Wp/rki/မာသာ ထရီဆာ

< Wp‎ | rki
Wp > rki > မာသာ ထရီဆာ

မာသာ ထရီဆာ (Saint Teresa of Calcutta ကာလကတ္တားမြို့မှ စိန့်ထရီဆာ) (၂၆ ဩဂုတ် ၁၉၁၀ - ၅ စက်တင်ဘာ ၁၉၉၇) ဧ့ မူရင်းနာမည်မှာ အဂ္ဂနက်စ် ဂွန်ရှာ ဘိုဂျာရှား(Agnes Gonxha Bojaxhiu) ဖြစ်ရေ။[1] အယ်ဘေးနီးယားလူမျိုး တစ်ဦးဖြစ်ပြီး [2][3] ယခင်ယူဂိုးဆလာဗီးယားနိုင်ငံ၊ င ၁၉၁၀ခုနှစ်၊ ဩဂုတ်လ၊ ၂၆ရက်နိက ဖွားမြင်ရေ။ အိန္ဒိယနိုင်ငံသား[4] ကက်သလစ် ခရစ်ယာန် သီလသျှင် တစ်ပါးဖြစ်ရေ။ အသက် ၁၈နှစ်အရွယ်တွင် ဘာသာရီးဟောပြောပွဲတိ တက်ရောက်ခရာမှ ခရစ်ယာန်ဘာသာသို့ အပြီးအပိုင်ဝင်ရောက်ကာ သာဿနာအကျိုးပြုလုပ်ငန်းတိတွင် ဇောက်ချထမ်းဆောင်တော့ရေ။ ၁၉၂၈ခုနှစ်တွင် Sister of Our Lady of Loretor သီလသျှင်အသင်းသို့ ဝင်ရောက်ရေ။ ၁၉၂၉တွင် အိန္ဒိယနိုင်ငံ၊ ဒပ်ဗလင်မြို့အနီးဟိ ခရစ်ယာန်ကျောင်းတိုက် တစ်ခုတွင် ဘာသာရီးသင်တန်းတိ တက်ရောက်ခရေ။ ထိုနောက် သီလသျှင်အဖြစ် ခံယူကာ ကိုလ်ကတ္တားမြို့ဟိ စိန့်မေရီ အထက်တန်းကျောင်းတွင် ၁၇နှစ်တိုင်တိုင် စာပေသင်ကြားပို့ချခရေ။

မာသာ ထရီဆာ
အပြာစင်းနန့် အဖြူရောင်ခေါင်းပေါင်း ဝတ်ဆင်ထားရေ မာသာ ထရီဆာ
မွီးသက္ကရာဇ်Agnes Gonxhe Bojaxhiu
(1910-08-26)ဩဂုတ် ၂၆၊ ၁၉၁၀
Üsküb၊ အော့တမန် အင်ပိုင်ယာ (ဂု Skopje၊ မြောက်မက်စီဒိုးနီးယားနိုင်ငံ)
ပျောက်ဆုံး
ကွယ်လွန်စက်တင်ဘာ ၅၊ ၁၉၉၇(1997-09-05) (အသက် ၈၇)
အိန္ဒိယနိုင်ငံကာလကတ္တားမြို့
ထာဝရ နားခိုရာနီရာ
နိုင်ငံလူမျိုးအိန္ဒိယနန့် အယ်လ်ဘေးနီးယား
လူမျိုးအယ်လ်ဘေးနီးယား
ဘွဲ့Superior General
နောက်လူNirmala Joshi


သူမရေ ၁၉၅၀ တွင် ကာလကတ္တားမြို့၌ သာသနာပြုအသင်းကို ထူထောင်ခရေ။ ၄၅ နှစ်တာ ကာလအတွင်း မိဘမဲ့ကလေးတိ၊ ဆင်းရဲနွမ်းပါးသူတိ၊ နာမကျန်းသူတိအား ကြည့်ရှုစောင့်ရှောက်ခပိုင် သာသနပြုအသင်း တိုးချဲ့နိုင်ရီးအတွက် ဦးစီးဦးဆောင်ပြုခရေ။ သူမကွယ်လွန်ပြီးနောက် ပုပ်ရဟန်းမင်းကြီး ဂျွန်ပေါ ဒုတိယ က Blessed Teresa of Calcutta (ကောင်းချီးပီးခံရသူ ကာလကတ္တားမှ ထရီဆာ) ဘွဲ့ကို အပ်နှင်းခရေ။[5][6] အိန္ဒိယအစိုးရက မာသာထရီစာဧ့ အသုဘအခမ်းအနားအား နိုင်ငံတော် ဈာပနာအဆင့်ဖြင့် ကျင်းပခပြီး နိုင်ငံများစွာရို့မှ အကြီးအကဲတိလာရောက်ခကတ်ပြီး ဝမ်းနည်းကြောင်း ဖော်ထုတ်ပြောကြားခကတ်ရေ။

၁၉၇၀ ပြည့်နှစ်တိတွင် Malcolm Muggeridge ရီးသားသည့် Something Beautiful for God စာအုပ်ကြောင့် မာသာ ထရီဆာရေ ဆင်းရဲနွမ်းပါးသူနန့် အကူအညီလိုအပ်သူတိအား လူသားချင်း စာနာထောက်ထားရန် ဆော်ဩသူ အဖြစ် နိုင်ငံတကာတွင် နာမည်ကျော်ကြားလာရေ။ သူမဧ့ ပရဟိတ လုပ်ငန်းတိကြောင့် ၁၉၇၉ ခုနှစ်တွင် ငြိမ်းချမ်းရီး နိုဘယ်ဆုကိုလည်းကောင်း၊ ၁၉၆၂ခုနှစ်တွင် အိန္ဒိယနိုင်ငံဧ့ ပက်ဒမာရှာရီ ဆု ကိုလည်းကောင်း၊ ၁၉၈၀ ခုနှစ်တွင် အိန္ဒယနိုင်ငံဧ့ အမြင့်ဆုံး ဂုဏ်ထူးဆောင် ဘာရတ် ရတနာ(Bharat Ratna) ဆုကို ရဟိခရေ။

ကိုးကား

edit
  1. "Blessed Mother Teresa". (2007). Encyclopædia Britannica. Retrieved 4 July 2010.
  2. Spink, Kathryn (1997). Mother Teresa: A Complete Authorized Biography. New York. HarperCollins, pp.16. ISBN 0-06-250825-3.
  3. "Mother Teresa of Calcutta (1910–1997)". Vatican.va. Retrieved 2010-08-24.
  4. "Mother Teresa | Humanitarian". Lucidcafe.com. Archived from the original on 24 July 2010. Retrieved 2010-08-24.
  5. Associate Press. (14 October 2003). "Full house for Mother Teresa ceremony Archived 17 October 2003 at the Wayback Machine.". CNN. Retrieved 30 May 2007.
  6. "Blessed Mother Teresa". (2007). Encyclopædia Britannica. Retrieved 30 May 2007.