ဒေသသမိုင်းအကျဉ်း edit
တောင်ကုတ်မြို့နယ်၊ မအီမြို့နယ်ခွဲအား ပြည်ထဲရီးဝန်ကြီး ဌာနဧ့ (၁-၄-၂၀၀၄) ရက်စွဲပါ အမိန့်ကြော်ငြာစာအမှတ်၊ ၁၀၀/၂၄-၄၆/ ဦး ၁ အရ လည်းကောင်း၊မအီမြို့ကို(၁-၄-၂၀၀၄)ရက်စွဲပါအမိန့် အမှတ်၊ ၁၀၀/၂၂-၃၅၄/ ဦး ၁ အရ ဖွဲ့စည်းခွင့်ပြုခပြီး မြို့နယ်ခွဲဖွဲ့စည်းချိန်တွင် ရပ်ကွက်(၄)ခု၊ ကျေးရွာအုပ်စု (၁၀)အုပ်စု၊ ကျေးရွာ (၆၇)ရွာဖြင့် စတင်ဖွဲ့စည်းခပါ ရေ။ မအီမြို့ရေ တောင်ကုတ်မြို့နယ်ဧ့မြောက်ဘက်စွန်းဟိ မအီချောင်းတံတားနန့် ကပ်လျက် မအီချောင်းဝဲယာတည်ဟိပါရေ။ မအီချောင်းကိုအစွဲပြု၍ မအီမြို့ဟုခေါ်တွင်ခြင်း ဖြစ်ပါရေ။ မအီမြို့အနီးဟိစကားတောင်ဘုရားကျောက်စာတွင် ဤဘုရားကို ကောဇာသက္ကရာဇ် ၈၁၃ ခုနှစ်တွင် တည်ရေဟု ဖော်ပြထားပါရေ။ ယင်းသက္ကရာဇ်မှာ ရခိုင်ပြည်ကြီး ပထမမြောက်ဦးခေတ်၊ ဒုတိယမြောက်ဘုရင် (နရနုမင်းခရီ)လက်ထက် ဖြစ်ပါရေ။မြောက်ဦးခေတ်တွင် နန်းတွင်းညီလာခံ စာရင်းအရ(မအီစား)မှာညီလာခံ၌လက်ဝဲဘက် အလယ်တန်းတွင်ထိုင်ရကြောင်း သိရပါရေ။ သို့ဖြစ်ပါ၍ မအီမြို့ ရေ ပထမမြောက်ဦးခေတ်မတိုင်မီ တည်ဟိ ခရေ ဟုခန့်မှန်းနိုင်၍ နှစ်ပေါင်း ၆၀၀ ကျော်ခန့်ဟိမည်ဟု ... ယူဆရပါရေ။
ပထဝီဝင် အနီအထား edit
မအီမြို့ရေရခိုင်ပြည်နယ်တောင်ပိုင်းတွင် တည်ဟိပြီး အရှေ့လောင်ဂျီ တွဒ် ၉၄ ဒီဂရီ ၁၈ မိနစ်၊ ၃၃.၉၉ စက္ကန့် နန့် ၉၄ဒီဂရီ ၂၀မိနစ် ၃၁.၃၈စက္ကန့်အကြား၊ မြောက်လတ္တီတွဒ် ၁၉ ဒီဂရီ ၃၀ မိနစ် ၃၃.၂ စက္ကန့် နန့် ၁၉ ဒီဂရီ ၃၈ မိနစ် ၃၀ စက္ကန့်အကြားတွင် တည်ဟိပါရေ။ အရှေ့မှအနောက်သို့ (၁.၃၀)မိုင် ၊ တောင်မှ မြောက်သို့ (၁.၄၅) မိုင် ရှည်လျားပါရေ။
နယ်နိမိတ် edit
မအီမြို့ဧ့ မြောက်ဘက်တွင် တောင်ကုတ်မြို့နယ်၊ ဂျီဖြူ တောင်ကျေးရွာ အုပ်စု၊ အရှေ့ဘက်တွင် တောင်ကုတ်မြို့နယ်၊ လက်ပန်ကျေးရွာအုပ်စု၊ တောင်ဘက် နန့်အနောက်ဘက်တွင် တောင်ကုတ်မြို့နယ်၊ သဒွန်ကျေးရွာအုပ်စုရို့နန့် နယ်နိ မိတ်ချင်း ထိစပ်နီပါရေ။
မြေမျက်နှာသွင်ပြင် edit
မအီမြို့ရေ ပင်လယ်ရေမျက်နှာပြင်အထက်(၁၈)ပေ အမြင့်တွင်တည်ဟိ ပါရေ။ မအီမြို့အနီး ဇီးဇန်တောင်မှာ အရှေ့မှအနောက်ဘက်သို့ သွယ်တန်းလျက် ဟိပြီး အမြင့်ပေမှာ (၁၁၀၀)ခန့်ဟိပါရေ။
ရေဆင်း edit
မအီမြို့ဟိ မအီချောင်းမှာ မြို့အား အရှေ့မှအနောက်သို့ ဖြတ်သန်းစီးဆင်းလျှက်ဟိပါရေ။
ပင်လယ်ရေမျက်နှာပြင်အထက်အမြင့် edit
မအီမြို့ရေ ပင်လယ်ရေမျက်နှာပြင် အထက် ပျမ်းမျှအမြင့် (၁၈) ပေဟိပါရေ ။