Wp/rki/ဘူမိရူပဗေဒ

< Wp‎ | rki
Wp > rki > ဘူမိရူပဗေဒ

ကမ္ဘာမြီကြီးဧ အတွင်းပိုင်း လိလာခြင်း

edit

လူရို့မျက်စိဖြင့် မမြင်မတွိ့နိုင်ရေကမ္ဘာမြီကြီးဧ အတွင်းပိုင်းကို လက်တွိ့လိလာ စမ်းသပ်နည်းတိဖြင့် အရီးကြီး ရေသတ္တု၊ ရေနံစရေရို့ကို ယှာဖွီလျက်ဟိကတ်ရေ။ ဘူမိရူပဗေဒရေ မျက်မှောက်ခေတ်တွင်မှ ပေါ်ပေါက်လာကေလည်း အရီးကြီးရေဘာသာရပ်အနိန်နန့် နိုင်ငံကြီးတိတွင် လိလာလျက်ဟိကတ်လီရာ။

ဘူမိရူပဗေဒ ဆိုစွာမှာ ရူပဗေဒဧ သဘောတရားတိကို အသုံးပြုပနာ အကျွန်ရို့နီထိုင်ရေ ကမ္ဘာမြီကြီးအကြောင်းကို လိလာရေသိပ္ပံပညာဖြစ်ရေ။ ဒေပညာရေ ဘူမိဗေဒနန့်ရူပဗေဒပညာ နှစ်ရပ် ပေါင်းစပ်ပနာ ပေါ်ထွက်ရေပညာဖြစ်ပနာ အထက်ပါ သိပ္ပံပညာ နှစ်ရပ် စလုံးပင် အကျုံးဝင်နေရေ။ ကမ္ဘာမြီကြီးဧ နက်နဲလှရေ အကြောင်းအရာတိကို လက်တွိ့စမ်းသပ်ချက်တိဖြင့် ပိုမို နားလည်အောင် ပြုလုပ်ခြင်းရေ ဘူမိရူပဗေဒပညာပင် ဖြစ်ပေ ရေ။


ဘူမိဗေဒပညာရပ်ရေ ကမ္ဘာမြီကြီးဧ ခက်ခဲနက်နဲ မှုကြောင့် ရှေးအရင်အခါက စာဖြင့်ရေးသားဖော်ပြနိုင်ရေသိပ္ပံ ပညာအဖြစ်နန့်သာ ဖွံ့ဖြိုးလာခရေ။ အခြားတစ်ဘက်မှာ ကြည့်မည်ဆိုကေရူပဗေဒပညာရေ အင်အားနန့်စွမ်းအင်တိ အကြောင်းကို လိလာရေဘာသာရပ်ဖြစ်အတွက်နန့် လက်တွိ့သိပ္ပံပညာအဖြစ် တိုးတက်လာပေရေ။ ဂုအချိန်မှာ ဆိုကေဘူမိဗေဒပါရဂူတိရေ ကမ္ဘာမြီအကြောင်းကို အတော်အတန် နက်နက်နဲနဲ သိလာကြပြီးဖြစ်ပနာ ယင်းရို့ဧ ယူဆချက် အတွေးအခေါ်တိကို လက်တွိ့စမ်းသပ်ပနာ အထောက် အထားပြုရန် လိုအပ်လာပြီဖြစ်ရာ၊ ရူပဗေဒ ပါရဂူတိဧ လက်တွိ့စမ်းသပ်ချက်တွင် ကျွမ်းကျင်မှုကို အသုံးပြုလာ ကတ်ရေ။ ဘူမိရူပဗေဒရေ ဒေပိုင့်ပြန့်ပွား လာရေသိပ္ပံပညာတစ်ရပ် ဖြစ်ရေ။ အမေရိကန် ဘူမိဗေဒအသင်းကြီးရေ ဘူမိဗေဒ ပညာကို အောက်ပါအတိုင်း ၈ မျိုး ခွဲခြားထားရေ။

  1. မိုးလေဝသပညာ - လေအကြောင်း သိပ္ပံပညာ၊
  2. ဥဒကဗေဒ - မြေပေါ်မြေအောက်ဟိ ရေတိအကြောင်း လိလာရေသိပ္ပံပညာ၊
  3. အဏ္ဏဝဗေဒ - ပင်လယ်သမုဒ္ဒရာတိ အကြောင်းလိလာသေ သိပ္ပံပညာ၊
  4. မီးတောင်ပညာ - မီးတောင်နန့်သက်ဆိုင်သမျှကို လိလာရေသိပ္ပံပညာ၊
  5. ဘူကမ္ပဗေဒ - ငလျင်လှုပ်ခြင်းနန့်အခြားမြေကြီးဧ တုန်လှုပ်ခြင်းအကြောင်းတိကို လိလာသေ သိပ္ပံပညာ၊
  6. ဘူမိသံလိုက်ဗေဒ - ကမ္ဘာမြီကြီးဧ သံလိုက်ဓာတ်၊ လျှပ်စစ်ဓာတ်တိအကြောင်း လိလာ ( မြေဧသံလိုက်ရေသိပ္ပံပညာ၊ဓာတ်ပညာ )
  7. မြေခုံးတိုင်းပညာ - ကမ္ဘာမြီဧ ပုံပန်းသဏ္ဌာန်နန့်ဒြဗ်ဆွဲအား အကြောင်း လိလာရေသိပ္ပံ ပညာ၊
  8. တက်တိုနိုရူပဗေဒ - ကျောက်စိုင်ကျောက်ခဲတိ ပုံသဏ္ဌာန် ပြောင်းလဲခြင်း၊ ရိုးမတောင်တန်းတိ ပေါ်ပေါက်ခြင်း၊ ကမ္ဘာမြီမြင့်တက်ခြင်း နိမ့်ဆင်း ခြင်းရို့ဧ အကြောင်းအရာကို

လိလာရေသိပ္ပံပညာ၊

အထက်ပါ ဘာသာရပ်တိ အားလုံးကို ဘူမိဗေဒပညာ လိလာသူတစ်ဦးရေ အားလုံးကုန် မလိလာ နိုင်ပေ။ ပထမ ၃ ဘာသာရေ ကျယ်ပြန့်လွန်းပနာ သီးသန့်ဘာသာ တစ်ရပ် စီအဖြစ်ဖြင့် လိလာကြရရေ။ ကျန်ဟိရေဘာသာရပ်တိ ကိုမူ တိရေအနိန်နန့် ဘူမိရူပဗေဒဧ ဘာသာရပ်တိဟု ယူဆကာ လိလာခြင်း ပြုကြလီရေ။

ဘူမိရူပဗေဒရေ လူရို့ဧ မျက်စိဖြင့် မမြင်နိုင်ရေ ကမ္ဘာမြီဧ အတွင်းပိုင်းကို အဓိကအနိန်နန့် လိလာရေ။ ကမ္ဘာမြီဧ အတွင်း၌ ဇာပိုင်ရေဓာတ်သတ္တု၊ ကျောက်ခဲ တိဟိသနည်း။ ထိုဓာတ်သတ္တု၊ ကျောက်ခဲတိရေ အခဲလိုက် ဟိသလော၊ အရည်လော သို့မဟုတ် ကတ္တရာစေးပိုင့်စေးပျစ် နေသလော စရေ ဖြင့် လူရို့အတွက် မသိသိမ်းရေ အကြောင်းအရာတိကို သွယ်ဝိုက်ရေနည်းဖြင့် သိနိုင်ရန် ကြိုးစားခြင်းပင် ဖြစ်ရေ။ ယင့်အပြင် ကမ္ဘာမြီဧ ပုံသဏ္ဌာယန်၊ အတိုင်းအတာ၊ အဝန်းနန့်အလေးချိန်တိကို တွက်ဆခြင်း ရေလည်း ဘူမိရူပဗေဒပညာတွင် အကျုံးဝင်လီရေ။

ပမာအနိန်နန့် ကမ္ဘာမြီဧ သံလိုက်ဓာတ်ရေ နှစ်ပေါင်းတိစွာအတွင်း ဇာပိုင်ပြောင်းလဲရေကို လိလာ ခြင်းဖြင့် ကမ္ဘာမြီဧအတွင်း၌ ဓာတ်သတ္တုတိ ဇာပိုင် ပေါင်းစပ်နေရေကို ခန့်မှန်းနိုင်ရေ။ မြေငလျင်လှုပ်ခြင်းကို လိလာပနာ ကမ္ဘာမြီအတွင်း၌ အလွှာတိရေ ဘယ်နှစ်လွှာ ဟိရေကို ခန့်မှန်းတွက်ဆနိုင်ရေ။ ကမ္ဘာရေ ဘောလုံး ပိုင့်မလုံးဘဲ လိမ္မော်သီးပိုင့်ဝင်ရိုးစွန်းနှစ်ဘက်တွင် စကေ့ချေ ပြားချပ်နေကြောင်းကို သိလာရေ။

ထိုလိလာချက်တိမှ ထွက်ပေါ်ရဟိရေနည်းရို့ကို တိုးတက်ထွန်းကား လာစေပနာ ထိုလိလာနည်းတိဖြင့် လူရို့ အတွက် အရီးကြီးရေသတ္တု၊ ရေနံစရေ ယှာဖွီရာတွင် အသုံးပြုရေ။ ဘူမိရူပဗေဒနည်းဖြင့် သတ္တု၊ ရေနံယှာဖွီခြင်း ရေ ဂုအခါ ကမ္ဘာပေါ်တွင် အလွန်ပင် အသုံးတွင်လျက် ဟိရေ။ ဘူမိဗေဒ သတ္တု၊ ရေနံရှာသည့်နည်း ပင်ရင်း ဘူမိဗေဒပညာထက်ပင် တိုးတက်ပြန့်ပွားလာပနာ ယင်းကို ဂုအခါ အလွန်အရီးကြီး ရေဘာသာတစ်ရပ်အနိန်နန့် ကမ္ဘာရှေ့ဆောင် တိုင်းပြည်ကြီးတိတွင် လိလာလျက်ဟိကြ ရေ။

ဘူမိရူပဗေဒ သတ္တု၊ ရေနံယှာဖွီနည်းကို အောက်ပါအတိုင်း ၄ မျိုး ၄ စား ခွဲခြားနိုင်ရေ။

၁။ ဒြဗ်ဆွဲအားကို အသုံးပြုပနာ ရှာနည်း။

edit

ဒေနည်းရေ ကမ္ဘာဧ ဒြဗ်ဆွဲအား ပြောင်းလဲပုံကို လိလာခြင်းဖြင့် မြေအောက် ၂ မိုင် ၃ မိုင်ခန့်တွင် မည်သည့်ကျောက်တိ ဇာပိုင်တည်ဟိနီဖို့ကို ခန့်မှန်း နိုင်ရေ။

၂။ သံလိုက်ဓာတ်အားကို အသုံးပြုပနာ ရှာနည်း။

edit

ဒေနည်းရေ ကမ္ဘာဧ သံလိုက်ဓာတ် ပြောင်းလဲပုံကို လိလာခြင်းဖြင့် မြေအောက်၌ သံလိုက် သတ္တု မဟိကို ခန့်မှန်း နိုင်ရေ။

၃။ မြေကြီးကို တုန်လှုပ်စေခြင်းဖြင့် ယှာဖွီနည်း။

edit

ဒေနည်းရေ ပေ ၁ဝဝ ခန့်နက်ရေတွင်းခေါင် ထဲ၌ ဒိုင်းနမိုက် ( ယမ်းဘီလူး ) ထည့်ဖောက်ခြင်းဖြင့် မြေ ကြီးကို တုန်လှုပ်စေကာ၊ ထိုဗဟိုနီရာမှ ဖြာထွက်လာရေ တုန်ခါလှိုင်းတိကို မြေပေါ်တွင် ဖမ်းယူလိလာ ခြင်းဖြင့် မြေအောက်ဟိ ကျောက်လွှာတိ အကြောင်းကို တွက်ဆခန့်မှန်း နိုင်ရေ။

၄။ လျှပ်စစ်ဓာတ်အား အသုံးပြုပနာ ယှာဖွီနည်း။

edit

ကမ္ဘာမြီဧ မူလလျှပ်စစ်ဓာတ်အား ပြောင်းလဲပုံကို လိလာခြင်းဖြင့် လည်းကောင်း၊ မြေပေါ်မှ မြေအောက်သို့ လျှပ်စစ်ဓာတ်တိ လွှတ်ပနာ ပြန်လည်ဖမ်းယူကာ လိလာခြင်း ဖြင့် လည်းကောင်း ဓာတ်သတ္တုတိ ဟိမဟိကို ခန့်မှန်းတွေးဆ နိုင်ရေ။

ယင့်ချင့်ကြောင့် နိဂုံးချုပ်အနိန်နန့် ဘူမိရူပဗေဒပညာရေ အလွန်ပင် ကျယ်ပြန့်လှရေ။ သိပ္ပံပညာရပ် အနေနန့်လိလာ ရာတွင်လည်း ဘူမိဗေဒနန့်ရူပဗေဒပညာ နှစ်ခုစလုံး လိလာ ရပနာ စိတ်ဝင်စားဖွယ် ကောင်းရေ။ ရေနံ၊ သတ္တုယှာဖွီရာ တွင်လည်း အသုံးဝင်ခြင်းကြောင့် စီးပွားရေးသမားဖြစ်သည့် သတ္တုတွင်း ရေနံတွင်း ယှာဖွီ သူတိကို အထောက်အပံ့ အကူအညီ ဖြစ်စေပနာ ပိုမိုစိတ်ဝင်စားဖွယ် ကောင်းလီရေ။[1]

ကိုးကား

edit
  1. မြန်မာ့စွယ်စုံကျမ်း၊ အတွဲ(၈)