ဆီလီကွန် ဗယ်လီ ဆိုစွာမှာ အမေရိကန်ပြည်ထောင်စု ကယ်လီဖိုးနီးယားပြည်နယ် မြီာက်ပိုင်း ဆန်ဖရန်စစ္စကို ပင်လယ်အော်ဒေသကို ရည်ညွှန်းခေါ်ဆိုရေ အသုံးအနှုန်း ဖြစ်ရေ။ ထိုနီရာရေ ကမ္ဘာပေါ်တွင် အကြီးဆုံးရေ နည်းပညာနန့်သက်ဆိုင်ရေ ကော်ပိုရီးရှင်းတိ တည်ဟိရေ ဒေသဖြစ်ရေ။ မူလက ဒေသတွင်းဟိ တိပြားလှစွာရေ ဆီလီကွန်ချစ်ပ်တိကို တီထွင်သူတိနန့်ထုတ်လုပ်သူတိကို ရည်ညွှန်းခေါ်ဆိုခြင်း ဖြစ်ကေလည်း နောက်ပိုင်းတွင် ထိုဒေသအတွင်းဟိ ဟိုင်းတက်ခ် စီးပွားရီးလုပ်ငန်းတိကို ရည်ညွှန်းခေါ်ဝေါ်ကတ်ရေ။ ဂုအခါတွင် အမေရိကန်ပြည်ထောင်စုဧဟိုင်းတက်ခ် စီးပွားရီး လုပ်ငန်းတိကိုလည်း ဆီလီကွန်ဗယ်လီဟု ရည်ညွှန်းသုံးနှုန်းလေ့ ဟိကတ်ရေ။ အမေရိကန် ပြည်ထောင်စုနန့်ကမ္ဘာပေါ်ဟိ အခြားနီရာတိတွင် ဟိုင်းတက်ခ် စီးပွားရီး အချက်အချာဌာနတိ ပေါ်ပေါက်လာကတ်ကေလည်း ဆီလီကွန် ဗယ်လီရေ အမေရိကန် ပြည်ထောင်စုဟိ စွန့်စားလုပ်ကိုင်ရေ စီးပွားရီးလုပ်ငန်းတိဧသုံးပုံတစ်ပုံမျှရေ ရင်းနှီး မြှုပ်နှံမှုကို ကိုယ်စားပြုနီဆဲပင် ဖြစ်ရေ။ ပထဝီ အနိန်အထားအားဖြင့်ဆီလီကွန်ဗယ်လီတွင် ဆန်ဂျို့စ်မြို့အပါအဝင် ဆန်တာကလာရာ တောင်ကြားဒေသ တစ်ခုလုံး၊ တောင်ပိုင်း ကျွန်းဆွယ်နန့်တောင်ပိုင်း အရှေ့ဘက် ပင်လယ်အော်ဒေသရို့ ပါဝင်ကတ်ရေ။
