ဒိုရာအဲမွန်း ၊ အင်္ဂလိပ်: Doraemon) စွာ ဖူဂျီကို အက်ဖ် ဖူဂျီအို ရီးသား ရုပ်ပြဆွဲရေ အလွန်ထင်ယှာ လူသိများပနာ ကလေးတိစွာ အထူးနှစ်သက်ရေ နာမည်ကြီး ဂျပန်ကာတွန်းစာအုပ်အတွဲတစ်ခု ဖြစ်ရေ။ အဆိုပါ ဇာတ်လမ်းတွဲတိစော် ကာတွန်းအန်နီမေးရှင်းနယ်ပယ်နန့် ဖျော်ဖြေရီးကဏ္ဍတိတိုင်အောင် အောင်မြင်ခလီရေ။ ဇာတ်လမ်းမှာမူ နိုဘိ နိုဘိတ (Nobi Nobita) နာမည်ဟိ ကောင်ကလေးကို ကူညီပီးနိုင်ရန် ၂၂ ရာစုမှ အချိန်ခရီးလားခြင်းနန့် ပြန်နာရောက်ရှိလာသူ အပြာနုရောင်ဟိ စက်ရုပ်ကြောင်ချေ ဒိုရာအဲမွန်း၏ အကြောင်း ဖြစ်ရေ။
ဇာတ်လမ်း edit
နိုဘီတနန့် အတူနီထိုင်သူ အဓိကဇာတ်ကောင် ဒိုရာအဲမွန်း ၊ ကိုယ်ပိုင်စွမ်းရည်နန့် ကကောင်းမလုပ်ကိုင်တတ်အတွက်ကြောင့် အခက်အခဲ တစ်ခုမဟုတ်တစ်ခု ကြုံတွေ့ကာ၊ ဒိုရာအဲမွန်းပါး အကူအညီတောင်းပနာ ဒိုရာအဲမွန်းဧ ဝမ်းဗိုက်ဟိ ရတနာအိတ်ကပ်အတွင်းက လျှို့ဝှက်ပစ္စည်းကိရိယာတိကို အစပိုင်းတွင် ကကောင်းအသုံးပြုနိုင်ကေလည်း နောက်ပိုင်းတွင် ပြဿနာတက်ရပြန်သူ ကျောင်းသားချေ နိုဘိတ ၊ နိုဘိတဧ သူငယ်ချင်း ဖြစ်ရေ ကောင်မချေရှိဇုက စသူရို့၏ သင်ခန်းစာယူဖွယ် ပျော်ရွှင်ကြည်နူးဖွယ် ရယ်ရွှင်ဖွယ် အံ့ဩဖွယ် ဇာတ်လမ်းတိုတိ ဖြစ်ကတ်ရေ။ ရုပ်မြင်သံကြားဇာတ်လမ်းတွဲတိမှာ အပိုင်းစဉ်အလိုက် အဆက်ဆက် ပြသခြင်း မဟုတ်ကေလည်း ဖြစ်ရပ်တစ်ခုကို တစ်ပုဒ်နှုန်းနန့် ပြသခြင်း ဖြစ်ရေ။ အနာဂတ်သို့ ခရီးလားခြင်း ၊ အတိတ်ကာလသို့ ပြန်လားခင်းရို့က မဖြစ်နိုင်ကေလည်း ကလေးတိ ကကောင်းကြိုက်နှစ်သက်ကတ်လီရေ။