ဒေါက်တာညိုထွန်းအောင်ကို အဖရွှေပန်းထိမ်ဆရာဦးဖြူလှအောင် (ရှောက်ချောင်းကျေးရွာ)နှင့်အမိဒေါ်အောင်မြနု(လိပ်ခမော်အုပ်စု၊ ပြင်ရှည်ကျေးရွာ)ရို့ကနီပြီးကေ ရခိုင်ပြည်၊ ကျောက်ဖြူမြို့ဆေးရုံကြီးမှာမတ်လ (၄) ရက်နိ၊ ၁၉၈၁ ခုနှစ်၌ မွေးဖွားသန့်စင်ပီးခပါရေ။
| ဒေါက်တာညိုထွန်းအောင် | |
|---|---|
 | |
| မွေးနာမည် | ဇော်မျိုးသက် |
| မွီးဖွား | မတ်ချ်လ ၄၊ ၁၉၈၁ ကျောက်ဖြူမြို့၊ ရခိုင်ပြည် |
| သစ္စာခံနိုင်ငံ | ရက္ခိုင့်တပ်တော် |
| လက်နက်ကိုင်တပ် | ရက္ခိုင့်တပ်တော် |
| အမှုထမ်း ကာလ | ၂၀၀၉-လက်ယှိ |
| ရာထူးအဆင့် | ဗိုလ်မှူးကြီး |
| ကွပ်ကဲရေ ဌာန | ဒု-စစ်ဦးချုပ်၊ ရက္ခိုင့်တပ်တော် |
| တိုက်ပွဲ/စစ်ပွဲတိ | မြန်မာပြည်တွင်း ပဋိပက္ခ |
| ဝက်ဘ်ဆိုဒ် | www |
မွေးကင်းစမှစပြီးကေ လေးနှစ်ခန့်အထိကို ဇာတီတောင်ရပ်ကွက်၊ ဘောလုံးကွင်းနားက တာစပ်လမ်းတွင် ကြီးပြင်းခပနာ ယင်းနောက်မှာ အယှိပိုင်းရပ်ကွက်၊ ရုံးတက်လမ်း၊ အရပ(၁)ကို ပြောင်းရွိ့ နီထိုင်ခလူဖြစ်တေ။ ဗဒူးသား ဖြစ်ပြီးကေ မွေးစာရင်းမှာ ဇော်မျိုးသက်လို့ ဖော်ပြထားပါရေ။
အိမ်နန်ပါးချင်း ဆွီမျိုး မိသားစုတိက မောင်ရေလို့ခေါ်ကတေ။ ရက်ပြတ် ပြုံးပြုံးရွှင်ရွှင် ရီရီမောမော နီတတ်ယေအတွက်နန့် ဖြစ်ဖို့ထင်ရေ။ မွီးချင်း လေးယောက်မှာ ဒုတိယမြောက်သားကြီး ဖြစ်တေ။
ဝချေတန်းကနီ အဋ္ဌမတန်းအထိကို အလက(၂) မြို့မကျောင်း (ဂု ရွီသဘာဝစီမံကိန်းမှ ပျားရည်နန့် ဝမ်းချထားရေ အထက (ခွဲ) မြို့မ)မှာ ပညာသင်ကြားခရေ။ နဝမတန်းနန့် ဆယ်တန်းကို အထက(၁) မှာ သင်ကြားခပနာ ဆယ်တန်းကို သင်္ချာ ၊ သိပ္ပံ ၊ ဝိဇ္ဇာ ဂုဏ်ထူး (၃)ဘာသာဖြင့် ၁၉၉၉ ခုနှစ်တွင် အထက (၁)နီနာ အောင်မြင်ခရေ။
၁၉၉၈ ခုနှစ်တွင် ဆယ်တန်းစာမေးပွဲကို လေးဘာသာတည်းသာဖြေဆိုခပနာ နောက်ဆုံးဘာသာရပ်အားမဖြေခခြင်းမှာ သူ၏အချေဘဝကပင် ရည်မှန်းထားရေ ဆရာဝန်ဖြစ်ဖို့ ဆီးကျောင်း ဝင်ခွင့်အမှတ်လုံလောက်မှုမဟိမ့်ရေအတွက်ကြောင့် ဖြစ်တေလို့ သူ၏ ဆရာမတစ်ဦးမှ ပြောဖူးပါရေ။
ပညာရေးထူးချွန်ရေ ကျောင်းသား တစ်ယောက်ဖြစ်ပြီးကေ ဝချေတန်း၊ အလယ်တန်း၊ အထက်တန်းအဆင့်တိတွင် ပညာရည်ချွန်ထူးချွန်ဆုတိအပြင်ကဗျာ၊ စာစီစာကုံး ပြိုင်ပွဲအများကြီးတိမှာ မြို့နယ်အဆင့်၊ပြည်နယ်အဆင့်ဆုပေါင်းအများကြီး ရယှိခလူဖြစ်တေ။
မြောက်ဥက္ကာလပ၊ ဆီးတက္ကသိုလ် (၂) ရန်ကုန်တွင် ၁၂/၂၀၀၀ အပတ်စဉ်မှာ တက်ရောက်ခွင့်ရဟိမ့်ခပါရေ။ ၁၂/၂၀၀၀ အပတ်စဉ်စွာ ရခိုင်အပါအဝင်တိုင်းရင်းသားအချို့ ဆေး(၂)၌ နောက်ဆုံးတက်ခွင့်ရရေနှစ်ဖြစ်တေ။ ရန်ကုန်၊စံပြဆေးရုံ (သင်္ကန်းကျွန်း) ၌ House Surgeon အလုပ်သင်ဆရာဝန်ဆင်းခရေ။
ယင်းအချိန်မှာ ရက္ခိုင့်တပ်တော် AA အတွက် ရဲဘော်တိယှာဖွီပီးပို့ခြင်း နန့် UG လုပ်ငန်းတိမှာ ဦးဆောင်ညွှန်ကြားဆောင်ရွက်နီမှုတိကို စရဖ၊ SP တိမှ သိယှိလားရေအတွက် ဖမ်းဆီးဖို့လိုက်စဉ် တိမ်းရှောင်ပနာ တော်လှန်ရေးထဲကို အပြီးတိုင်ဝင်ရောက်ခပါရေ။
ရက္ခိုင့်တပ်တော် အပတ်စဉ် (၁) သင်တန်းတွင်တက်ရောက်ခပြီးကေ ဂုအချိန်တွင် ဗိုလ်ချုပ် ထွန်းမြတ်နိုင်နန့်အတူ ULA/AA ကို ဦးဆောင်ပနာ ရက္ခိုင့်အမျိုးသားတိ ရသင့်ရထိုက်ရေ အခွင့်အရွီး၊ အမျိုးသားတန်းတူရွီး၊ ကိုယ်ပိုင်ပြဌာန်းဆုံးဖြတ်ပိုင်ခွင့်၊ ဂုဏ်သိက္ခာဟိရေ ရက္ခိုင့်လူ့ဘောင်တစ်ခုကို ထူထောင်ရန်အတွက် ဦးဆောင်တိုက်ပွဲဝင်နီသူတစ်ဦးလည်းဖြစ်ပါရေ။ ရက္ခိုင့်တော်လှန်ရေးမျိုးဆက်ထဲက ရှားပါး ဆရာဝန် တစ်ဦးလည်းဖြစ်ပါရေ။
လက်ဟိ ရက္ခိုင့်တပ်တော် Arakan Army တွင် ဒု-စစ်ဦးချုပ် တာဝန် ကို ဗိုလ်မှူးကြီးအဆင့်ဖြင့် တာဝန်ထမ်းဆောင်နီ ရေအပြင် ရက္ခိုင်အမျိုးသားအဖွဲ့ချုပ် (United League of Arakan-ULA)တွင် အထွေထွေအတွင်းရေးမှုးတာဝန်ကို ယူထားလူလည်းဖြစ်ပါရေ။
၂၀၁၄ ရက္ခိုင့်အမျိုးသားညီလာခံ(ကျောက်ဖြူ ) တွင် AA ကိုဦးဆောင်တက်ရောက်ခရေ။ ဒေခရီးစဉ်ကြောင့် ရက္ခိုင့်လူထုနန့် ထိတွေ့ခွင့်ရခပနာ ပြည်သူစိတ်ဝင်စားမှုကို ဖမ်းဆုပ်နိုင်ခပါရေ။
ဘောလုံးကစခြင်းကို အထူးနှစ်သက်ခုံမင်ခပါရေ။ ဘောလုံး ကစရင်းခြီနှစ်ဖက်စလုံးကျိုးဖူးသူဖြစ်တေ။ စာပီကိုချစ်မြတ်နိုးသူ တစ်ဦးဖြစ်ကြောင်း Social Media တိထက်၌ သူရေးသားနီရေ သူ၏စာအရွီးအသားတိအရသိယှိရရေ။
စံသတ်မှတ်ချက်ဟိရေ ရခိုင်ဘာသာစကားပေါ်ထွန်းလာရီးကို အားပီးသူ တစ်ဦးဖြစ်တေ။ စာအုပ်တိကို စုဆောင်းစွာဝါသနာပါရေ သူတစ်ဦးလည်းဖြစ်ပါရေ။
တက္ကသိုလ်ကျောင်းသားဘဝတွင် ပညာရီးထက် လူမှုရီးလုပ်ငန်းတိတွင် အလီးပီးပြီကေ ဆောင်ရွက်နီခရေအတွက်ကြောင့် ပညာရီးဘက်တွင် အားနည်းကာ ပရဟိတဖက်အားစိုက်နီခသူဖြစ်ကြောင်း သူ၏ကျောက်ဖြူ မြို့ခံ မိတ်ဆွေသူငယ်ချင်းတိ ပြောပြချက်အရ သိယှိရရေ။
နှစ်ပေါင်းအကြာကြီး ကျင်းပခွင့်မရခရေ ရခိုင်ပြည်နယ်နိအား ကျောက်ဖြူမြို့တွင် ပြန်လည်ကျင်းပနိုင်ဖို့ ဦးဆောင်ကြိုးပမ်း အကောင်အထည် ဖော်ဆောင်ရွက်ခသူ တစ်ဦးလည်းဖြစ်တေ။
ဆီးတက္ကသိုလ်ပထမနှစ်တွင် တက္ကသိုလ်ကျောင်းသားစာပီ ဝါသနာအိုးရို့ လုပ်လေ့လုပ်ထရှိရေ ကဗျာရွီးသားထုတ်ဝီခြင်းတွင် Drသန်းထွန်းဦး (MB;BS)နန့် နှစ်ယောက်ပေါင်းပနာ "ကဗျာ" လို့နာမ်ပီးထားရေကဗျာစာအုပ်နန့် ဒုတိယနှစ်တွင် "လက်ထိုး၍အန်ချင်သောအန်ဖတ်များ" အမည်ရ အပျော်တမ်း ကဗျာစာအုပ်ကို တစ်ဦးတည်းထုတ်ဝီခရေ။ယင်းကဗျာမတိကိုရေးသားခရေ ကလောင်နာမည်မှာ ဇော်မြို့သက်(ဇော်မြိုသက်)ဖြစ်တေ။
ယင်းအပြင် Dr.ညိုထွန်းအောင်၊ လျှာထုတ် K နာမည်နန့် တစ်ခါတစ်ရံ စာတိုပီစတိကိုရွီးသားနီသည်ကိုတွေ့ဟိမ့်ရရေ။
Dr.ညိုထွန်းအောင်၏ ပထမဆုံးစာစောင်ထက်မှ လက်ရာမှာ ဆီးတက္ကသိုလ် (၂)မဂ္ဂဇင်းတွင်ဖော်ပြခံရရေ ကာတွန်းပင် ဖြစ်တေ။ လက်ဟိတွင် ရခိုင်လူထုကို အဖမ်းစားနိုင်ဆုံးစာရင်းတွင် ULA/AA မှ ဗိုလ်ချုပ်ထွန်းမြတ်နိုင်နန့် ဗိုလ်မှူးကြီး ဒေါက်တာညိုထွန်းအောင်ရို့ပင် ဖြစ်ကတ်ပါရေ။