ရခိုင်မွေသရီရဓာတ်ရို့မှာအဓိကရဖြစ်ပြီး သေလာဂီရိဗျာဒိတ်ဝင်တစ်ဆူ ဖြစ်ရေ။ မြေငူကျွန်းဧ တောင်ဘက်ပိုင်း အနောက်ကမ်းခြေဟိ နီလာပဗ္ဗတတောင်ပေါ်မှာတည်ဟိရေ။ ဂု ဉာဏ်တော်ပေ ၇၀ ဟိပြီး ထုချွန်ပုံ လုံးပိတ်စေတီ ဖြစ်ရေ။ ဗုဒ္ဓသျှင်တော်ရေ သေလာဂီရိတောင်ပေါ်၌ ခေတ္တရပ်နားစဉ် ဇေဋ္ဌတိုင်းမှ နာဂသေနာပတိနန့်ရှစ်ဦးရို့က ဆွမ်းလုပ်ကျွေးရာ ဆံတော်လေးဆူရခပနာ နီလာပဗ္ဗတတောင်သို့ ပင့်ဆောင်ကြကာ ကျောက်ပုံအဖြစ် တည်ခကတ်ရေ။ မကြာမြင့်မီ ဓညဝတီပြည်ရှင် စန္ဒသူရိယမင်းရေ မိမိဧ မကိုဋ်ပုံတော်အတိုင်း အဆင့်သုံးဆင့်ဖြင့် ပြုပြင်တည်ထားခလေရေ။ (မူကွဲတစ်ခုမှာ ရွှေတိဂုံသမိုင်းနန့် ဆက်စပ်ထားရေ။) ဘုရားပွဲတော်ကာလမှာ နတ်တော်လပြည့် (ဒီဇင်ဘာ) ဖြစ်ရေ။ ရခိုင်ဒေသ၌ အစည်ကားဆုံးရေ ဘုရားပွဲဖြစ်ရေ။ စစ်တွေမှ ရေလမ်းခရီး ၁၈မိုင်မှာစိုးမဲကျီဆိပ်သို့ ရောက်ဟိပြီး ၎င်းမှတစ်နာရီခန့် တောင်ကျော်ရရေ။ စေတီတော်တောင်ဘက် အနီးမှာခြေတော်ရာနန့် ကျောက်စတူပါတိ ကိန်းဝပ်ရေ သိမ်တော်ရာအရပ်ရို့ ဟိကတ်ရေ။ [1]
ကိုးကာ edit
- ↑ ရခိုင်သုတအဘိဓာန် - အောင်လှသိန်း (၂၀၁၅)