ဟီလီယိုဒေါ (Heliodor)
- ပန်းရောင်= မော်ဂန်နိုက် (Morganite)
- အနီရောင်= ဘိဇ်ဘိုက် (Bixbite)
ကျောက်သားအနေအထား
editမြ ၊ မျက်ရွှဲ အုပ်စုဝင်တိဧ ထူးခြားရေကျောက်သားအနေအထားမှာ မာဆင့်မြင့်မားကေလည်း အလွန်ကြွတ်ဆတ်အတွက်နန့် အလွန်ပင် ကျိုးပဲ့လွယ်လွန်းခြင်းဖြစ်ရေ။ ထို့အပြင် ကျောက်သားအတွင်းတွင် အခြားရေအောင်းဝင်တိ တိပြားစွာ ပါဝင်လေ့ဟိတတ်အတွက်နန့် ကြည်လင်ရေကျောက်မျက်ရတနာတန်းဝင်သည့် ကျောက်ကောင်းတိ ရှားပါးတတ်ရေ။
ထွက်ဟိရာ ဒေသတိ
editရတနာတန်းဝင် မြကျောက်ထွက်ဟိရာ နိုင်ငံတိမှာ ကိုလံဘီယာနိုင်ငံ ၊ ဘရာဇီးနိုင်ငံ ၊ ဇင်ဘာဘွေနိုင်ငံ ၊ ဇမ်ဘီယာနိုင်ငံ ၊ တန်ဇင်းနီးယားနိုင်ငံ ၊ ပါကစ္စတန်နိုင်ငံ ၊ ရုရှားနိုင်ငံ နန့်အိန္ဒိယနိုင်ငံ ရို့ဖြစ်ကတ်ရေ။ မြန်မာ့ ကျောက်မျက်ရတနာဈေးကွက် အတွင်းတွင် နာမည်ကျော်လူကြိုက်တိရေသီတာမြ (ခေါ်) အရည်အသွီးအကောင်းဆုံးရေမြ တိမှာ ကိုလံဘီယာနန့်ဘရာဇီးနိုင်ငံတိမှ အဓိက ထွက်ဟိခြင်းဖြစ်ရေ။
- မြန်မာနိုင်ငံရေ တန်ဖိုးကြီးကျောက်မျက်ရတနာတိ ထွက်ဟိရာတွင် နာမည်ကျော်ကြားရေလည်း မျက်ရွှဲအုပ်စုဝင်ကျောက်တိအနက် အပြာရောင် မြပြာ(ခေါ်)အကွာမရင်း သာ အတိဆုံး ထွက်ဟိရေကို တွိ့ရပြီး အခြားရေအရောင်ဟိသည့် မျက်ရွှဲအုပ်စုဝင်ကျောက်တိ လည်းစကေ့ချေစီ ထွက်ဟိလေ့ဟိသည့်တိုင် အစိမ်းရောင် မြ မှာမူ ထွက်ဟိခြင်းမဟိကြောင်း သိဟိရရေ။
ကျမ်းကိုး
edit- ↑ "Emerald at Mindat". Mindat.org. July 19, 2010. Archived from the original on July 12, 2010. Retrieved July 30, 2010.