ဖပ်ဇီလောဂျစ် (Fuzzy logic) ဆိုစွာမှာ တန်ဖိုးအတိအပြားကို ရည်ညွှန်း ဖော်ပြရေ လောဂျစ် အမျိုးအစား တစ်မျိုးဖြစ်ရေ။ တန်ဖိုးအသေထားခြင်း နန့်အတိအကျ မဟုတ်ဘဲ ခန့်မှန်းတန်ဖိုးနန့်သုံးသပ်ရရေ နီရာတိတွင် ဖပ်ဇီ လောဂျစ်ကို အသုံးပြုကတ်ရေ။ ပုံမှန် အသုံးပြုနီကတ်ရေ ဘိုင်နရီ လောဂျစ် ပိုင့်ရေ အမှား နန့်အမှန် သို့ သုည နန့်တစ် တန်ဖိုး နှစ်ခုတည်းသာ ဟိရေ လောဂျစ်တိမှ ကွဲပြားခြားနားစွာပင် ဖပ်ဇီလောဂျစ် တွင် သုည နန့်တစ် ကြားတွင် တန်ဖိုး အမျိုးမျိုး ဟိနိုင်ရေ ကိန်းရှင်တိ ဟိရေ။ ဖပ်ဇီ လောဂျစ်ကို တဝက်တပျက် သာမှန်ပြီးကေ တန်ဖိုးမှာ လုံးဝ မှန်ခြင်း နန့်လုံးဝမှားခြင်း ကြားတွင် ဟိရေ လောဂျစ်တိကို ကိုယ်တွယ်ဖြေရှင်းနိုင်ရန် အတွက် အသုံးချရန် လိုအပ်ရေ။
ဖပ်ဇီလောဂျစ်ကို ၁၉၆၅ တွင် လော့တ်ဖီ ဇေဒါ (Lotfi Zadeh) မှ ဖပ်ဇီ ဆက် သီအိုရီ (fuzzy set theory) ကို အဆိုပြုရာမှ အစပြုခရေ။ ဖပ်ဇီလောဂျစ်ကို ထိန်းချုပ်မောင်းနှင်မှု ဆိုင်ရာ သီအိုရီ မှ အစပြုပနာ ဉာဏ်တု အထိ နယ်ပယ် အမျိုးမျိုးတွင် အသုံးပြုလျက် ဟိကေလည်း အငြင်းပွားစရာ ကိစ္စတစ်ခု ဖြစ်နေသေးရေ။