Wp/rki/ဆီးလိပ်ဖြတ်ရန်နည်းလမ်း

< Wp‎ | rki
Wp > rki > ဆီးလိပ်ဖြတ်ရန်နည်းလမ်း

ဆီးလိပ်ဖြတ်ရန်နည်းလမ်း

edit

(၁) ရီအေးချေ တစ်ကျိုက်စီငုံ

edit

သေးသေးဖွဲဖွဲချေတိ စား ဝါး။ စီးကရက်ကို စုပ်ရှိုက်ရခြင်းကို အစားထိုးခြင်းဖြစ်ရေ။ သုတေသနတိ့စီစစ်ချက်အရ ရီအေးချေကို ပိုက်နန့်စုပ်ငုံခြင်းက dopamine ထွက်စီရေ။ dopamine သည် “မကောင်းစိတ်” တိကို လျော့စီရေ။ အစားနည်းနည်း နန့် ဝါးစားခြင်း ကလည်း မီးခိုးငွေ့အလွမ်းကို လျော့စီရေ။ အစားတော့ ရွီးပါ။ တနားကေ ဝလာလိမေ။

(၂) ကောင်းကျိုးစဉ်းစား

edit

စီးကရက်၊ ဆီးလိပ်မသောက်ခြင်းဧကောင်းကျိုးတိ ကို စဉ်းစားပါ။ ကိုယ့်စိတ်ကိုယ် နိုင်ခြင်း၊ ငွေကုန် သက်သာခြင်း၊ အစားအသောက် အရသာပြည့်ပြည့် ဝဝ စားနိုင်ခြင်း၊ အမောခံနိုင်ခြင်း။

(၃) သွားခဏခဏတိုက်

edit

ခံတွင်းနံ့ချေ ကောင်းလာတတ် ရေ ကောင်းကျိုးရဟိဖို့ ဖြစ်ရေ။ ခံတွင်းရနံ့ချေကို ချစ်ပါ။

(၄) အယ်လ်ကိုဟော ယှောင်

edit

အယ်လ်ကိုဟောသည် ဆီးလိပ်၊ စီးကရက် သောက်လိုစိတ်ကို အားပီးရေ။ အကြောင်းပြ ချက်များစွာဟိနီ ပါရေ။ အယ်လ်ကိုဟောသည် လုပ်ချင်ရာ လုပ်မိအောင် အားပီးတတ်စွာ ကလည်း တစ်ကြောင်းဖြစ်ရေ။

(၅) မိမိကိုယ်မိမိ ဆီးလိပ်၊ စီးကရက် ကန့်သတ်နယ်မြေသတ်မှတ်

edit

လူယှေ့သူယှေ့ မသောက်၊ အလုပ်ထဲမှာ မသောက်၊ လူကြီး သူမတိဟိကေ မသောက်တာမျိုး။

(၆) အကြောင်းပြချက် သတိရ

edit

ကိုယ်ဇာကြောင့် ဒေချင့်ကို ဖြတ်ချင်လဲဆိုရေ အကြောင်းပြချက် ကိုယ်စီဟိကတ်ပါဖို့။ ယင်းချင့်ကို ရက်ပြတ်သတိရ။

(၇) နိ့စဉ် တက်ကြွလန်းဆန်း

edit

နိ့စဉ် လှုပ်ယှားတက်ကြွလန်းဆန်း လတ်ဆတ်ခြင်းကလည်း ဟိုချင့်မလုပ်ရ မနီနိုင်၊ ဒေချင့်မလုပ်ရ မနီနိုင် ဆိုစွာတိကို ဟန့်တားနိုင်ရေ။

(၈) ပြက္ခဒိန်မှာ မှတ်

edit

ဂနိ့တစ်လိပ်လည်း မသောက်ဖြစ်ကေ ယင်းရက်ချေကို ပြက္ခဒိန်မှာ မှတ်လိုက်။ ရက်တိ တိုးပွားလာစိတ် ဖြစ်လာလိမယ်။

(၉) ပါးစပ်ထဲ တစ်ခုခုထည့်ထား

edit

ပီကေ၊ မြေပဲ၊ နီကြာစေ့ စသည်

(၁၀) အပေါင်းအသင်းလိုရေ

edit

အရင်က ဆီးလိပ်၊ စီးကရက် သောက်ခပြီး ဂုအောင်မြင်စွာ ဖြတ်ထားနိုင်ပြီးရေ အပေါင်းအသင်း တစ်ယောက်ယှာပါ။

(၁၁) ကဖိန်းကန့်သတ်

edit

ကော်ဖီ၊ လက်ဖက်ရည်ကို ဆိုလိုရေ။ ကော်ဖီ၊ လက်ဖက်ရည်သည် နံနက်ပိုင်းမှာ လန်းဆန်းစီစွာ မှန်ပါရေ။ ယကေလည်း စိတ်ဖိစီးမှု၊ စိတ်လိုလားမှုတိ များစီရေ။ ယင်းအတွက် ကန့်သတ်လျှော့ချ ရလိမေ။ မကန့်သတ်ကေ ဆီးလိပ် ပြန်သောက်ဖြစ်မေ။

(၁၂) မကောင်းရေ အနောက်တိကိုသတိပြု

edit

စိတ်ဆိုးစွာ၊ စိတ်အလိုမကျစွာ၊ စိတ်ဓာတ်ကျစွာတိ ဖြစ်လာကေ ကိုယ့်စိတ် ကိုယ်ပြန်ရှုမှတ်ပါ။ ယင်း မကောင်းစိတ်တိက ဆီးလိပ်၊ စီးကရက် ပြန်သောက်မိစီရေ။

(၁၃) မကောင်းကျင့် အပေါင်းအသင်း ကိုယှောင်

edit

ဇာသူတိနန့်ဆုံကေ ပြန်သောက် မိလဲ။ ယင်းလူတိကို ယှောင်ပါ။

(၁၄) စိတ်ရှည်ပါ...ပြေးလမ်းပေါ်မှာ

edit

၁၄ ရက်ကြာ ပြတ်နိုင်ကေ ယင်းချင့်စွာ ပြေးလမ်းပေါ်ရောက်ရာ။ ယင်းအချိန်မှာ မိသားစုနန့် မိတ်ဆွေတိနန့် ဝိုင်းဖွဲ့ စားသောက်ဖို့လိုရေ။ ကိုယ်လက် လှုပ်ယှားမှုလုပ်ဖို.လိုရေ။ ဆီးလိပ်၊ စီးကရက် ပြတ်ခြင်း၊ မပြတ်ခြင်းသည် ကြားမှာ ပါးလွှာ လွန်းလှရေ။ “တစ်လိပ်” ပဲခြားပါရေ။ မီးခြစ်တစ်ခြစ်ပဲ ခြားပါရေ။ ပြန်စသောက်မိကေ ပြန်ဖြတ်ပါ။ [1]

ကိုးကား

edit

  1. ကျန်းမာရေး ဂျာနယ်