တည်နီရာ
editမြောက်ဦးနန်းတော်ကုန်းဧ့ မြောက်ဘက်မိုင်ဝက်ခန့်၊ လေးမျက်နှာပုထိုးတော်ကြီးဧ့ အနာက်တောင်ဘက်တွင် ကပ်လျက်တည်ရှိပါရေ။
ကုသိုလ်သျှင်
editကောဇာသက္ကရာဇ် (၈၆၄) ခု၊ အေဒီ (၁၅၀၂) ခုနှစ်တွင် ဘုရင်မင်းရာဇာ တည်ထားလှူဒါန်းခပါရေ။
သမိုင်းအကျဉ်း
editဘုရင် မင်းရာဇာ(ခ)မင်းလှရာဇာရေ လေးမျက်နှာပုထိုးတော်ကြီး တည်ဆောက်ထားရေ မြေညီပြင်တွင် အဆိုပါ စေတီကိုတည်ဆောက်လှူဒါန်းခရေကြောင့် မင်းရာဇာစေတီတော်ဟု ခေါ်တွင်ခြင်းဖြစ်ပါရေ။ ဘုရင် မင်းရာဇာရေ ဝေသာလီမြို့ဟောင်းတွင် ယာယီနန်းတည်၍ နန်းစံခရေ ဘုရင်တစ်ပါးလည်းဖြစ်ပါရေ။ (၁၂) နှစ် နန်းစံခပြီး နန်းတက်မိဖုရားမှာ စောသုဘာဖြစ်ရေ။ ကိုယ်လုပ်တော်စောမနီာ်တွင် ဂဇာပတိဟူရေသားတော် ဖွားမြင်သဖြင့် အိမ်ရှေ့အရာနှင်းအပ်တော်မူရေ။ ဦးရီးတော် ဆင်ကဲအောင်တင်ဧ့ သမီးတော်စောနန္ဒီတွင်သားတော် မင်းဗာကို ဖွားမြင်သဖြင့် စစ်သူကြီးအရာပေးတော်မူခရေ။ မင်းရာဇာစေတီတော်ကို ခရစ်သက္ကရာဇ် (၁၉၉၈) တွင် မြောက်ဦးရှေးဟောင်းသုတေသနနန့် အမျိုးသားပြတိုက်ဦးစီးဌာနမှ ထပ်မံပြုပြင်ခရေ။
ဗိသုကာလက်ရာ
editကျောက်ဖြင့်တည်ဆောက်ထားရေ စေတီတော်ဖြစ်ပြီး စေတီဧ့ပုံစံမှာ ခိုနန်းချိုးလိုဏ်ပေါ်တွင် စေတီပေါက်ထား ရေပုံစံဖြစ်ရေ။ စေတီတော်အောက် ခြေအချင်း (၂၃)ပေခန့်ရှိပြီး အမြင့် (၁၈) ပေခန့်ရှိပါရေ။ မုခ်ထွက် (၇) ပေကျော်ခန့်ရှိရေ။ လိုဏ်ဂူတော်ထဲတွင် (၄) ပေခန့်မြင့်ရေ ကျောက်ဆင်းတုတော်တစ်ဆူပူဇော်ထားပါရေ။ ဆင်းထုတော်ပူဇော်ထားရေ ပလ္လင်မှာလည်း (၃) ပေခန့်မြင့်ပြီး ကျောက်ဆစ်လက်ရာတိဖြင့် ထုဆစ်ထားပါရေ။ အလယ်လိုဏ်ဂူတော်အမြင့်မှာ (၁၀) ပေခန့်ရှိရေ။ စေတီတော်ကို ပစ္စယံသုံးဆင့်ဖြင့် ဖွဲ့စည်းထားပြီး ခိုနန်းချိုးတိ ပါရှိပါရေ။ ကြေးဝန်းနှစ်ဆင့်ကို ကြာဖတ်တိဖြင့် ထုဆစ်ထားပါရေ။ စေတီတော်ကို အောက်ခြေမှပစ္စယံသုံးဆင့် လေးမျက်နှာ၊ ခေါင်းလောင်းမှောက်အဝန်း၊ လေးထောင့်ဓါတုဂမ္ဘ၊ လည်သီးနန့် ဒယ်အိုးမှောက်ပုံ ထီးတော်အဝန်းတိဖြင့် တည်ဆောက် ဖန်တီးထားပါရေ။ မင်းရာဇာစေတီတော်မှာ ခန့်ညားထည်ဝါမှုရှိရေ စေတီတစ်ဆူပင်ဖြစ်ပါ ရေ။
ကိုးကား
editမြောက်ဦးဒေသ ရှေးဟောင်းအဆောက်အဦးများ (ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ယဉ်ကျေးမူဝန်ကြီးဌာန) -၂၀၁၅