မယ်လမင်း (အင်္ဂလိပ်: Melamine) ဆိုရေမှာ ဓာတုပစ္စည်းတစ်မျိုး ဖြစ်ရေ။ ၎င်းတွင် နိုက်ထရိုဂျင်ဓာတ် ပမာဏ ၆၆% ပါဝင်ရေ။ မယ်လမင်းမှာ မီးင်ကျွမ်းပါက နိုက်ထရိုဂျင်ဓာတ်ငွေ့တိ ထွက်လာတတ်ပြီး စက်မှုလုပ်ငန်း အမျိုးမျိုးအတွက် အသုံးပြုသည့် ဓာတုပစ္စည်း ဖြစ်ရေ။ မယ်လမင်းရေ cyanuric အက်စစ်နန့် ပေါင်းမိပါက လူ့ကျန်းမာရီးအား ဥပဒ်ဖြစ်စေသည့် melamine cyanurate အဖြစ် ပြောင်းလဲလားရေ။ တရုတ်ပြည်ဧ နို့ထွက်ပစ္စည်းတိတွင် ယင်းဓာတ်ဝတ္တုတိကို တွိ့ဟိခရရေအတွက်နန့် ပြဿနာတိစွာ ဖြစ်ပေါ်ခရေ။ နို့မှုန့်တွင် ပရိုတင်းပါဝင်သကဲ့သို့ မယ်လမင်းတွင်လည်း နိုက်ထရိုဂျင် ပါဝင်ရေ ပရိုတင်းတိပါဝင်ရေ။ ၎င်းရို့ကို စားသုံးမိပါက အန္တရာယ်ဖြစ်စေနိုင်ရေ။ ကမ္ဘာ့ကျန်းမာရီးအဖွဲ့ (WHO) ဧ စံသတ်မှတ်ချက်အရ မယ်လမင်းဓာတ်မှာ လူကြီးတစ်ဦးအတွက် (2.5mg/kg) နန့် ကလီးတစ်ဦးအတွက် (1mg/kg) သာ ခံနိုင်ရည်ဟိကြောင်း ထုတ်ပြန်ထားရေ။
၂၀၀၈ ခုနှစ်တွင် တရုတ်နိုင်ငံမှ နို့မှုန့်တိတွင် မယ်လမင်းပါဝင်ရေကြောင့် ကလီးငယ်တိစွာ အန္တရာယ်ဖြစ်ခပြီး မယ်လမင်းပြဿနာအား တစ်ကမ္ဘာလုံးမှ အာရုံစိုက်ခကတ်ရေ။
အသုံးပြုပုံ
editမယ်လမင်းအား formaldehyde နန့် ပေါင်းစပ်ဓာတ်ပြုကာ melamine resin ကိုလည်းကောင်း၊ အပူချိန်အလွန်ခံနိုင်ရေ ပလတ်စတစ်ကိုလည်းကောင်း၊ မယ်လမင်းအမြုပ်အား အသုံးပြုကာ polymeric သန့်စင်ပစ္စည်းကိုလည်းကောင်း ထုတ်လုပ်နိုင်ရေ။ ထိုကုန်ကြမ်းတိအား အသုံးပြုကာ ဖိုင်ဘာတိ၊ ကော်တိ၊ ပန်းကန်ခွက်ယောက်တိ၊ အိမ်သုံးပစ္စည်းတိ၊ မီးခံပစ္စည်းတိ ထုတ်လုပ်ရေ။ မယ်လမင်းတွင် ဖိုင်ဘာဓာတ်တိလည်း ပါဝင်ရေအတွက်နန့် ခံနိုင်ရည်အလွန်ကောင်းရေ ကွန်ကရိ ပြုလုပ်ရာတွင် အသုံးပြုကတ်ရေ။ နိုက်ထရိုဂျင်ပါဝင်မှု ကောင်းရေကြောင့် ဓာတ်မြေဩဇာတိ ပြုလုပ်ရာတွင်လည်းသုံးရေ။[1]
အန္တရာယ်
editမယ်လမင်းရေ လုပ်ငန်းတိစွာတွင် အသုံးချနိုင်ကေလည်း အတိအပြားစားသုံးမိပါက အလွန်အန္တရာယ် ဟိလီရေ။ မယ်လမင်းကြောင့် အဓိကထိခိုက်သည့် ခန္ဓာကိုယ်အစိတ်အပိုင်းမှာ ကျောက်ကပ်ဖြစ်လီရေ။ မယ်လမင်း အစာလမ်းကြောင်း ထဲဝင်ရောက်ပါက ကျောက်ကပ်တွင်ကျောက်တည်ကာ ကျောက်ကပ်ပြွန်တိ ပိတ်လားတတ်ရေ။ လူနာမှာအလွန်ပင် နာကျင်မှုကို ခံစားရပြီး ဆီးမလားနိုင်တော့ပဲ ကျောက်ကပ်တိ ယောင်ရမ်းလာရေ။ ကျောက်ကပ်ထဲမှ ကျောက်အား ထုတ်ယူနိုင်ကေပင် ကျောက်ကပ်မှာတော့ နာလားရေ။ သေဆုံးနိုင်ရေအထိပင် အန္တရာယ်ဟိလီရေ။
တရုတ်နိုင်ငံမှ ပြဿနာ
editတရုတ်နိုင်ငံမှ နို့မှုန့်တိတွင် မယ်လမင်းပါဝင်ရေကြောင့် ကလီးငယ်တိ ဒုက္ခရောက်ခကတ်ပြီးကေ ထိုပြဿနာရေ တစ်ကမ္ဘာလုံးသို့ ရိုက်ခတ်ခလီရေ။ တရုတ်နိုင်ငံအခြီစိုက် နယူးဇီလန်နန့် ဖက်စပ်ကုမ္ပဏီ sanlu (သမင်သုံးကောင်) အုပ်စုမှထုတ်ရေ နှို့မှုန့်တိတွင် မယ်လမင်းပါဝင်ကြောင်း အိုလံပစ်ပြိုင်ပွဲမတိုင်မှီ ဩဂုတ်လကတည်းက စစ်ဆီးတွိ့ဟိခခြင်းဖြစ်ရေ။ စက်တင်ဘာလတွင် တရုတ်ကလီးငယ် လီးယောက်သေဆုံးခရပြီး ကလီး ၆၀၀၀ ကျော် ကျောက်ကပ်တိ အနာဖြစ်ကာ ဆီးရုံတင်ကုသခရရေ။ တရုတ်နိုင်ငံတစ်ဝန်းလုံးမှ နို့မှုန့်တံဆိပ် ၇၀ နီးပါးတွင် အန္တရာယ်ဖြစ်စေရေ ဓာတုပစ္စည်း မယ်လမင်းဓာတ်တိ ပါဝင်နိကြောင်း အစိုးရပိုင် CCTV ရုပ်မြင်သံကြားဌာနက သတင်းထုတ်ပြန်ခရေ။
နို့မှုန့်ထဲထည့်ရခြင်းအကြောင်း
editမယ်လမင်းအား နို့မှုန့်ထဲ ထည့်ရခြင်းအကြောင်းမှာ မယ်လမင်းအမှုန့်တိကို ရောထည့်ခြင်းအားဖြင့် နို့မှုန့်ပမာဏကို လျီာ့ချနိုင်ခြင်းကြောင့်ဖြစ်ရေ။ မယ်လမင်းအမှုန့်တိရေ အနံ့မဟိရေကြောင့် သာမန်ကြည့်ရှုခြင်းအားဖြင့် မသိဟိနိုင်ပေ။ မယ်လမင်းမှုန့်ရေ နို့မှုန့်တိထက် ဈေးသက်သာရေအတွက်နန့် စီးပွားရီးသမားတိမှ တွက်ခြေကိုက်စီရန်အသုံးပြု ခြင်းလည်းဖြစ်ရေ။ နှို့မှုန့်တွင် ပရိုတင်းဓာတ်ပါဝင်သကဲ့သို့ မယ်လမင်းတွင်လည်း နိုက်ထရိုဂျင်ပါဝင်ရေ ပရိုတင်း တိပါဝင်ရေကြောင့် ပရိုတင်းကြွယ်ဝစီရန် အသုံးပြုရေဟုလည်း ဆိုကတ်ရေ။
မြန်မာနိုင်ငံ အခြီအနိ
editအိမ်နီးချင်း တရုတ်နိုင်ငံမှ နို့မှုန့်တိအား မြန်မာနိုင်ငံအတွင်းသို့ အများအပြားတင်သွင်းရေအတွက်နန့် မြန်မာနိုင်ငံအတွင်း ဝင်ရောက်လာရေ နို့မှုန့်တံဆိပ်တိနန့် ပြည်တွင်းထုတ် နို့မှုန့်တံဆိပ်တိအားလည်း အစိုးရမှစစ်ဆီးခရေ။ အောက်တိုဘာ ၁၀ ရက်နိတွင် တံဆိပ်ကိုးမျိုးအား မယ်လမင်းပါဝင်ရေကြောင့် ရောင်းချတင်သွင်းခွင့် ပိတ်ပင်ခရေ။ နာမည်ကြီး ဈေးဆိုင်ကြီးတိကလည်း အဆိုပါတံဆိပ် နို့မှုန့်တိအား ပြန်လည်အပ်နှံပါက ငွေပြန်အမ်းမည်ဟု ကြေညာခရေ။ အမှတ် (၁) စက်မှုဝန်ကြီးဌာန၊ မြန်မာ့ဆီးဝါးနန့် အိမ်သုံးပစ္စည်းလုပ်ငန်း၊ မြန်မာနိုင်ငံ ဆီးဝါးစက်ရုံ ရန်ကုန်မှ အောက်တိုဘာ ၅ ရက် မှ ၁၆ ရက်အတွင်း ဈေးကွက်တွင် ရောင်းချနိသည့် နို့မှုန့် ၆၂ မျိုးကိုစမ်းသပ်စစ်ဆီးခပြီး မယ်လမင်းမပါဝင်သည့် နို့မှုန့်အမျိုးအစား ၃၅ မျိုးအား စမ်းသပ်တွိ့ဟိထားကြောင်း ပြည်တွင်းမီဒီယာတိတွင် ဖော်ပြခရေ။ ယကေလည်း ထိုတွိ့ဟိချက်တိအားလည်း အမြဲယုံကြည်စိတ်ချပနာမဖြစ်ကြောင်း၊ တစ်လတစ်ကြိမ်ခန့် စစ်ဆီးလားရန်လိုကြောင်း အဆိုပါဌာနမှ တာဝန်ဟိသူက ပြောကြားခရေ။ မြန်မာနိုင်ငံတွင် တရုတ်နိုင်ငံကဲ့သို့ ဆီးရုံတက်ကုသရသည့် ကလီးငယ်မဟိကြောင်း အစိုးက သတင်းထုတ်ပြန်ခရေ။[2] [3]
အကိုးအကား
edit- ↑ အင်္ဂလိပ် ဝီကီမှ
- ↑ 7 Day News Journal
- ↑ The voice weekly journal